لتكُن لي وحديّ......

Part 14

* لِـتَكُن لـي وَحديّ *
* لـِ سَمَا العُبَيدي *
* الـبارت الرَابِع عَـشَـر *

* انتِ اول راحة احسها
من بعد تعب السنين
انا فعلاً چـاي اشوفچ
عوض رب العالمين  ♥️ *

*_______________*

نارين

سكتت زينب وسكتت اني هم دخلت غرفتي و ماطلعت الخوف تغلب عليه من كلامهم مرت نصف ساعه سمعت خالتي تصيح اسمي طلعت للـباب وكلت
_ نعم خاله
_ تعالي نزلي حبيبتي عندنا خطار ويسئلون عنج

باوعت ماعرفت شنو اسوي هزيت راسي و دخلت غرفتي غيرت لبسي ورشيت عطر وطلعت تاركه موبايلي بـالغرفه
نزلت لكيت وحده كاعده يم مرام كالت خالتي
_ هذه نارين وهذه خاله مرام

مديت ايدي وكلت
_ اهلاً وسهلاً شرفتي
_هلا بيج حبيبه تعالي اشوفج ابوسج

رحت يمها بـهداوه ما مرتاحه سلمت عليها بوستني وكالت
_ ما شاء الله يا شهر وصلتي
_ السادس
_ اي ما شالله يستاهل حسن تفرحين گلبه بولد يشيل اسمه وان شاء الله مرام هم مثل امه بلكت على ريحته يحن حظنها وتحمل

ما جاوبت خالتي ما علقت شيء بس لزمت ايدي و تمسح عليها باوعت بـوجهه واختنكت ضلو يحجون وسوالف وهي كل ما ارفع عيوني الكاها بوجهي صافنه شويه وصاحتني زينب رحت يمها كالت
_ حسن طالبج بالموبايل يتصل عليج وما تجاوبين
_ موبايلي فوك ناسيته

اخذت موبايلها ودخلت المطبخ احجي
_ الو حبيبي
_ وينججج شليتيييي حالي صدك تحجين
_ اعتذر گلبي والله الموبايل نسيته بالغرفه
_ ليش انتِ وين وليش مو مرتاحه بـسريرج
_ جوه اني خالتي صاحتني جايه خاله مرام وسلمت عليها
_ شنوووووو شجااااابها منووو سمحلها تدخل البيت

بعدت الموبايل عن اذني بسبب صوته العالي صاح
_ نارررررررين الوووووو وينج
_ شبيك شكو اذاني انزرفت
_ مارررريدج تكعدين يمها مارررريد تلمح ظلج فاهمه اي احد يصيحج ما تنزلين لو تقيم القيامه جوه فهمتتتتي كتلج ما نبقى هناااا كتلج نطلع من هَـالمهجووووم هذا

غلق الاتصال طلعت من المطبخ صاحتني خاله مرام تعالي نارين تعالي نشوفج باوعت على خالتي حجت بسرعه
_ تعبانه نارين ومريضه ما تكدر تكعد اكثر من اللازم خليها تصعد ترتاح بـغرفتها
_ اي حقها حامل والولد يصير ثكيل و يتعب الظهر صعدي خاله صعدي ان شاء الله انا اصعد واشوفج