قصة : { #عمق_الوريد } 🍂🖤
الحلقة السابعة عشر { ١٧ } 🔐
( تتخض حنين اما تسمعه وتقوم بسرعة تقعد )
نور : مبتجيش يعني !!
حنين : مشغولة شوية بس ، الخطوبة وكدة
نور : اة ، طيب ابقي تعالي بقا ، كفاية هتتجوزي ونتحرم منك خالص !
حنين : م انت كمان بكرة تتجوز ومش هتفضى تيجي هنا اصلاً !
نور : انا سيبت خطيبتي
( تتفاجئ حنين )
نور : هي ماما مقالتلكيش ؟
حنين : لأ ، مقالتش !
نور : سيبتها
حنين ب استغراب : طب ليه ؟!
نور وهو بيبص ف الأرض : حاسس إني خلاص معتش انفع اخطب ولا اتجوز تاني !
حنين : ليه بتقول كدة ؟!
نور : مش عارف ، ملغبط شوية اليومين دول
حنين : بكرة كل حاجة تبقا تمام
نور : إن شاء الله ، انتي مروحة امتى ؟
حنين : شوية كدة ونازلة
نور : طيب انا هدخل اغير ونازل ، شوفي لو نازلة اوصلك ع سكتي
حنين : ممكن اسلام يوصلني
نور : اااااه 🙄
حنين : ايه !
نور وهو بيمسكها من دراعها : تعالي بقا عشان في شوية حاجات كدة لازم اعرفهالك
( ياخد ايدها ويقعدها ع السرير ويقعد قصادها وكل دة وحنين متنحة ع لمسة ايده )
نور : بصي بقا ، اولاً اسلام دة لسة مش خطيبك عشان يوصلك ويروح وييجي معاكي اوك
حنين : عادي يعني ، هو .........
نور : لا مش عادي ، انا وانتي عارفين كويس هو مش عادي ليه !
حنين : طيب حاضر ، الي تشوفه لحد م يبقا خطيبي
نور : نعم ، يعني ايه لحد م يبقا خطيبي ؟!
حنين : مش انت بتقولي إنه لسة مبقاش خطيبي ، ف انا بقولك اوك لحد م يبقا خطيبي
نور بعصبية : ولا حتى خطيبك !
حنين بضحك : ازاي يعني 😄
نور : انتي بتضحكي ع ايه ؟!
حنين : مضحكتش
نور : انا مش بطمن للبني ادم دة ، الي معرفش انتي متعلقالي بيه ع ايه !
حنين : والله اسلام انسان كويس
نور : ياريت انا مكرهش إنه يبقا كويس ، بس برضو تاخدي حرسك
حنين ب استغراب : حرسي من ايه ي نور ؟!
نور بتنهيدة : حنين ممكن تسمعي كلامي وبس 😑
حنين : مش افهمه طيب الأول !
نور : انا خايف عليكي ، خايف تتأذي
( تنتبهله )
نور : خايفك تحطي نية كويسة وتلاقي حاجة وحشة ف تجرحك ، وانا مش عاوز اشوفك مجروحة عشان ساعتها والله م هرحمه ، اوك ؟
حنين وهي دموعها هتنزل من كلامه : اوك 🙂♥
نور : اجهزي عشان هاخدك ف سكتي
حنين : حاضر
( يقوم نور يدخل اوضته ، يدخل وراه غالي )
غالي : انت ايه حكايتك ؟!
نور ب استغراب : حكاية ايه ؟!
غالي : ليه بتتكلم مع حنين كدة كأنك انت الي خطيبها مش اسلام !
نور : عادي حنين اختي وبنصحها
غالي بضحك : ههههه اختك اة 😄
( يمشي غالي )
نور ب استغراب : ايه ابن الهبلة دة !
( يعدي الوقت ، تنزل حنين مع نور ويارا ، يقربه ع العربية ، يفتح نور الباب ل حنين وحنين شايلة يارا ، يقرب عليهم اسلام )
اسلام بصوت عالي من بعيد : حنيييين
( يتنهد نور ، يقرب اسلام )
اسلام : عاملين ايه ؟
حنين : الحمدل .........
نور : انت ي بني مبتفهمش !
اسلام بخضة : مبفهمش !!
نور : مش عارف إن عيب تنده اسمها ، ازاي تنده عليها ف الشارع كدة !!
اسلام ب احراج : انا مختش بالي والله 😅
نور : لا ابقا خد بالك عشان ميصحش كدة !
اسلام : اوك
( يركب نور )
اسلام : انتي رايحة فين ؟
حنين : نور هيروحني ع سكته
اسلام : طيب ي قلبي ، خدي بالك من نفسك
( يبصله نور )
حنين : حاضر
اسلام : هتوحشيني
حنين : وانت كمان
نور بغيظ : يلااا ولا ايه !
حنين : باي
اسلام : باي ي روحي
( اول م تركب حنين يطلع نور بالعربية بسرعة )
حنين وهي بتحضن يارا : بالراحة خضتنا !
( يبدأ يسوق عادي )
حنين ب استغراب : هو انت ليه بتعامل اسلام كدة ؟!
نور : بعامله كدة ازاي يعني ؟!
