سوري عارفين النت وعمايل النت والضي هذا علاش تأخرت عليكم 😭😭💔
#الوريثه
#الحلقه_10 والاخيره
وائل خدي تلفونه واتصل بي ايهاب
ايهاب: الوووو
وائل: حسابك زاد يا ايهاب
ايهاب: مني معاي؟
وائل: معاك وائل
ايهاب:هه😏مدامه زاد اوكي نتلاقو في المكان....
وائل: تمام ميه ميه
ايهاب فتح درج الشكماجه متعه وخدي السلاح وطلع
ركب سيارته وانطلق للمكان الي بيتلاقو فيه
ايهاب: الوووو
الشخص: شن صار
ايهاب:توا اتصل بيا وائل وبنتلاقو في نفس المكان الي قلتيلي عليه
الشخص:تم وانا تلقاني قدامك ان شاء الله
ايهاب:تم
__________
فؤاد:سلم ايدياتكم والله زي العسل اليوم الغذاء
سهيله:سلمك صحتين ع قليبك
تغدو وكملو وغسلو الماعين
يسرا اشرت لفؤاد انه يجيها
فؤاد: نعم يسرا
يسرا: تعرف خاطري نشوف ملاك جت في خاطري سبحان الله عادي نمشي نشوفها بالله عليك
فؤاد:ايه عادي علاش لا البسي وبري في حوش جدي هي
يسرا:تمام هي ....لبست عبايتها وطلعت
يسرا القت جود مقعمز قدام حوشه:جود كيف حالك
جود: تمام الحمد لله
يسرا:ملاك في حوش جدك ولاه
جود:لا في حوشنا خشيلها
يسرا:تمام هي
طقت عالباب واستقبلتها ام جود ورحبت بيها
يسرا: ملاك وين؟
ام جود: والله تعبانه الحق
يسرا: عارفه بس ضروري نشوفها
ام جود: خشي تلقيها في الدار هذيكا
يسرا: اوك تمام هي
طق طق
ملاك كانت سرحانه في عالم تاني ماتندريش علي شئ
يسرا فتحت الباب: السلام عليكم
ملاك: لاحياة لمن تنادي
قعمزت يسرا جنب ملاك وشدت ايدها
يسرا: وائل بريئ مادارش شئ يا ملاك
ملاك انتبهت ليسرا ورجعت لوعيها
ملاك: يي يسرا 😨
يسرا: ايه يسرا اليوم كنت في حوش عمتي وسمعت كل شئ
ملاك: بس وائل خاين يا يسرا😭💔
يسرا: بالعكس وائل مش خاين بنات عمك الخاينات
ملاك: كيف؟؟؟
يسرا: اااخخخخ هذا كله كان تدبير من ساره وجهينه باش يطيحو وائل ويبوك تنفصلي منه باش تاخده ساره وتتزوجه
ملاك:بس انا شفتهم بعيوني
يسرا: كان كله تدبير من جهينه وساره نفدت وشفتي الي صار كان تمثيل كله
ملاك:باهي والمحادثات هذه هاك شوفي ها
يسرا: نبيش نشوف لانهم محادثات مزورات
ملاك:كيف ؟؟؟؟!
يسرا:ايه جهينه مزورتهم باش تشوفيهم انتي وتزيدي تكرهي وائل ماتصدقيشي بكل
ملاك:😭😭😭 حرام عليهم 😭💔💔
يسرا: تزعليش معلش المهم عرفتي الحق انتي توا
ملاك :نبي وائل😭💔
يسرا:نوضي روحي جري
ملاك حضنت يسرا: معروفك مستحيل ننساه يايسرا
يسرا: ولو حبيبتي هي نوضي روحي لحوشك وخوديها قاعده عن تجربه اياك تسيبي حوشك انا سيبته وقعدت شهرين في حوش اهلي لكن مش زي حوشي
لانه حوشك هو مملكتك الخاصه اياك تخربيها فاهمه
ملاك: ان شاء الله باذن الله مستحيل نخربها
يسرا:هي نوضي جري
ملاك ناضت تجري وطلعت لخوها جود
...........
