الأغنية اللي حاطتها الفوق تهبل 😍😘 ، و جاستن تاني يهبل 😍😊 ، اسمعوها و اعطيوني رأيكم فيها و فجاستن 😂.
و باغدون بزااف بزااف البارت خلصتوا من قبل بصح الواتباد ماعلاباليش علاه متحبش يحطو
______________________________________
في المشفى 😔 :
الطبيب : موسيو عزيز راهي فطنت ، تقدر تدخل عندها .
عزيز : آآآ وي الحمد لله يا ربي ، راهي مليحة دوكتور ؟؟! 😟 علاش صرالها هكذا؟؟!
الطبيب : حاليا 😔 ، بصح لازمها تتغدا مليح ، راهي عندها اكثر على يوم حاجة ماكلاتها ، و زيد عندها ضغوطات و قلق مفرط اللي يأثر عليها سلبيا 😔، على هادي لازم تبعدوها على أي حاجة تسببلها القلق او التوتر
عزيز : إيه مغسي دوكتور ، يعطيك الصحة 😔😣
عند إيلين :
حليت عينيا قابلني ضوء بيض قاوي ، آخر حاجة متفكرتها هي صوت و صورة عمي يهدر في كلاام ماشي مفهوم ..........
بقيت نشوف مع البلاصة اللي راني فيها ، تفكرت نهار ماتوا ماما و بابا ، نهار تحولت حياتي لجحيم ، كل مانتفكرش حاجة عينيا يدمعوا أكثر ........
حتى دخلت في حالة هيستيرية ، و بديت نعيط و نخبط في كل حاجة قدامي ، نحيت هذاك السيروم من يدي بقوة لدرجة انو يدي تجرحت ، كنت رايحة نفتح الباب باش نخرج ......
حتى لقيت عمي فتحوا بزربة و جا عنقني و يحاول يهدي فيا ، علابالي بيه فهم سبب الهيستيريا اللي راني فيها .
عزيز : بلعقل بررك بنتي درك يفوت كلشي بلعقل بررك ، كل واحد يتحاسب على الشي اللي دارو...
( عزيز علابالو بلي باباه و مرتو كاش مادارو حاجة لإيلين و توجور يحاول يفهم بصح هوما يتهربوا من الجواب و زيد بسبب خدمتوا توجور يكون بعيد آلوغ هوما يستغلوا غيابو باش يديروا رايهم لأنوا كون يسمع بيهم واش راهم يديروا يقلب الدنيا ، أما بالنسبة لخوها تاع إيلين و مبعد تعرفوا علاش ماراهش يحوس عليه )
_ بقا عمي يهدي و يصبر فيا حتى سكتت ، زاد جا الطبيب عقملي الجرح تاع يدي ، كان شوية عميق بصح الألم تاعو ماقدرش ينافس الألم تاع قلبي ...
و رحنا للدار ، عمي مافتحش الموضوع تاع جدي و مرتو نهائيا و انا تاني مافتحتوش ، حبيت نزيد نخمم شوية فهاد الشي خصوصا بعد ماتفكرت خويا و انو قادرين يديرولو كاش حاجة بسبتي ........
_ غير وصلت للدار طلعت لبيتي ، ضربت فيها دوش ( اليوم ويكاند عليها ماعنديش خدمة ) ، نشفت شعري ، و لبست بيجامتي
تسطحت فوق السرير و بقيت نخمم في حياتي البائسة ، و الأحداث اللي صراولي في هاد السمانة ، بقيت نهدر مع روحي كي المهبولة .....
أنت تقرأ
الفتاة السيئة (نهاية إدماني )
Adventureرواية جزائرية 100% توضيح : هادي الرواية باللهجة الجزائرية فقط لكن الأحداث الواقعة فيها ليس لها صلة بالعادات و التقاليد الجزائرية (ما تقولوليش مستحيل تصرا فالجزائر 😄( صغيرة كنت أستعجل الأيام كي أكبر ☺️،والآن أرتجي الأيام أن تعيدني حيث طفولتي وتنس...
