الفتاة السيئة (نهاية إدماني )

🖤 PART 09 🖤

مرحبا يا جماعتي 😂⁦✌️⁩

راني وفيت بالوعد تاعي و ماطولتش عليكم 😊

شكر خاص لكل وحدة راهي تدعمني حتى لو بكلمة 😊😘 ،
أحبكم جميعا 😍

______________________________________

أسامة : بما انو اتفقنا ، انا نروح نسمع السي أحمد بالخبر اللي رايح يفرحوا بزاااف  😊

إيلين : اييه براحتك تفضل 🙂

لم أسامة حوايجوا ، قصدي الأوراق تاعوا و راح غير وصل عند الباب دار و شاف معايا ، ضحك واحد الضحكة حسيت العصافير تطير في كرشي ، و عاود جا جيهتي ، 😳😳🤨 واش رايح يدير هذا ...

و قبل مانهدر قدم ليا و حط يدو على فمي و مسحوا 😳😳

أسامة : كان فيه شوية الشوكولا 😊😊 ، مسحتها 😊

إيلين : ( ياااااا يمااااا رايحة نطرطق من الحشمة ، يا ربي تنشق الارض و تبلعني و لا ديجا درك نسوطي من الطاقة خير 😫😱😓 ، التبهداايل ماشي حابين يخطيونييييييي😩)

إيلين : هههه مغسي 🙂

أسامة : بلا مزية 😊

و راح ، غير خرج رميت روحي فالارض بطريقة درامية 😔 ، و بديييت نندب ...

بعد مدة ماشي طويلة من النديييب ، قررت اني نوض و نكمل خدمتي اللي راهي تستنا ، حقاااا نسيت ماقلتلكمش بلي بعد سمانة رايحة نولي نخدم 3 أيام فالشركة تاع أسامة و يومين نجي لخنا باش نتفقد الخدمة إذا راهي تمشي مليح 🙂 .....

بعد ما خلصت الملفات اللي كانوا قدامي ، خرجت وين كاين البيروات تاع العمال ....

إيلين : ( بصوت مرتفع ) احم احم ،من فضلكم اسمعوني 😊 عندي ليكم خبر شباب اليوم

تجمعوا العمال و وجوههم باينة عليهم الحيرة 😳

إيلين : كيما علابالكم كان عندنا مشروع مع شركة LUC و راه لينااا 🙂 ، المدير تاعهم اعجب بزااف بالتصاميم

العمال : 😄😊⁦☺️⁩🤗 ويي كلشي مبروك لينااا 🙂

إيلين : ههه مزال كاين خبر أهم من هذا

العمال : 😳😳😳

إيلين : مدير شركتهم أعجب بخدمتنا بزااف و قدملي عرض باش نضم شركتنا لمجموعتهم 😊 ، يعني نولوا فرع تابع لمجموعة LUC العالمية 🙂 ، بصح انا ماقبلتش 😐

العمال : 🤗😱😱😓 علاااش ؟؟!

إيلين : هههه نتمسخر بررك عرض كيما هذا غير قابل للرفض 🙂

العمال : ( فينا بيناتهم ) : وااااو هاذي مادموزال إيلين راهي تهدر و تضحك لالا و تزيد تتمسخر ملفوق 😳 ، تطور ملحووظ ..........  يا ودي باينة بلي تضحك راهي انضمت لاكبر الشركات ، حتى مادارت والو ، كون جيت انا كون راني نشطح و نزغرت ملفوق .......