جود: الووو وائل
وائل: اليوم بنتلاقى مع ايهاب في المكان..... باش تجي
جود:اليوم بتتلاقى انت وايهاب
وائل: ايه
ملاك: وو وائل 😧😧
جود شاف وراه القي ملاك سمعت كل شئ🤦🏻♂️: تمام اهو جايك
وائل:تم... سكرو الخط
ملاك: وائل وايهاب بيتلاقو
جود:ايه خشي الداخل توا
ملاك:لا بنمشي معاك
جود: ملاك شن بتمشي معاي الهم بري خشي
ملاك:مادخليش بنمممممشششي
جود:ملاك ماتعصبينيش 😠 خشي
ملاك مشت وفاتاته وركبت في السياره
جود:اللهم طولك ياروح
جود: ملاك انزلي
ملاك: لا مافيش غيري يقدر يوقف هالحرب صدقني
جود: بس يا ملاك
ملاك:اركب هيا
جود: استغفر الله....ركب ومشي مع ملاك لوائل
__________
ايهاب وصل للمكان قبل وائل وقعد يستنى فيه
وصل وائل وكان ناوي الشر نزله وخش للمستودع
وائل: اخيرا جي هاليوم
ايهاب: صدقني انا نستنى فيه ليا وووقت
وائل طلع التسجيل من جيبه وحدفه: هذه اخرتها يا ايهاب مسجل صوتك وحاطه في حوشي باش تخوف ملاك هذا قدرك انت
ايهاب كيف بيتكلم :...
ملاك:وائل 😧
وائل شاف وراه :جووووود علاش جايبها معاك الهم روح بيها
ملاك:لا مش مروحه مش مروحه فاهم ياسر الي صار بسببي
تعبت انا وربي تعبت 😭
ايهاب كيف شاف ملاك منهاره معاش تحمل: 💔💔
وائل قرب منها :ملاك ارجعي مع جود هيا وريحيني
ملاك:خليني وائل خليني 💔
الشخص: الاحسن انك تخليها باش تعرف كل شئ
ملاك شافت وراها وكانت هذه الصدمه 😨😨
جود يشوف في حالة ذهول
ملاك: جج ججوري 😨
جوري: ايه جوري علاش مستغربه
ملاك: شن ديري هني
جوري:جيت باش ننتقم منك
ايهاب: جوري😨 كييف؟؟؟
جوري كان في زي الطاولة صغيره قعمزت عليها وقعدت تضحك بشر: هههههه تستغربش ايهاب لاني حتى انا ضحكت عليك
ايهاب: حقيره 🤬
جوري: تؤ تؤ تؤ تؤ تعرف جرحتلي مشاعري
ملاك : انا مش قادره نصدق صديقة عمري هكي ادير فيا كك كيف؟
جوري شبحتلها بحقد: انتي تسكتي احسن لانه انتي السبب في كل شئ
ملاك:بس انا شن درتلك فهميني 💔
جوري:امممم شن درتي اوكي
جوري خليك شاطره زي صاحبتك ملاك
جوري خليك مؤدبه زي صاحبتك ملاك
جوري خليك حلوه زي صاحبتك ملاك
حتى لما جوري حبت الشخص الوحيد خداته منها ملاك
ايه انا نحب ايهاب ونموت فيه بس انتي شن درتي خديتيه ايه خديتيه مني خليتيه يحبك وخليتيه يتزوجك بس هههههههههه ولاد عمك دارو فيا معروف وماخلوكش تتزوجيه
ملاك: مريضة مريييضة
جوري: ااوووو شكرا حبيبتي
ايهاب كان بيهجم عليها بس هي طلعت سلاح من جيبها
جوري: ارجع اررجع للخلف ارجع قتلك
ايهاب رجع للخلف:انتي شن ماتحسيش
جوري: هههههههه ايه مانحسش لاني ماحسيتش بشئ غير حبي ليك يا ايهاب الي انت مادورتاش بكل حتى وقت تبي تنتقم من ولاد عم ملاك ماحسيتش بيا
جوري شافت لملاك: تعرفي شن درت باش ننتقم منك اكثر؟
جوري:خلي نحكيلك بم انك اليوم بتموتي اصلا اه مش انتي بس وخوك وزوجك العزيز ح يموتو بس ايهاب حبيبي لالا تخافش انت ح تقعد ليا طول عمرك
ايهاب:بنت ال.......🤬
جوري:اااششششش🤫 مش توا الكلام بعدين خليني توا مع ملاك
ملاك: انتي حسابك معاي خليه معاي وطلعي جود ووائل بالله عليك
جوري:اششششش ماتتكلميش انتي اسمعي بس
يوم فاتحتك في الليل كلمت ايهاب وكذبت عليه وقتله انا عندي تار كبير مع عيلتك وهو تاري معاك انتي
وطبعا زدت سممت وذنه وقتله انه وائل مشترك في خطفه
(احداث من حلقه "6" )
ترن ترن
