#الوريثة
#الحلقه_2
جهينه(بنت عم ملاك): ولا تحلمي تقعد عندنا
سهيلة: بالله اسكتي بلا نقان توا ندير راي
جهينه: ايواه
ملاك تسمع فيهم 💔💔💔
جوري: ملاك
ملاك: نعم؟
جوري: قالك جود الجنازه مش اليوم غدوه لانه عمك زكريا في الطريق
ملاك: عمي زكريا 🙄 تمام
جوري: هيا قعمزي واستقبلي الناس
ملاك: تمام ....قعمزت وبدت تفكر في كلام نساوين عمها وخدت قرار انه مش ح تطلع من حوش جدها وبتعيش فيه بروحها
وعمها زكريا الي شافاته وهي صغغيييره بس وماتعرفاش وبعدها سافر توا رجع زعما شن بيصير في رجعته
جوري مقعمزه جنبها وتواسي فيها
________
فات النهار وفي نص الليل
وصلت طيارة عيلة زكريا
سندس: اخخخ تعبانه
قيس: هيا قدامي وفكيني من دوشتك صرعتيلي راسي
سندس بصوت واطي: دراه😒
وائل: نقصو دوشه انتي وياه وقدامي يلا
زكريا: وتيت السيارة وائل
وائل: ايه اهي بتستقبلنا
زكريا: تمام
.......
الناس روحت وقعدوا العيلة باش يستقبلوا عمهم زكريا
جود: ملاك ملاك تعالي
ملاك: نعم جود
جود: عمك قريب يوصل وتو روحكم
ملاك: تمام وخشت خبرت العيلة
ورده: اسمعي سهيله
سهيله: ها نعم
ورده: كان القيتهم متغششين ويبكو ابكي زيهم تمام
سهيله: اياااه علينا
ورده: اسمعي الكلام وفكينا
سهيله: باهي
وصلو زكريا وعيلته ونزلو
استقبلوه خوته وسلمو عليه
قيس: ياعليك زحمه
سندس: روحو بيا بالله عليكم😭
قيس: خشي بالله خشي وامرنا لله
سندس: اوووف
ورده: وووه عليا راح الغالي راح الغالي راح ياسلفتنا راح يا ناديه راح
ناديه تبكي بكي حقاني
سهيله: ااه يا نديوه اااه حني عشنا معاه وخلا مكانه يانويييرتي عليه
ناديه تحضن فيهم وتبكي وتحسابه حق عاد
بس ملاك.... ملاك واقفه مسكينه في تركينه وتشوف فيهم
كيف لحظه كلهم ناضو مع بعض واهتمو بخوهم زكريا
علاش هكي واستقبلوهم مع انهم مايدوروش
كانت ملاك تشوف ومصدومه ومش فاهمه شيء شن قصة عمها وعلاش اعمامها التانين دايرين الواجب لهدرجه بينما هما كانو ح ياكلو بعضهم
زكريا سلم عليهم وخشو قعمزو
ملاك تشوفلهم وواقفه من بعيد
زكريا: بنت محمد؟
ملاك هزت براسها
زكريا: ناض وحضنها ويطبطب عليها
اما صدمه ملاك بروحها ماتوقعتش في يوم من الايام واحد من اعمامها يتصرف التصرف هذا وهما كلهم مايحبوهاش ويتجنبو فيها
بعد منها زكريا وجابها لناديه
ناديه سلمت علي ملاك وقعدت واقفه جنبهم
وائل كان يحكي مع عمه ومش مهتم بالتفاصيل اما سندس وقيس مقعمزين وقالقين ويبو يرقدو
بشير( عم ملاك وزوج ورده) : هي تعالو تفضلو عندي وباتو
عادل( عم ملاك التاني وزوج سهيله) : لا لا اليوم يباتو عندي وتيت حتى مكاناتهم
زكريا: بارك الله فيكم بنرقد في حوش بوي والي يبي يرتاح في حوشه يتفضل
بشير: بسس....
زكريا: هذا احسن حل وهيا كل واحد يمشي يرقد ورانا غدوه جنازه وزحما يلا
بشير : تمام هيا يا عيلة
كان هذا كله الحوار صاير في الخيمه البرا
ملاك لما سمعت انهم بيباتو عندها خشت لحوش جدها وطلعت عدة النوم وساوت الديار وحطت كل شيء
طلعت البرا القت اعمامها التانين مروحين
ملاك متحشمه: لو سمحت
زكريا شاف لملاك
ووائل ركز عليها واول مره يشوفها
ملاك: وتيت مكانات النوم متعكم لو تبو ترتاحو
ناديه: صحيتي بنيتي هيا تعالو
قيس: اخيرا 🙄
سندس: اوووف تعبانه😒
ملاك تشوفلهم ومستغربه
خشت ملاك معاهم وورتلهم ديارهم
سندس: قصدكم انا تبوني نرقد ع الارض؟
ملاك سمعتها: تعالي ارقدي في داري هي وع سريري
سندس: ايه ياريت يكون احسن
وائل: سندس
سندس: بدت ترعش
وائل: بري لمكانك
ملاك شافت لوائل: لالا عادي مافيش مشكله هي ليله واكيد هي تعبانه بري ارقدي في داري
سندس: تمام
وائل يشوف في ملاك اما ملاك مشت وسيباته
كل واحد خش لمكانه ورقد الا ملاك مجاهاش النوم تفكر
ترن ترن
ملاك بصوت تعبان: الوو
ايهاب: حبيبتي كيف حالك
ملاك تبكي: مخنوقه يا ايهاب نحس في روحي بنموت مش مطمنه بكل
ايهاب: معلش حبيبتي تزعليش وماتخافيش انا جنبك وباذن الله كله يتصلح
ملاك: يارب استرها
ايهاب: توا انظم اموري نفوتو 4 شهور هكي ونتزوجك مانقدرش نطول اكثر من هكي ملوكه لازم نتهنى بيك جنبي فاهمه
ملاك: ان شاء الله ايهاب
هي امسحي دموعك توا واشربي ميه وارقدي يلا
ملاك: تمام
ايهاب: نحبك❤
ملاك: نحبك❤
ايهاب: باي وغدوه نتلاقو
ملاك: تمام باي ...وسكرو الخط ..ومشت رقدت
