قصة : ( عمق الوريد ) ل سهيلة سعيد المنجي ، فكرة : نور عمر

الحلقة ١١ و ١٢

قصة : { #عمق_الوريد } 🍂🖤

الحلقة الحادية عشر { ١١ } 🔐

( تقفل حنين الباب بسرعة ، تقرب الأم تخبط ع الباب )
الام : حنين !
( تفتح الباب ميتفتحش )
ورد : ي بت افتحي ل امك !
حنين : لأ
الام بصوت واطي : حنين ، افتحي ابن خالك برة عاوزك !
حنين : قوليله يمشي
( تستغرب ورد )
الام ب استغراب : يمشي !
حنين : ايوة انا مش طالعة ، قوليله يمشي
الام : طيب !
( تطلع الأم ل نور )
الام ب احراج : معلش ي نور اصلها نايمة 😅
نور بفهم : اة ، طيب ابقي وصللها اسفي ي عمتو ، متنسيش والنبي
الام : حاضر
نور وهو بيقوم : سلام
الام : مع السلامة ي حبيبي
( يمشي نور )
ورد : ليه عملتى كدة ؟!
حنين : عشان كفاية بقا كفاية ، كفياني حب مش كدة يعني ، انا كل السنين دي عمالة ادي وادي وادي ومش لاقية ، مش لاقيه حد يديني ، وانا مكنتش محتاجة حاجة من حد غيره وهو عمره م فكر فيا ، عمره م فكر انا محتاجة ايه ولا بحس ب ايه ولا واجعني ايه ، كل الي بينا إنه قريبي وانا قريبته ف خلاص بقا ، ايه فايدته الأعتذار ، مالوش اي فايدة مالوش اي لازمة !
( تنزل دموعها )
حنين : ايه يعني حب وضاع ، لحظة بس وايه يعني ، هو لما قلبنا ينكسر هنموت ، مش هنموت ، يبقا وايه يعني 🤷
( يذيد عياطها )
حنين بعياط : ايه يعني اكتر انسان حبتيه ف الدنيا حب غيرك ، وايه يعني ، ايه يعني كل يوم بيكسر منك حتة وهو مش داري ، ايه يعني م انا لسة عايشة اهو وسليمة وباكل وبشرب وبهزر وبضحك ، بس حد شايفني من جوة ؟ شيفاني من جوة ي ورد ؟ انتي اقرب حد ليا شيفاني من جوايااااا ؟
( تشاولها ب لأ )
حنين : انا جوايا خراب ، جوايا خراب ، حاجات كتير اوي مكركبة ، حاجات مش راكبة ع بعض ، انا جوايا حرب ، انا عقلي بيفكر لوحده ، انا في جوايا شخصين بيتكلمه من غير م افكر ، لدرجة ساعات ببقا عاوزة اخلع دماغي دي من ع كتافي وارميها ، انا تقريباً اول انسانة عقلها وقلبها بيفكره نفس التفكير ، انا الصراع الي جوايا دة عليه مش ضده ، مش ضده ي ورد .د، انا جوايا خرااااب خراب يارب ومحدش شايفني ولا حد حاسس بيا ، مفيش حد ، يبقا كفاية ولا لا ، كفاية صح ؟
( تعيط ورد وتاخدها ف حضنها )
حنين بعياط : يارب ، يارب شيله من جوايا بقا ، يارب 💔
( يرجع نور بيت امه ، يفتح الباب ويدخل ، امه قاعدة ببنته عمالة تعيط ومش عارفة تسكتها )
الام : كدة ي نور تقعدني لوحدي مع البنت وانا مش شايفة اصلاً وابوك مش هنا 😟
نور وهو بياخد منها البنت : انا اسف والله حقك عليا !
الام : رحت لمراتك ؟
نور : لأ 😒
الام ب استغراب : اومال كنت فين ؟!
نور : اتخنقت ف اتمشيت شوية
الام : طب هتروح تجيب مراتك امتى ؟
نور : مش هجيب حد ي امي ، هي مش طالبة الطلاق انا هطلقها
الام بخضة : تطلقها ايه بس انتوا في بنت بينكم لسة مكملتش اسبوعين ف الدنيا دي !!
نور : والله هي م تستاهلها
الام : مهما كان ي حبيبي ، هي امها ولازم تتربى مع معاها ، اديك شايف انا مبشوفش وابوك مش هيعرف يتعامل معاها ، مين هيراعيها بقا وياخد باله منها وهي لسة بترضع كمان !!
( يتنهد نور )
الام : عشان خاطري روح راضيها ورجعها البيت
نور بقلة حيلة : حاضر 😑
( تاني يوم ، ف بيت اهل اشرقت ، نور قاعد مع اخوها وابوها )
