قصة : { #عمق_الوريد } 🍂🖤
الحلقة الثالثة عشر { ١٣ } 🔐
نور : اة ، طب ياريت متقفيش ف البلكونة دي لوحدك عشان معملش مشكلة مع حد !
حنين : حاضر !
نور : وع فكرة قلتلك قبل كدة متطلعيهاش بلبس البيت ، حصل ؟
حنين : ايوة حصل ، انا بس نسيت ، تصبح ع خير !
نور : وانتي بخير
( تدخل حنين تنام وينام نور ف اوضة الليڤينج ع الكنبة ، تعدي الأيام ومازال تعلق يارا بحنين بيذيد وبتطر تبات احياناً وتمشي اما تكون نايمة ، نور قاعد مع مامته )
نور : اديني فضتلك اهو ، ايه بقا الموضوع الي عوزاني فيه ؟
الام : بص ي سيدي
نور : امممم ؟
الام : دلوقتي عدى ع موضوع طلاقك دة ييجي اكتر من سنة ، وبنتك بتكبر ومحتاجة ام
نور بضيق : ماما انسي إني ارجع ل اشرقت !
الام : انا مقلتش ترجع ل اشرقت ، الست الي تهون عليها ضناها مينفعش يتعاش معاها ، ودي سابت بتها حتة لحمة حمرا ولا هان عليها ف يوم تقول فينها ولا عاملة ايه !
نور : اومال ايه الموضوع ؟
الام : تتجوز
نور ب استغراب : اتجوز !!
الام : ايوة
نور بتريقة : انتي جيبالي عروسة ولا ايه ي حجة !
الام : ايوة جيبالك
نور : مين ؟
الام : حنين
نور بخضة : حنين !!
الام : ايوة حنين
نور : انسي مينفعش !
الام : ليه بس ؟!
نور : دي زي اختي !
الام : اديك قلتها زي اختك ، لكن مش اختك ، دي بنت عمتك وتجوزلك شرعاً ، وبصراحة انا اصلاً من قبل م تتجوز الي م تتسمى اشرقت دي وانا كان نفسي تتجوز حنين 😟
نور : ي ماما مينفعش ولا هتجوز اصلاً ، انا اخدت نصيبي وكفاية اوي لحد كدة ، انا هعيش ل بنتي وبس ، ف بالله عليكي سبيني اركز معاها ومتشغلنيش بحاجات تانية !
الام : مهو عشان بنتك ، انت مش شايفها متعلقة بحنين ازاي ، مبتشفهاش وهي بتصرخ عليها لما تمشي وتقعد تعيط ومبنعرفش نهديها ، وبتطر تبات معانا عشانها ، بنتك لما رامتهالنا اشرقت مكانتش لسة تعرف يعني ايه ام ويعني ايه حنان الأم ، وانت مشيت وسيبتلها دادة ومعرفتش تسيطر عليها ولا تتفاهم معاها ، الي عرفت حنين ، والي ربت وكبرت ودادت وتعبت وسهرت الليل كأنها بنتها من لحمها حنين ، شهور ع دة الوضع ، بنتك مفكرة إن حنين امها وفراقها عنها حاجة مش هينة ، بزمتك مبتصعبش عليك وهي عمالة تصرخ عليها لما بتمشي ، اول واحدة هتبقا مستفادة م الموضوع دة بنتك إنها هتلاقي ام بجد واسرة كاملة ، فكر ف كلامي ي نور ، دة ف مصلحة بنتك
نور بضيق : ماما مفيش بنت لسة متجوزتش قبل كدة هتقبل تتجوز واحد مطلق ومخلف كمان !!
الام : طب بس انت فاتحها ف الموضوع وشوف هتقول ايه
نور : بالله عليكي متحرجنيش مع حد ، انا مش ناقص حرقة دم !
الام : انا معرفش انت مقفلها اوي كدة ليه بس !
نور : عشان انا مش هقبل ل حنين كدة ، مش هقبل إنها تبقا مربية ل بنتي حنين غالية عندي اوي وانا مش هقبلها جوازة زي دي !
الام : ي حبيبي دة انت سيد الناس 😕
نور : بس اخري اتجوز واحدة ف نفس حالتي ، مطلقة ارملة مش اكتر من كدة ، ف متتعشميش ف حنين ، ولو ع بنتي انا هعرف كويس اتعود انا وهي ع إننا نبقا لوحدنا ، وقريب هنقل ف شقة قرب شغلي هنا وهاخدها معايا
الام : انت .........
نور : بالله عليكي سيبيني اعدي المرحلة دي لوحدي وبطريقتي ، لإن لازم يكونلنا حياة مستقرة زي اي حد
الام بتنهيدة : الي تشوفه ي بني !
( تاني يوم ، ف بيت حنين ، تلبس حنين وتجهز عشان تمشي )
الام : رايحة فين ؟
حنين : عند خالو
الام بحدة : هو كل يوم ي حنين ولا ايه !
حنين : عادي ي ماما ، م انتي عارفة إني بروح عشان يارا !
الام : ي بنتي انتي مش امها ، وبعدين انا الأول كنت سيباكي مكانش في حد هناك ، لكن دلوقتي نور موجود ووجودك مبقاش كويس ، مش عاوزة حد يتكلم عليكي كلمة وحشة !
