تلبيس إبليس

- 2 -

بعدما خرجت منى من المنزل وسارت في طريقها الى الكلية اذا بها تلاحظ نظرات الشباب اليها
منى في نفسها : هو انا فيا حاجة غلط ولا ايه

الشيطان موسوساً : لا بس تلاقيكي عشان حلوة فالشباب بيبصوا عادي انتي عارفة بيعاكسوا ما كل البنات بتتعاكس(غلط ايه ده هو ده اللي انا عايزه وعايز اكتر كمان )

منى : ليه هو انا ملفتة للدرجادي انا اصلاً مكنتش عايزة احط الهباب اللي في وشي ده من الاول

الشيطان موسوساً : لاااااااااااااااا هباب ايه هو فيه حاجة باينة اصلاً دول هما كده دماغهم فاضية هتعمليلهم ايه يعني وبعدين بلاش تعقيد بقى... اتصلي بأي حد من الشلة وشوفيهم وصلو ولا لا احسن من التفكير الاهبل ده

منى : اه صحيح اما اتصل اشوفهم فين
(تتصل منى بـــ دينا صديقتها منذ الثانوية )

منى : الو ازيك يا نودي ايه الاخبار وصلتي ولا لسه

دينا : لا انا لسه في الطريق وانتي

منى : لا انا لسه رايحة اركب

دينا : طب ما تتأخريش بقى وانجزي

منى : اوكي يا جميل انتي لوحدك ولا معاكي باقي الشلة

دينا : لا انا معايا ندى ,ورنا و دعاء اتأخروا فيحصلونا

منى : اوكي خلاص اشوفكوا هناك يلا سلام

دينا : باي

(وصلت منى الي الكلية ورأت الشباب والبنات في الكلية منهم من هو مستجد مثلها وتائه لا يدري ماذا يفعل ومنهم بالطبع من هم اكبر منها ثم رأت مجموعة شباب تقف مع مجموعة من البنات وقد علت اصواتهم من الضحك )

قالت منى في سرها : ايه قلة الادب ديه واقفين كده عادي مع بعض وبيضحكوا

الشيطان : يا حبايبي يا حلوين انتو كده تمام اوي وزي الفل لا بجد صحابي هنا عاملين شغل جامد مسيري اخليكي زيهم

ثم رأت فتاة تضع جميع الالوان التي تتخيلوها او لا تتخيلوها في وجهها وترتدي ملابس تكاد تتمزق من على جسدها رأتها مقبلة على تلك "الشلة" واذا بها تسلم على جميع الواقفين باليد بنات وشباب

ذهلت منى مما رأت وقالت : بتسلم كده عادي على الولاد كأنهم واحدة صاحبتها وايه اللي هي عملاه في نفسها ده احنا مش بنات على كده احنا ملايكة

الشيطان موسوساً : شوفتي بقى يعني لما حطيتي شوية احمر في وشك ما حصلش حاجة انتي احسن من غيرك بكتير انتي ملاك يا بنتي ملااااااااااك

منى: اما اتصل بالشلة اشوفهم فين

منى : الو .... انتو فين ....اه اه خلاص شوفتكوا اهو
ذهبت منى لتسلم على صديقاتها وتعانقهم بحرارة فهي لم تراهم من منتصف الاجازة الصيفية