حنين : بتتعصب عليه وبتحرجه دايماً !!
نور : عشان تصرفاته غلط
حنين : مغلطش ع فكرة لما نده اسمي ف الشارع ، ولا غلط لما طلب منك عنوان البيت عشان ييجي يطمن عليا
نور : اة دة اشتكالك بقا !
حنين : ايوة اشتكالي ، اسلوبك وحش جداً معاه
نور : خلاص ي ستي هبقا احسنلك اسلوبي معاه ، ولا اقولك مش هتعامل معاه اصلاً عشان مزعلهوش ، مبسوطة كدة ؟
حنين ب استغراب : انت بتتكلم كدة ليه ؟!
نور بتنهيدة : اسغفر الله العظيم 🙄
حنين : ع فكرة دة هيبقا جوزي ف يوم م الأيام ، يعني المفروض تتعامل معاه ب اسلوب احسن من كدة ، انا كنت بعامل مراتك كويس ع فكرة وكنا صحاب !
نور بضيق : تمام !
( بعد شوية ، يوصله قدام عمارة حنين ، يقف نور )
حنين : يلا روحي ل بابي
( تدي يارا ل نور )
حنين : شكراً ع التوصيلة
نور : العفو 😒
( تفتح حنين العربية وتنزل ، تعدي الأيام ، يوم خطوبة حنين ، ف بيت حنين ، ناس كتير قرايبهم موجودين واغنية *ي دبلة الخطوبة* شغالة ، قاعدة حنين هي واسلام ع كنبة الأنتريه ، يبدأ اسلام يلبسها الشبكة ، يوصل نور ، يشوفهم ، يبوس ايدها اسلام بعد اما يلبسها الدبلة ، تبتسم حنين ، تزغرط الستات ، تقرب ام حنين ع نور )
ام حنين : تعالى ي حبيبي واقف ع الباب ليه !
نور : مبروك ي عمتو
ام حنين : الله يبارك فيك ي نور ادخل
( يدخل يقرب ع حنين واسلام يباركلهم )
نور وهو بيسلم ع حنين : مبروك
حنين : ميرسي 😒
نور وهو بيسلم ع اسلام : مبروك
اسلام : عقبالك
( ميردش نور ، تشتغل اغاني ، تقرب ورد هي والبنات يقوموا حنين ويرقصه ويرقص معاهم اسلام ، يقوم نور يمشي ، يعدي الوقت وتخلص الخطوبة ، حنين ف اوضتها ، ماسكة الدبلة وعمالة تحركها ف ايدها ، تعدي الأيام ، ف بيت خال حنين ، حنين قاعدة ف البلكونة ف الأرض هي ويارا بتلاعبها ، يصحى نور ، يقوم ياخد دش ويغير هدومه ويطلع من اوضته ، يسمع صوتهم )
حنين : الليل بدموعه قاسي ي ويلي من سعاته ، والصبر لسة ساكت ي ويلي من سكاته ، وعنيك بفرحتى واستنى بضحكتي ، زي الوردة م تبقا مستنية الندى ، وتغيب وتفتكر وتجيلي وتعتذر ، مين القلب الي يقدر يستحمل كل دة ، وارجع تاني واقولك ريحني الله يخليك ، متخليش الدنيا تلعب بيا وبيك ، خلي شوية عليا وخلي شوية علييييك 🎶
نور : ومتفتنيش انا وحدي
( تتخض حنين )
نور : افضل احايل فيك !
( تبتسم حنين )
نور : بدأت اتعود إني اصحى الاقيكي 🙂
حنين : قرفاكم انا عارفة 😊
نور : لا طبعاً ، بقولك بدأت اتعود ، يعني حابب وجودك ♥️
حنين ب احراج : اة !
اسلام م البلكونة : ياراااا
( تقوم حنين م الأرض )
اسلام : عاملة ايه ✋🏻
حنين : الحمدلله
اسلام : ازيك ي نور ؟
نور وهو داخل جوة : كويس 😒
( يدخل نور وتقف حنين تتكلم مع اسلام م البلكونة )
نور : ماما انا نازل
الام : بقولك ايه سيب يارا
نور ب استغراب : ليه ؟!
الام : انا طلبت من حنين تقعد معايا كام يوم عشان تعبانة ، ف سيب يارا معاها
نور : خلاص هاجي اخدها بالليل عشان انا مصدقت عودتها ع البيت
الام : طيب ي بني
نور : عاوزة حاجة وانا جاي ؟
الام : سلامتك ي حبيبي
( يبص نور ناحية البلكونة ، يلاقي حنين لسة واقفة مع اسلام ، يتنهد ويمشي ، تدخل حنين )
حنين : هو نور مشي ؟
أنت تقرأ
قصة : ( عمق الوريد ) ل سهيلة سعيد المنجي ، فكرة : نور عمر
Romance_ كتير يقوله بلاش ، بلاش تعافر عشان حد ، بلاش ولو ليك نصيب هتاخده ، لا عافر وضحي وجازف مدام واثق ف حبك مدام متأذتش م الي حبيته مدام قادر يكونلك ضهر وسند وقادر يحتويك ، متاخدش بالظروف ، كل حاجة قادر ربك يغيرها للأفضل بس انت أمن من جواك .
