#الوريثة
#الحلقه_1 المقدمه
الدنيا زحمه ناس غريبة عمري ماشفتها
ركبوا خيمه العزاء في ثواني معدوده....
ناس في حياتها مازارتنا ناس تبكي كانها تعرفنا كويس
وناس تضحك كانها مش معدله او فرحانه
اعمامي البرود ولا كانه بوهم متوفي
الوجوه الي شفتها اليوم مانذكرش اني شفتها قبل في وفاة امي وبوي او ممكن هذاكا الوقت انا صغيرة مانتفكرش فيهم
جدي توفى....؟؟؟ ايه جدي توفى💔
انا عند مني بنسكن؟ مع من بنعيش؟ مني بيستقبلني ؟
موتة جدي كسرتني اكثر من موتة اهلي بس .......
فجأه اغمي عليا ومعاش نندري علي شئ.........
..............
ملاك مواليد 99 تقرا اللغة الانجليزية مواصفاتها بيضه ووجها طفولي وعيونها ملونات وشعرها طويل كستنائي
بوها وامها توفو في حادث شنيع وعاشت مع جدها عمرها كله
بس الفتره الاخيرة تعب💔💔 وتوفى 💔
...........
__________
زكريا: يا ناديه نااديه
ناديه: ايوه نعم شن في
زكريا : بوي توفى😔💔
ناديه:هييي😨 ان لله وان اليه راجعون لا حول ولاقوة الا بالله
زكريا: كلمي الولاد قوليلهم يوتوا روحهم بنروحو لليبيا
ناديه: ايه تمام ....ركبت لولادها
طق طق وفتحت الباب
ناديه: قيس نوض قيس هيا
قيس: اووف امي خليني نرقد
ناديه: نوض بنروحوا لليبيا
قيس ناض وفتح عيونه:😲😲 علاش ان شاء الله
ناديه عيونها دمعوا: جدك توفى بنمشوا هيا
قيس: اها الله يرحمه
وطلعت ناديه وسكرت الباب
قيس: اياااااه علينا عاد😤😤😤
قيس مواليد 97 شاب طايش ومهبل العيلة مواصفاته رقيق وابيض عيونه قنينات وعنده لحيه ودمه خفيف😉😍
.........
مشت ناديه لجناح تاني وطقت
وخشت القت ولدها يتريض
ناديه: وائل
وائل نزل من آله الجري داهش بنظره غامضه وحرك راسه يمين ويسار باش يريح رقبته
وائل: عارف امي حجزت التذاكر وتو روحكم
ناديه: تمام😔💔 ...وطلعت
وائل مشي للحمام دوش ونظم اموره ونزل
وائل: بوي
زكريا مقعمز في مكانه ووحزين ع موتة بوه قام عيونه في وائل
وائل باس ع راس بوه: عظم الله اجرك
زكريا هز براسه وخلاص
وائل م 89 شخصيته جدي هلبة ومايعرفش البصاره واعر ووكلمه بس
مواصفاته طويل وعنده لحيه عيونه فيهم رعب رهيب ماسك مصانع لكبس الورق ويصدر فيهم
.......
