#الوريثه
#الحلقه_3
وصلت للحوش وتسمع....
ورده: اسمعي اليوم بنكلم بشير ونقوله ع موضوع ملاك
سهيله: شن بتقوليله
ورده: نقوله قسم الورث ودبرلها اي شيء
سهيله: ايه صح خلي ناخدو الورث والفليسات وهي تمشي لستين داهيه
ورده:الحمد لله مخطوبة خلي تتزوج ونفتكو منها
سهيله :ايه بالله مالا حتى انا بنكلم عادل
ورده:ايه ايه كلميه
ملاك:💔💔💔💔💔 وخشت للحوش والدمعه في عينها
خشت لدارها وفتحها بقوه
سندس: هييي😨
ملاك: ااء سامحيني ماكنتش نعرف انك هني
سندس: ولا يهمك
ملاك مشت لدولابها وفتحت وخدت ملابسها
سندس: توا نطلع نخليك براحتك
ملاك: تمام...طلعت سندس
اما ملاك قعمزت في مكانها بحيل مهدود وهي مكسورة الخاطر💔
___________
وائل : بوي امتى ناوي تروح؟
زكريا: والله عليك انت يا ولدي
وائل: والله الحق حصلت خدمه هنايا تنفعني هلبة يعني لو تبي تروح انت والعيله برا انا نبي حوالي هنايا شهر بالكثير ونرجع
زكريا: خلاص خلي نقعدو هو حني شن ورانا الشركه حاط فيها ناس ومأمن عليها والامور تمام
وائل: تمام كلم امي تشوف حل وتفتح حوشنا من اول وجديد
زكريا:تمام ياولدي
وائل: هي نستأذنك توا ورايا شغل
زكريا:برا ربي يفتحها عليك
وائل:ان شاء الله .... ركب سيارته وانطلق
(Ɔ ˘⌣˘)♥روايات ايمي♥(˘⌣˘ C)
قيس: جووود
جود: نعم
قيس: هيا خلي نطلعو شويه الهم
جود:عليا الطلاق لما نطلع وما قاعدها هيا
قيس: تي تعجبني هيا 😂
جود خدي مفتاح سيارته وطلع هو وقيس
خطموا ع قهوه وكسدو فيها
قيس: اااه عييت يا راجل من قولة عظم الله اجركم
جود:حيوان كله بأجره😂
قيس:بالله خليني 😂 ترا بنطربق ولا ولاد عمي قداش ياكلو الكبد
جود:هلللبه هلبه ديما عراك حني وياهم
قيس: انت ومني؟🤔
جود: انا وايهاب خطيب ملاك
قيس: اااه ايه ايه علاش تتعاركو معاهم؟
جود: دراهات كبد وهما مايبوش ايهاب غير جدي وقف فيها وكسر كلمتهم فهمت فا هما حطوها في راسهم
قيس: حتى في هذه يدخلو فيها
جود: ااه وعمك جود اي حاجه تستاهل انها تستفز ح نديرها 😂
قيس: بالله المره الجايه احسبني 😂😂😂
جود: تم يا عم😉😉
___________
في الليل
بشير: زكريا
زكريا: نعم
بشير: نادي ولادك وتعالو المربوعه بنفتحو وصيه بوي
زكريا:من توا؟؟ تي مزال يا راجل
بشير: لالا هو هذاكا كل واحد يشوف الي عليه
زكريا: تمام هي ...نادى ع وائل وقيس
بشير ووسام ونزار وعادل وفؤال زكريا ووائل وقيس كلهم مقعمزين في المربوعه مع بعض
عادل: انا مش فاهم كيف تبو تفتحو وصيه وهو الميراث معروف
زكريا:شن قصدك يا عادل
عادل: قصدي كل واحد ياخد نصيبه زي مافي الشرع وتمام انا وياك وبشير نقسمو الورث وتمت
زكريا: شن شكلك نسيت عندك خو متوفي ومسيب بنت هكي كبرها وعندها حق في الورث
عادل: بس في الشرع الراجل لما يموت وعنده صغار مايورثش من الجد يورثو من البو بس وبوها ماعنده شيء لانه كان عايش بالايجار حتى حوش ماعنده
وائل مصدوم من اعمامه وقداش ما هما عباد مال
زكريا افتح وصية بوك وبعدين ساهل
بشير: تمام
وفتح الوصيه وهني كانت الصدمه 😰😰😰😰