الاب : مكانش يصح برضو ي بني تمد ايدك عليها !
نور : لما طنط تقول ع حضرتك دلدول قصاد والدتك ، هتعمل ايه ، حط نفسك مكاني وقولي هتعمل ايه ؟
( اهلها يبصوا لبعض ب احراج ، تطلع اشرقت )
اشرقت ب زعيق : بقولك ايه ، انا قلتلك ورقتي توصلي بكرة واتفرعنت حضرتك اوي وقلتلي م انهاردة كمان ، جاي تتحنجل دلوقتي ليه بقااا 🤷
نور : شايفين اسلوبها وبتقولولي ميصحش تمد ايدك عليها !
الام ل اشرقت : احترمي نفسك ي بت انتي 😠
اشرقت : انا عاوزة اطلق ، لو عندك كرامة طلقني
الاب : م تهدي ي اشرقت واصبري !!
اشرقت : مش هادية انا خلاص عاوزة اطلق طلقني
الام : ي بنتي عشان بنتك طيب دي لسة صغيرة ومحتجاكوا انتوا الأتنين !
اشرقت : لا ي حبيبتي اهي عنده يربيها هو انا مش هربي عيال ، انا مكنتش عاوزة اخلفها اصلاً 🤷
نور وهو بيقوم : تعرفي ، فعلاً انتي متستاهليش بنت زيها ، وانا اوعدك إنك عمرك م هتشوفيها تاني ، ولا تستاهلي زوج زيي ، انتي طالق
( تتخض اشرقت ، الموضوع دخل ف الجد )
نور : وفعلاً ورقتك هتكون عندك انهاردة ⁦
( يمشي نور )
الام : ايه الي هببتيه دة !!
اشرقت : ف داهية بقا 🙄
( تعدي الأيام ونور واشرقت يطلقه رسمي ، نور ف بيت اهله ، ف اوضته ، واقف ف البلكونة ، بيفتكر كل لحظة حلوة عاشها مع اشرقت وضاعت بسبب جشعها وانانيتها ، يدخل م البلكونة ويقعد ع طرف السرير ، قصاده سرير بيبي صغير وفيه بنته ، يبصلها بحزن ويقوم يشيلها ويبوسها ، تعدي الأيام ، يسافر نور الغردقة لإن جه الصيف وبدأ موسم شغله هناك وجاب مربية لبنته عشان مامته مش هتقدر تتعامل معاها ، ف بيت اهل نور ، المربية ماسكة البنت وبتحاول تهديها عمالة تعيط وتصرخ ، يرن جرس الباب ، تفتح المربية ، تلاقي حنين ومامتها )
حنين بقلق : ايه دة مالها ؟!
المربية : مش عارفة بس مش راضية تسكت ابداً !
سمر : يمكن جعانة
المربية : لسة مأكلاها والله
حنين : طب هاتيها
( تديهالها )
حنين بحنان وصوت هادي : هااااي ي بيبي مالك ي قلبي بس ي روحي باااس
( تحاول حنين تسكتها وبالفعل تنجح ف دة )
سمر : اومال فين ام نور ؟
المربية : عندها استشارة عند الدكتور
سمر بتذكير : اة صحيح
( يرن الجرس )
المربية وهي بتقرب ع الباب : دي اكيد هي
( تفتح المربية ، تدخل ام نور وبباه )
الاب : ايه دة حنين وسمر عندنا 😃
حنين : ازيك ي خالو 😄
( تقرب حنين تسلم عليهم )
غادة : عاملة ايه ي سمر ؟
سمر : الحمدلله ي حبيبتي كويسة
غادة : دايماً ي قلبي ⁦
الاب : سكتت مع حد اهي اخيراً !
حنين : هي مبتسكتش مع حد ولا ايه ؟!
غادة : مغلبانا والله ي حنين مش قادرين عليها ولا احنا ولا المربية
سمر : لسة صغيرة برضو وكانت محتاجة امها
غادة : يلا الحمدلله ، ربنا يعينا ع الي جاي ، انا والله خلاص مبقاش فيا لا صحة ولا دماغ !
سمر : طب طلاما سكتت مع حنين خليها تبقا تيجي تقعدلك بيها
( حنين تبص ل مامتها بخضة )
غادة : مش عاوزة اشغلها بس
سمر : حنين ف البيت مبتعملش حاجة يعني فاضية
غادة : مش عارفة والله ي سمر ، خايفة اتعب حنين !
حنين : تعب ايه بس تعبك راحة ي طنط
غادة : إن شالله يخليكي ليا ي حبيبتي
( تعدي الأيام وكل اهتمام حنين ببنت نور ومتفاهمة معاها جداً والبنت اتعلقت بيها وساعات بتبات عند مرات خالها بسبب تعلقهم ببعض ونور مازال ف الغردقة مبيجيش واخوه شغله ف القاهرة عشان ظابط )