في صباح اليوم التالي ذهبت منى إلى الجامعة ولكنها لم تجد "الشلة" كاملة
منى : ازيكم يا بنات ... ايه ده اومال فين دينا وندى
دعاء : راحوا لدكتور حازم
منى : دكتور حازم ؟؟؟!!!!
رنا : اه شوفتي ... البت ندى دي مخها ضرب باين
دعاء : بس شكلها معجبة بيه جداً
قالت رنا والشرر يتطاير من عينيها : معجبة ايه وبتاع ايه ده وهم ده يا بنتي
منى : هما مشوا من بدري
دعاء : لا لسه يدوب ماشيين
منى : مممممممممم طيب
على الجانب الاخر كانت دينا وندى تتحدثان ...
دينا : مممممممم واخرتها ؟؟؟
ندى : مش عارفة بقى
دينا : بصي هو الدكتور صغير ومحترم وكل حاجة بس برضه اوعي الموضوع يقلب معاكي
بجد احنا اللي بنقوله ده كله هزار في هزارندى بارتباك : هه اه اه طبعا
دينا : اه اه طبعا .... طب امشي امشي اما نشوف آخرتها
وعند مكتب الدكتور طرقت ندى الباب ودخلت : السلام عليكم يا دكتور
الدكتور : وعليكم السلام اتفضلوا
ندى : انا جاية لحضرتك عشان الجزء اللي مش فهماه زي ما قلت لحضرتك امبارح
الدكتور : طيب تعالي بقى وريني اللي مش فهماه
راحت تسأل والدكتور يشرح وبالطبع فهي لم تسمع كلمة مما قال ولكنها ظلت تحرك رأسها متصنعة الفهم وعندما انتهى قال : ها كده تمام ولا محتاجة حاجة تانية
ندى : لا شكراً يا دكتور تعبت حضرتك معايا
الدكتور : ولا تعب ولا حاجة ولو احتاجتوا أي حاجة انا مكتبي مفتوح
قالت ندى : ميرسي جداً على ذوق حضرتك ... ثم وقفت برهة محملقة
فاخذ الدكتور ينقل عينيه بينها وبين دينا في استغراب ثم قال : خير في حاجة
ندى وقد احمر وجهها وارتبكت : هه لا يا دكتور شكراً قصدي مفيش حاجة بعد اذن حضرتك
دينا : ايه اللي انتي هببتيه ده
ندى : غصب عني أعمل ايه يعني
دينا : غصب عنك ايه وبتاع ايه افرضي حس بحاجة
ندى : طب ما يحس
دينا : لا والله طيييييييب ماشي
ذهبت الفتاتان الى "الشلة " ثم قالت دينا: شوفتوا ندى عملت ايه
فصاحت بها ندى : دينا
فتجاهلتها دينا وسردت القصة والجميع في ذهول
أنت تقرأ
تلبيس إبليس
Short Storyرواية ...... تلبيس إبليس الحمد لله والصلاة والسلام على أفضل الخلق محمد صلى الله عليه وسلم وبعد.... القصه عن يوميات لفتاه مثلى ومثلك ورحلتها في الالتزام بطريق الله عز وجل ومجاهدتها في رد كيد إبليس اللعين فتغلبه تارة ويغلبها تارة أخرى فلا احد معصوم م...