#الوريثه
#الحلقه_9 ما قبل الاخيره
وائل كان مقعمز ويشوف للوراقي قدامه
وصله مسج وفتح الصوره
وائل: 😨 نوووووووووور 😰 نووور نوور لاااااا
وائل ركز ع الصورة
وائل:حرام عليك يا نور ماديريش فيا هكي
وبعده وصله فيديو
نور لابسه فيلو وتنزف لشخص غيره 💔
وائل: لااااا 💔ولوح التلفون وبدي يكسر في كل شئ ويعيط
ملاك جاته تجري : وائل وائل خيرك شن في
وائل داهش وعيونه حمر
ملاك كانت اول مره تشوف وائل هكي
ملاك: وائل🥺
وائل ناض وطلع بسرعه
ملاك: وائل خيره زعما😭 وبدي تلفون وائل يرن
ملاك خدت التلفون والقت رقم قيس ردت
قيس:وائل وائل شن الي شفته نور اليوم عرسها تي كيف هكي ياوائل كيف
ملاك:🥺🥺🥺
قيس:وائل تسمع فيا
ملاك سكرت الخط : كله مني كله مني انا السبب انا خليته يسيب حبيبته بسببي حبيبته تزوجت 😭😭😭💔 انااا خلاااااص تعبت تعبت وحق ربي تعبت
وائل يسوق بسرعه رهيبة ويضرب في الستيرسو السيارة : علاش يانور علااااش علاااش صبرتي عليا بس وزاااد السرعه 💔اااااااااااااه💔
مشي جيهة البحر وقعمز قدامه وقعد يتامل فيه وهو صورة نور بالفيلو متعها وتنزف لشخص تاني غيره في باله
احلامه كلها تهدمت في لحظه 💔
الكاتبه ايمي:اغلبنا نتصرفو بعقولنا وناخدو في قرارات غلط في لحظة غضب ومانسمعوش من الطرف التاني مبرر على طول نحكموا ونفدوا وفي الاخر نندموا على كل تصرف يجي في لحظة غضب 🤷🏻♀️
_________
تسارع في الاحداث ......
فات النهار
كان نهار عادي للجميع الا وائل وملاك
وائل كان طول اليوم مقعمز في البحر ومضايق 💔
ظلمت الدنيا وركب سيارته وروح
فتح باب الحوش القي الدنيا مظلمه استغرب شاف مكانه القاه نظيف
ركب ووصل لداره وفتح الباب القي ملاك راقده
كانت ملاك بين اليقظة والنوم
فتح وائل الضي وجي جنبها
ملاك حست بحد جي جنبها ضمت حواجبها بس من شمت ريحة وائل حتى هدت
وائل: ملوكه
ملاك فتحت عيونها كانو حمممممر ومنفوخات
وائل: خيرك ملاك
ملاك: كله مني انا السبب😭💔 انا انا
وائل: اهدي اهدي خيرك
ملاك:😭😭😭😭😭💔
وائل حضنها ويطبطب عليها لن هدت
بعدها منه وشافلها : خيرك ملاك مني مزعلك
ملاك:انا سمعت بالخبر 🥺
وائل: خبر شنو
ملاك:حبيبتك تزوجت ولاه 😭😭😭 كله مني انا السبب😭💔
وائل ابتسم بوجع : مش انتي السبب صدقيني
ملاك: كان ماتزوجتني راه انتم قعدين مع بعض
وائل يمسحلها في دموعها: اششش خلاص معاش تبكي
ملاك:🥺🥺🥺🥺
وائل: نور لو كانت حق تحبني كانت سمعتني اقل شئ بس هي ماسمعتنيش هي خدت قرار في لحظة غضب مشالها حتى قيس باش يفهمها ومافيش فايده تبيش تسمع معناها هي في الاصل خلاص رافضه الفكره ومشت في حياتها
فاهمه... مش انتي السبب انا من اول ماسمعت باعمامك وقلتلها مش ح نخلي ملاك تصيرلها حاجه وهي شجعتني علي الشئ هذا بس وقت الصح مالقيتهاش جنبي فا توا ربي يهنيها
ملاك:بس انت زعلان🥺
وائل: زعلان ومقهور ومضايق بس صدقيني كل شئ من ربي خير الناس تلقيها وقت الشده مش وقت الرخاء
ملاك بدت تبكي
وائل:ييييي علينا يا ملاك قداش ما امببيه تعالي تعالي وحضنها من جديد وقعد يهمس في وذنها ويهدي فيها