سندس نازلة تنقز من الدروج: صباحو
ناديه بصوت حزين: صباح النور
سندس: خيركم زعلانين شن في
ناديه: جدك توفى
سندس: اها الله يرحمه😔
ناديه: بري وتي روحك بنروحو لليبيا
سندس: اها تمام ...وركبت
القت قيس قدامها
قيس: سمعتي بنرجعوا لليبيا
سندس: واااك نبيش انا 😤
قيس: والله زيك لكن بتقولي لا وائل بياكل وجهنا
سندس: لالالا😨 اهو ماشيه بنوتي روحي
قيس: حتى انا🙄
سندس اصغر وحده في العيلة مواليد 2003 مواصفاتها شقرا وشعرها قصير ودريا وعيونها ملونه ودلوعه هلبة وصعبه
________
ايهاب: يام هيا خفي روحك
عائشة: ايه هي ياناري عليها ملاك وجعتني
ايهاب: الله غالب😔
وركبوا السيارة ومشو للعزاء
ملاك فيقوها بالسيف وكانت منهاره
جوري (صديقه ملاك) : ملاك ملاك
ملاك يادوب ردت عليها
جوري: هيا اطلعي ايهاب يبي يعزيك
ملاك يادوب قدرت تمشي وساندتها جوري ووصلت للمربوعه القت ايهاب
مشالها وحضنها وملاك تبكي في حضنه
ملاك: جدي سيبني يا ايهاب💔😭 سيبني وخلاني بروحي
ايهاب: اشششش حبيبتي انا جنبك ومش مسيبك
جوري طلعت وخلتهم بروحهم اما ام ايهاب تعزي في نساوين عم ملاك
بعد دقايق ...ايهاب: هي توا خشي الداخل واهدي تمام وانا خلي نمشي نقعمز بحدا اعمامك
ملاك هزت براسها وخشت الداخل
سلمت ع عائشة ام ايهاب وعزتها
وبعد شويه ايهاب اتصل بامه وروحو
جوري: ملاك
ملاك: نعم
جوري: نوضي ارقدي وارتاحي
ملاك: خليني جوري وبدت تبكي😭💔
جوري : لاحول ولاقوة الا بالله😔💔
جوري تكون صديقة ملاك المقربه وتقرا معاها مواليد99 وتشبه لملاك لظرجة يحسابوهم خوات❤
عائشه: والله وجعتلي قلبي ملاك
ايهاب تنهد بحزن: الله غالب بنوصلك وبنرجع
عائشة: تمام
وكملو طريقهم للحوش
ايهاب خطيب ملاك مواليد ال90 طبعا علاقه من 3 سنين وجي خطبها من جدها وجدها وافق ع طول
شخصيته هادي وجوه حلو قنين وطويل ولحيه وجماله جذاب😍
عايش مع امه وبوه وعنده خوات متزوجات وهو الولد الوحيد
_________
طلعو عيلة زكريا للمطار ويستنوا في الطيارة
سندس: اووف عليك نهار
فيس: معاش تفكريني تربحي قريب نموت ونلحق جدي
سندس: بنتلاقى توا مع بنات عمي الدراهات واااااك
قيس: ياربي معاش تزيديني اسكتي 😫
وائل: هيا نوضو وصلت الطياره
زكريا وقف وناديه والباقي مشو
ركبوا للطيارة وانطلقو
________
في شاب يعول يمين يسار ولاهي بالعزاء وهو شبه الي يستقبل في الضيوف وكان زعلان ع موتة جد ملاك
جود: اخخخ ربي يرحمه بس زعما ملاك شن صار فيها
ووصل قدام الخيمه وكلم حد من الصغار انه يشوف ملاك
فتحوله الطريق ووصل لملاك
جود: ملوكتي
ملاك:جود😭😭😭💔
جود: الله يرحمه ويتقبله برحمته
ملاك: يارب يارب😭💔
جود: اهدي واطلبي الصبر ماليك الا هو
ملاك: ان شاء الله يارب😔💔
جود: هي انا طالع توا بنمشي للرجالة تبي اي شيء كلميني
ملاك: تمام
جود يكون ولد جيران ملاك في نفس الوقت خوها من الرضاعه م 99 ويقرا في الاقتصاد شب هادي وديما مع ملاك وجدها وديما يعاون ويساعد خاصة ملاك
شكله اشقر وضعيف وعيونه صغار وطوله متوسط بس كان قنين😍
________
ورده(مرت عم ملاك) : شوفيها كيف تدمع وتبكي وع اساس صايخه الصبر
سهيلة( مرت عمها التاني): انا خايفه نِدَبّسْ فيها ويخلوها عندي زي ماعارفه ولدي وتزوج وفاضل البنات بس
ورده: وووه عليك انا توا ندير سبلة ولادي
سهيلة: ياحليلي غبارتي
جهينه(بنت عم ملاك): ولا تحلمي تقعد عندنا
سهيلة: بالله اسكتي بلا نقان توا ندير راي
جهينه: ايواه
ملاك تسمع فيهم 💔💔💔وووووو
.
.
.
#يتبع
مزال في شخصيات تانيه بتطلع وعارفتها قصيرة هلبة بس هي كانت عبارة عن مقدمه بس لتعريف جزء من القصه والشخصيات
نكمل او لا؟
