#الوريثه
#الحلقه_6
ظلااااام دامس
ملاك القت روحها ملوحه في الطريق ومش عارفه هي وين او كيف وصلت هني
ملاك ناضت بصعوبة: انا شن وصلني هني انا وين
ادور في حلقه مفرغه
ملاك:😨😨😨😨😨😨😨
شخص مظلم مش باين بس الي باينه ايده وشاد مسدس ويبي يقتلها
الشخص: نهايتك قربت يا ملاك
ملاك: لاااااا لا لا.......هيييييييييي😨😨 .....فاقت من الكابوس
ملاك داهشه تتنفس بسرعه دقات قلبها عاليه وجها عرق
ملاك: استغفر الله استغفر الله ناضت غسلت وجها وحاولت تصحصح شويه طلعت من برا دارها القت الحوش هدوء عرفت انهم كلهم طالعين
دارت قهوه وقعمزت تفكر
ملاك: يااارب يااارب💔
________
في السياره .....
ناديه: توا يازكريا شن بيصير
زكريا: كلمت شركه نظافه يضموا حوشنا باش وائل وملاك يقعدو فيه
ناديه: تمام اخخخخ هالاحداث لا كانت لا عالبال ولا ع الخاطر
زكريا: الله غالب نصيبها البنت بس ولدي وائل نعرفه صدقيني ح ترتاح معاه
ناديه: ايه ان شاء الله
زكريا: يلا اهو وصلنا انزلي انتي انا طالع عندي مشوار
ناديه: تمام
زكريا:ماتبي شئ
ناديه: لالا سلامتك بس
زكريا: تمام هي ....وطلع
اما ناديه خشت للحوش والقت ملاك تفكر
ناديه: السلام عليكم
ملاك بصوت جاف: وعليكم السلام
ناديه عرفت انه ملاك مضايقه منها والسبب زواجها من وائل
ناديه: ملاك نبي نحكي معاك
ملاك: اوكي
ناديه: انتي توا مرت ولدي والظروف الي تزوجتي فيها ممكن صعبه
ملاك: مش عاجبها الكلام وتسمع وساكته
ناديه: بس تخيلي ملاك كان تزوجك وسام شن كان ممكن يصير فيك؟
ملاك شاف لناديه مصدومه 😨
ناديه: شفتي انتي بروحك خفتي وعارفه انهم ح يورولك الويل صح
ملاك نزلت راسها لوطه
ناديه: بنيتي ماتندريش ع الخيره وين ونبيك تهدي وتفكري وحاولي ترضي بالنصيب تمام
ملاك: سامحيني عمتي 😢💔
ناديه مسحت ع راس ملاك : السماح يابنتي الي صاير معاك مش ساهل بس نبي منك الصبر
ملاك: ان شاء الله
(Ɔ ˘⌣˘)♥روايات ايمي♥(˘⌣˘ C)
سندس كانت مكسده مع ليلى في حوشهم
ليلى: هيا نوضي معاي نديرو بوشار
سندس: لالا هيا نوضي نمشو لحوش جدي اكيده ملاك فاقت نبيش نخليها بروحها نخاف عليها
ليلى: ايه حق هيا تعالي
كيف طالعين من الحوش القو قيس وجود مقعمزين
قيس كان مضايق هلبة علي خوه ومنتبهش لي ليلى
ليلى في خاطرها: غريبة مادورش...وانا مالي 🙄
سندس: تفكر في عالم تاني
جود شاف لسندس: خيرها مضايقه هذه؟؟؟؟
وخشو لحوش ملاك
ناديه: جيتو ياحلوين
ليلى: جيينا
سندس: شن جوك ملاك
ملاك: ماشيه
ليلى خاطري في بوشار
ملاك: تعالو خلي نديرو هي
سندس: يلا يلا
___________
وسام: عزو جبت البضاعه
عزو: ياسلام جبتها
وسام: هيا اركب نمشو للاستراحه الشباب مدايرين جو غادي😉
عزو: يلا هي
ركبو وانطلقو للاستراحه
موسيقى عالية و شرب وبنات وكل الهبال صاير في الاستراحه
عزو: اووو الجو جميل
وسام: مش قتلك😉
عزو:يلا هي
وسام: نزّل البضاعه قبل
عزو: تم نزل الصناديق ودخلهم
وسام: خير ياشباب
الولاد: اهلا
وسام: وفرتلكم الكميات المطلوبة تعالو شوفوهم
الولاد: قداش صندوق
وسام: 5 وكل صندوق فيه 100 قرطاس مخدر
الولاد: تم تم هي تفضل
وسام: يلا هي 😍
____________
ترن ترن
ايهاب: الووو
الشخص: دخول ملاك يوم الخميس
ايهاب: ايه عارف
الشخص: توا نقولك شن دير يوم الخميس
ايهاب: خبرني هي
الشخص:..........
ايهاب: تم ....وسكرو الخط
