#الوريثه
#الحلقه_7
ايهاب: انا كملت الي قتلك عليه
الشخص: كويس مزال دوري
ايهاب: تم😏
_________
وائل قاعد يفكر ومتعصب هلبة وحركة ايهاب مستحيل يفوتها ع خير ..قعد يفكر لننن خداه النوم
تاني يوم ☀️⛅
ملاك بدت تفيق وفتحت عيونها شافت جنبها القت وائل راقد وقعدت تتامل فيه
ملاك في خاطرها: سبحان الله راقد تقول ملاك من يفتح عيونه بس يبدا زي الجن
وناضت دوشت ونظمت امورها وطلعت من الدوش وقعمزت قدام الزيانه وتسرح في شعرها
وائل فاق شاف ملاك فاتها وناض نظم اموره حتى هو
وائل:انا طالع ماتبي شئ
ملاك:بتخليني بروحي 🥺
وائل تنهد:اللهم طولك ياروح شن تبيني نقعد يوم كامل وجهي في وجهك
ملاك: 😒😒
وائل: هي تشاو
ملاك: روحه بلا رجعه
وائل رجعلها :عاودي شن قلتي 🤨
ملاك: ااء ترجع بالسلامه 😑
وائل:ااه نحسابك🤨🤨🤨
ملاك بعيون بريئه:وشن تحساب😇😇
وائل:ااء اه لا شئ😅
ملاك: تمام 😌
وائل: طلع وماشي للسياره ويكلم في روحه
وائل:خيرك يا وائل شن جاك الزح ياارب كون معاي بس
ركب السياره وانطلق
اما ملاك فا بدت تنظف في الحوش من المرش والدنيا المقلوبة
__________
ناديه: هيا نوضي ياسندس بنمشو لمرت خوك
سندس:بنمشولها من الصبح علاش
ناديه:اوامر خوك هيا
سندس:اها تمام هي
ناديه: قيس قيس
قيس:نعم يام
ناديه:بترفعنا لحوش خوك
قيس: ايه كلمني هي وتو روحكم
ناديه: تمام هي
جهزوا نفسهم وطلعو مع قيس ومشو لملاك
ترن ترن ( جرس الباب)
ملاك بخوف: مني؟
ناديه: هذه انا عمتك ناديه
ملاك فتحت الباب: اهلين ياعمتي تفضلي
ناديه: يزيد فضلك .....وسلمو ع بعضهم وقعمزوا
ناديه: كيف حالك يابنتي
ملاك:والله ياعمتي صارت فينا ليلة امس
ناديه: خير ان شاء الله شن في
ملاك: هذا.....وحكتلها كل الي صار
ناديه:الحمد لله ع سلامتكم يابنتي زعما من الي دارها
ملاك:مانعرفش😔
ناديه:ماتخافيش يابنتي حني جنبك
رن جرس الباب وفتحت ملاك
ملاك:جوووري😍😍😍
جوري:اهلين حبيبتي
ملاك:تفضلي تفضلي
جوري:مشيت لحوش جدك القيت جود قالي راهو مشو لحوش وائل قلت هيا نمشيلها ونديرلها زياره
ملاك:احلى زياره تفضلي
جوري:يزيد فضلك وسلمت عليهم
ناديه: انا تعبانه يابنتي بنخش للصالة نتكى مطيبيش غذاء وائل بيجيب تمام
ملاك: تمام ياعمتي ولايهمك
ناديه خشت اتكت والبنات قعدو يهدرزو
(Ɔ ˘⌣˘)♥روايات ايمي♥(˘⌣˘ C)
قيس:وائل شن جو
وائل:ماشيه تعالى نبيك
قيس:ان شاء الله خير
وائل: خلي نحكيلك شن صار قبل
قيس:تمام احكي
وائل:.....وحكاله كل شئ
قيس تعصب وناض يبي يمشي لايهاب ويحاسبه
وائل:اهدا يا قيس اهدا خيرنا عاد
قيس:كيف تبيني نهدا كيف🤬 ؟؟
وائل:الموضوع يبيله هدوء قعمز ريحني مش وقت هبالك
قيس: قعمزنا قولي شن بدير هي
وائل: اسمعني كويس.......