ايهاب: الووو
الشخص: دخول ملاك يوم الخميس
ايهاب: ايه عارف
الشخص: توا نقولك شن دير يوم الخميس
ايهاب: خبرني هي
جوري: يوم العرس تخش لحوش وائل وتكسرلهم المرش كله
ايهاب: بس انا مشكلتي مع وائل ليش ندير هذا كله
جوري: باش مايصير شئ فهمت وتشغل بالهم في القصه هذه
ايهاب: تمام
جوري: نبيك تسجلي صوتك وانت تغتي
ايهاب:نعم نعم بجديات تحكي انتي
جوري:ايهاب بجديات تاني يوم الصبح بنمشي لملاك وبنحط التسجيل في الحوش وكل ماتقعد بروحها نسمعها صوتك باش ماتنساكش وتقعد تفكر فيك وتتعلقش بوائل
ايهاب: تمام توا نسجله ونبعتهولك بس تبيش تعرفي ع روحك وتقوليلي انتي مني؟
جوري: مزال الوقت
ايهاب:اوك
جوري: اتفقنا
ايهاب: تم ....وسكرو الخط)
جوري: هههههههه توا انت في ظنك بجد حركه زي هذه بتخلي ملاك تقعد تفكر فيك بالعكس هكي زادت خافت وتعلقت بي وائل
جيتك طبعا يا ملاك تاني يوم العرس وكنت متوقعه انه وائل بيبعت اهله لحوشك باش يقعدو معاك
حطيت التسجيل وعيشتك في رعب دائم
جوري:ههههه اما انت يا ايهاب صدقت انه وائل هو الي خطفك من وين يعرفك هو اصلا ؟؟؟
خطفك وسام ع خاطر فلوس ملاك واملاكها وكان يبي يتزوجها بس وائل تزوج ملاك باش ينقذها ياحرام ياوائل طلعت بطل نصفقلك؟؟
ملاك:حسبي الله ونعم الوكيل فييييك
جوري:ههههههه والله بجديات تحكي انتي وخدت تلفونها واتصلت بجماعتها
جوري: تعالو بسرعه ...وسكرت الخط
وائل:جوري جوري استهدي بالله وخلينا نمشو
جوري:هه تمشو.؟؟ مستحيل عذاب السنين الي فاتو كله نبيه ينتهي واليوم
ايهاب طلع سلاحه: جوري خلينا نمشو
جوري: ههههههه نزل سلاحك نزل لانه ثواني بس وح تكون الجماعة واصله حتى لو قتلتني مش ح تقدر تطلع من هني لانك ح تموت طول
ايهاب:جوري ماتعصبينيش
جوري ضربت رصاصة فوق
ملاك:ااااااه
جوري: نزل سلاحك ولوحه بعيد قلت
ايهاب نزل سلاحه ولوحه بعيد
ملاك خايفه ووائل كان يحصل يقتلها
فجاه سمعوا صوت انذارات الشرطه
الشرطه حاوطت المكان وخشو مجموعة ملتمين بسلاحاتهم
الشرطي: سلمي نفسك انتي محاوطه
جوري خافت وماعرفتش شن دير جرت عند ملاك وحطت السلاح في راسها
جوري: خلوني نطلع ولا نقتلها
الشرطي: سلمي نفسسسك
نيهال:ايهاب ايهاب
ايهاب: نيهال شن جيبك 😨
نيهال:هيا اطلع بسرعه والنبي ايهاب
ايهاب: بس كيف جيتي
نيهال:..
#فلاش_باك
لما كان ايهاب يكلم في وائل نيهال تسمع فيه ولما القاته يطلع في السلاح مشت جري للسيارة ولبدت فيها باش تمشي معاه
وهو ايهاب مايندريش عليها بعد مانزل ايهاب وصار الي صار كانت جوري تسمع في كل شئ ونقذت الوضع واتصلت بالشرطه ونقذتهم
#باك
جوري: حولو من قدامي خلوني طلع
ملاك:خايفه
ايهاب جي من ورا جوري وقعد يصارع فيها طلقت ملاك وهربت لوائل بس ايهاب يبي ياخد منها السلاح وتطلع رصاصة
طاااف 💥
ملاك:لااااااا
ايهاب:😨
نيهال: حطت ايدها ع بطنها وشافت الدم وقعدت مصدومه
ايهاب: نيهااااال ومشالها يجري
نيهال نوضي نيهال بالله عليك ماتسيبينيش نيييهاااال 😨
الشرطه شدت جوري ورفعتها السيارة
اما ايهاب قام نيهال ورفعها للمستشفى
وائل:جود روح بي ملاك انا بنلحق ايهاب
ملاك: لالا ارفعني معاك بلكي ندير حل هيا
وائل:تمام هيا
ملاك ركبت مع وائل ومشو ورا ايهاب
ايهاب وصل للمستشفى وع طول جو الممرضات واستلمو نيهال ودخلوها غرفه العمليات
