تلبيس إبليس

- 7 -

استقلت منى سيارة أجرة هي و إحدى قريباتها وكان السائق شاب ملتحي وجهه منير بكل ما تحمله الكلمة من معنى
الشيطان : يعني مفيش غير التاكسي ده انا قلبي مش مطمن

كان الشاب يضع في مشغل السيارة أحد الدروس الدعوية وكان الشيخ المحاضر أسلوبه مختلفاً أخذت منى تستمع بإنتباه وكان الآتي
هى لحظة... لحظة يا شباب .. فى لحظة تغمض عينك وتفتحها تلاقى نفسك فى عالم تانى .. النبض قطع النفس اتقطع .

فلانة الطالبة الجامعية اللى ماتت فى لحظة .. وفلان اللى مات فى السكشن بتاعه ..

وفلان اللى جابوه جثة من الجيش وفلان اللى مات فى حادثة .. ايه يا جماعة ده .. لازم نتوقف .

لحظة ندم ..

فى واحد مبيفوقش غير لما يصلى على واحد صاحبه.. وواحد مبيفوقش غير لما يتصلى عليه ..

لحظة الصفر دى هنكون على طاعة ولا هنكون على معصية ..

انت عشت حياتك على ايه ؟.. وانتى عشتى على ايه؟ .. .

صرخات من تحت التراب .. صرخات من ناس ماتت .. صرخات جاية تفوقنا احنا من الغيبوبة اللى احنا فيها .

للبنات اللى فى غيبوبة .. انا عايزك تقفى تفتحى الدولاب بتاعك دلوقتى وتبصى فى اللبس ..

ده اللى هقابلي بيه ربنا .. ده اللى انتى هتتحاسبى عليه حتة حتة قدام ربنا ؟!!!!

صرخات من تحت التراب ..تعالو نقسم الشاشة نصين

النصف الأول مشهد لداعية ماشى بعربيته ع الطريق السريع شاف عربية فيها ولد وبنت فى وضع غريب ظهر فجأة عربية لوري الولد من لبخته بدل ما يدوس فرامل داس بنزين لبس فى اللوري ...جرى عليه الداعية يحاول يلقنه الشهادة قال له قول لا اله الا الله بص الولد وقال له : أنا بكرهه بكرهه !!

سمعت منى الكلمة الأخيرة وكأنما أصابتها صاعقة وشعرت برأسها يدور ولم تتمالك عبرة سقطت من عينيها وراحت تصرخ في أعماقها : ااااااااااااااااااااااااااااااااااااه بيكرهه بيكره مين انا ... انا مش قادرة اصدق يا رب رحمتك .... انا ممكن اموت كده انا ممكن يحصلي كده ؟؟؟ يا رب انا مش وحشة أوي يا رب انا بحبك يا رب وانت عارف انا حتى لما بعصيك بفكر فيك وببقى خايفة من عقابك يا رب انا مش عايزة اموت الموتة ديه يا رب ارحمني

أرادت منى ان تسأل السائق عن اسم الشريط والداعية ولكنها شعرت بالإحراج
واخذ الشيطان يوسوس : لا بلاش عيب وبعدين اصلاً الجماعة الملتحين دول متشددين ممكن ميردش عليكي اصلاً

منى في نفسها : لا انا هجرب واللي يحصل يحصل

الشيطان : انا قلت إن قلبي مش مطمن هو ربنا عايز يهدكي ولا ايه ده على جثتي لا يمكن اخلي ده يحصل

فمالت على قريبتها وهمست لها : انا عايزة اعرف الشيخ ده اسمه ايه

قالت لها قريبتها : طب اسأليه مفيهاش حاجة