الام : ماما انتي مكبرة الموضوع كدة ليه ، دة اولاً ابن خالي ، ثانياً بييجي من برة بعد الفجر يعني مبيقعدش ف البيت ، وساعات بييجي ويمشي ومبشفهوش اصلاً !
الام : برضو خفي رجلك شوية من هناك
حنين بضيق : مش رايحة ي ماما خلاص !
( تدخل حنين اوضتها ، ف بيت نور ، يرن جرس الباب )
الام : ايوة
( تقرب ع الباب وتفتح )
اسلام : سلامو عليكم
الام : عليكم السلام
اسلام : انا اسلام ، جاركم الي ف العمارة الي ف وشكم
الام : اهلاً وسهلاً ي بني ، أأمر ؟!
اسلام : انا كنت عاوز اتكلم مع حضرتك شوية لو معندكيش مانع
الام : اة اكيد اتفضل !
( يدخل اسلام وتقعد ام نور )
الام ب استغراب : خير ي بني ؟
اسلام ب ارتباك : اااا بصراحة انا من وقت م سكنت ف وشكم وفي بنت بشوفها هنا
الام : حنين ؟
اسلام : تقريباً بنت حضرتك
الام : لا دي بنت اخت جوزي
اسلام : اة ، ف بصراحة انا معجب جداً ب ادبها ، حتى ف مرة حاولت اتعرف عليها مدتنيش فرصة حتى ، ف عشان كدة حبيت اكلم حضرتك إني عاوز اتقدملها
( تتخض ام نور لإنها مكلمة نور عليها )
الام : اة !
اسلام : انا اسمي اسلام عندي ٢٩ سنة وشغال دكتور اسنان ، والي ف وشكم دي شقتي ، انا لسة ناقل فيها قريب لإن حبيت استقر بعيد عن اهلي واتجوز بقا 😅
الام : اة ايوة اكيد
اسلام : ف حضرتك شايفة ايه ؟
الام بحيرة : والله ي بني انا مقدرش اقول رأيي ف حاجة زي كدة ، الرأي رأي حنين 🤷
اسلام : خلاص حضرتك كلميلي والدها او اديني رقم تلفون ليه احدد معاه ميعاد اتقدملها ، او لو هي حابة تتعرف عليا الأول ممكن نعمل قاعدة تعارف
الام : خلاص انا هقولها واشوف رأيها ، بس للعلم هي والدها متوفي
اسلام : اة ، اسف !
الام : ولا يهمك انا بس بقولك
اسلام : خلاص حضرتك شوفيها وردي عليا ، دة رقمي
( يديها الكارت بتاعه )
اسلام وهو بيقوم : هستأذن انا
الام : اتفضل ي بني
( يمشي اسلام ف داخلة نور ، يبصله ب استغراب )
نور وهو داخل البيت : مش دة جارنا الي ف العمارة الي ف وشنا ؟!
الام : اة هو
نور ب استغراب : وايه الي جايبه عندنا ؟!
الام : عاوز يخطب حنين
( يتخض نور )
نور : لا والله !!
الام : والله ، وشكلها المرة دي هتصيب ، الولا بالفعل مفيهوش عيب 🤷
( يسكت نور ، تاني يوم ، حنين وامها قاعدين مع مرات خالها بتقولهم ع العريس ، نور ف اوضته بيلبس )
ام نور : ف انا قلتله خلاص هكلمها واشوفها الأول
ام حنين : ايه ي هنومة ، ناوية تطفشي دة كمان !
حنين : هو انا اتكلمت !
ام نور : طب ايه رأيك ؟
حنين : انا مشفتوش غير مرة ي طنط !
ام نور : خلاص يبقا اعمله قاعدة تعارف
ام حنين : ايوة اتعرفه ع بعض الأول وبعدين شوفي
ام نور : هو اداني الكارت بتاعه عشان لو وافقتى اتصل بيه اقوله ، هااا قولتي ايه ؟
( تسكت حنين ، نور جوة سامعهم ، تبطئ حركته ف اللبس مستني يعرف ردها )
حنين : طيب ماشي
( يستغرب نور )
ام نور : خلاص هتصل بيه اقوله وتشوفه ميعاد
حنين : اوك
( يطلع نور من اوضته )
نور : سلاموا عليكم
الكل : عليكم السلام
ام حنين : عامل ايه ي حبيبي ؟
نور : الحمدلله
ام حنين : متعرفش حاجة عن العريس دة ي نور ؟
نور : لا والله ي عمتو معرفهوش 😒
ام حنين : طب ابقا اسألنا عليه احسن منعرفش عنه حاجة !
نور : حاضر
( يمشي نور وحنين بصاله ب استغراب باين عليه إنه مهموم )
ام حنين ب استغراب : هو ماله نور ي غادة باين عليه الهم كدة ليه !
أنت تقرأ
قصة : ( عمق الوريد ) ل سهيلة سعيد المنجي ، فكرة : نور عمر
Romansa_ كتير يقوله بلاش ، بلاش تعافر عشان حد ، بلاش ولو ليك نصيب هتاخده ، لا عافر وضحي وجازف مدام واثق ف حبك مدام متأذتش م الي حبيته مدام قادر يكونلك ضهر وسند وقادر يحتويك ، متاخدش بالظروف ، كل حاجة قادر ربك يغيرها للأفضل بس انت أمن من جواك .