قيس:تم اعتبر الموضوع منتهي
وائل:تم
_________
طق طق طق
ايهاب راقد وفاق ع طقات الباب
ايهاب:صباح يا فتاح وناض فتح الباب
ايهاب:😮
نيهال: مرحبا
ايهاب:تفضلي
نيهال: هذا حوش خالتي عائشة
ايهاب:ايه هو
نيهال:هذا يعني انك انت ايهاب
ايهاب قلب عيونه بملل :ايه انا ايهاب
نيهال مدت ايدها: انا نيهال بنت خالتك صالحه نسيتني
ايهاب: نيهال مستحيل😯 امتى كبرتي
نيهال:توا 😀
ايهاب:هههه خشي خشي
نيهال:اصبر
ايهاب:شنو
نيهال: تعالى ساعدني في الشناطي
ايهاب: شناطي؟؟ ومشي معاها القاهم شناطي سفر
ايهاب بصوت واطي: غير ان شاء الله ماتبيش تقعد عندنا بس لانه والله ماعندي خلوق
نيهال:هيا دخلهم معاي
ايهاب:ايه هي
وخشو الزوز وعائشة فاقت وسلمت علي نيهال
عائشة: هذا يا ايهاب نيهال بتآنسنا المده الجايه وبتقعد عندنا
ايهاب:اها تتفضل 😅
نيهال: ان شاء الله مانكونش حمل ثقيل عليكم
عائشة:اللطف الحوش حوشك اصلا ايهاب ماعندناش مشكله بكل
ايهاب:اممم بكل تعرفي🙂المهم انا ماشي بنوتي روحي وبنطلع تشاو
نيهال:تشاو😍😍
ايهاب خش لداره : ناقصني انا غير هذه استغفر الله توا بنحصل فيها وانا وراي مليون حاجه
غير ملابسه وطلع
___________
فات النهار وجي الليل روح وائل للحوش وقيس معاه باش يوصل امه واخته
روح بيهم وقعد وائل وملاك
وائل جاب معاه ورق وبيرو:ملاك تعالي نبيك
ملاك: نعم
وائل: نبيك توقعي ع الاوراق هذه
ملاك: ورق شني هذا؟
وائل: وراقي الوكاله تخليني نكون وكيل لرزقك
ملاك:رزق شن الي تحكي عليه
وائل:ااه نسيت ماعندكش علم بيه
جدك كاتب املاكه كلها باسمك وانا نبي نكون وكيل عندي بيهم تصرف تاني
ملاك: اممم قتلي هههههههه ههههههه
وائل: يشبحلها مستغرب
ملاك بصوت متعصب وعالي شوية:انت هذا علاش تزوجتني ع خاطر الفلوس كنت قتلي من الاول كنت سلمتك كل شئ وخليتني مع ايهاب كان ارحم من هذا كله
وائل بصوت هادي يحاول يضبط اعصابه:نقصي صوتك ياملاك خيرلك
ملاك:مش منقصه صوتي كلكم همكم غير الفلوس همكم نفسكم بس حرقتولي قلبي الله يحرق قلبكم
وائل: ملااااك اسكتي😠
ملاك وقفت وبدت تلعلع بصوت عالي:مش ساكته مش ساكته
وائل التحفه الي جنبه حدفها بقوة وتكسرت
ملاك خافت 😥
وائل وبدي يقرب منها بهدوء
وهي توخر
وائل بصوت هادي يخوف ونظرة عيونه رعب: همي فلوس صار
ملاك ترعش مع بعضها:بب ببعد
وائل : بالك تحسابيني مشتاف في رزقك ولا همي فيه اصلا ولا بيغنيني ولا بيزيد عليا الرزق من عند ربي والحمد لله عندي ماسادني
ملاك بخوف : مالا علاش تزوجني اااه علاش؟؟؟!
وائل: شدها وقربها منه : تزوجتك باش ننقذك من ولد عمك وسام تزوجتك باش مانبيشي يقربك ويعذبك تزوجتك باش نحميك من عمامك الي هما همهم فلوس
وهما الي خطفو ايهاب يوم الفاتحه باش يتزوجك وسام وياخد منك الرزق بس انا وقفت في وجه العيلة باش ناخدك
قلتيلي الله يحرق قلبك لا اطمني قلبي محروق
بسببك وبسبب ولاد عمامك سيبت بنت نحبها تستنى فيا بالسنين ع خاطرك حرقتلها قلبها ع خاطرك الله اعلم شن صاير فيها حاليا بسببك وجاية تقوليلي الله يحرق قلبك
واجعك قلبك واجعك حالك وحال ايهاب باهي وحالي مافكرتيش فيه فكرتي بس في وجعك صح لا فيقي ملاك فيقي صحصحي
وبالنسبه لموضوع الورق اجعنك باش وقعتي اصلا مفضاني انا الي جاي نبي نحميك زياده ......شهر بالكثير وتوصلك ورقتك والي تبي اديريه ديريه
طلقها بقوة وركب لداره
ملاك في حالة صدمه ماتوقعتش وائل كان في قلبه كل هذا مافكرتش فيه نهائي ندمت ع كل كلمه قالتهاله انهارت بكي 💔💔
ملاك: يارب صبرني يااارب
اما وائل فا كانت حالته تعبانه هلبة خش للحمام حشاكم ودوش بالميه المصقعه كان مايحسش بيها لانه يغلي من الداخل
