قصة : { #عمق_الوريد } 🍂🖤
الحلقة التاسعة { ٩ } 🔐
( تنزل دموع حنين وتسكت )
*( بعد 4 شهور )*
( ف بيت نور )
نور ب انفعال : يعني ايه تنزليه انتي اتجننتي !!
اشرقت : انا مش عاوزة عيال دلوقتي ، احنا مبقلناش خمس شهور متجوزين !
نور : وايه يعني ، وبعدين ايه مش عاوزة عيال دي ، انتي مش عاوزة تخلفي مني ؟!
اشرقت : مش عاوزة اخلف عمتاً مش حكاية منك ي نور
نور بعدم فهم : يعني ايه !!
اشرقت : يعني انا عاوزة استمتع بحياتي سنتين تلاتة ، مش اربط نفسي بحمل وقرف من دلوقتي ، اظن انا حرة ف دة 🤷
نور : لا طبعاً مش حرة انا مش موافق ع الكلام دة ، دة كلام جديد اول مرة اسمعه !!
اشرقت : وانت توافق او ترفض ليه ، مش دي حاجة تخصني !
نور بزعيق : انتي اتهبلتي ف مخك انا جوزك ، والي ف بطنك دة يخصني انا كمان ومش موافق إنك تجهضيه 😠
اشرقت بزهق : اوووووف 🙄
نور ب استغراب : ايه مالك ، ايه الي جرالك ؟!
اشرقت : مالي ؟
نور : بقالك فترة وانتي مش طيقاني ولا طايقة البيت ، ونص اليوم بتقضيه مع صحابك برة وسايبك ومش راضي اخنقك ولا اقولك اهتمي بيا وببيتك شوية ، ودلوقتي كمان مش عاوزة تخلفي مني !!
اشرقت : اظن انا مش متجوزاك عشان اتحبس ف البيت !
نور بزعيق : ولا عشان تتفسحي وتخرجي كل يوم مع ناس غريبة معرفش عنهم حاجة وتاكلي وتشربي وتنكدي ع امي كل يوم ، ي شيخة دة انا بقيت اكره ارجع البيت بسببك ، دة انتي بقيتي تقرفي 😡
( يسيبها ويخرج م البيت ، تتريق اشرقت عليه بتعابير وشها وتقعد تتفرج ع ال tv ببرود ، يعدي الوقت ، ف بيت ام نور ، ام نور قاعدة مع حنين ، يخبط الباب )
الام : افتحي ي حبيبتي
حنين وهي بتقوم : حاضر
( تقرب ع الباب تفتح ، تلاقي نور )
نور بحزن : سلامو عليكو 😒
حنين : عليكم السلام !
( يدخل نور يسلم ع مامته ، تستغرب حنين طريقته )
الام ب استغراب : مالك ي حبيبي ؟!
نور : ماليش
الام : اعملي شاي ل نور ي حنين
حنين : حاضر !
( تدخل حنين المطبخ )
الام : انت فيك حاجة ، قولي مالك !!
نور : مفيش حاجة والله متشغليش بالك ، المهم انتي عينك عاملة ايه دلوقتي ؟
الام : زي مهي والله ي نور
نور : هتدخلي عمليات الأسبوع الجاي ؟
الام : اة ي حبيبي
نور وهو بيبوس ايدها : تقوميلنا بالسلامة إن شاء الله
الام : إن شاء الله
( تقرب حنين بالشاي )
حنين وهي بتديه ل نور : اتفضل
نور : شكراً
حنين وهي بتقعد : العفو
نور ل نور : خلصتي امتحانات ؟
حنين : اة انهاردة كان اخر يوم
نور : اة ، اشرقت حامل
( تتخض حنين )
الام بفرحة : بجد والنبي 😃
نور : اة
الام : الف مبروك ي حبيبي
نور بضيق : الله يبارك فيكي
حنين ببطئ : مبروك ي نور 💔
نور : الله يبارك فيكي ي حنين
( يعدي الوقت ، نور واقف ف البلكونة ، تقرب حنين تقف جنبه )
حنين ب استغراب : نور مالك بجد ؟!
( يبصلها )
حنين : قولي في ايه !
نور : اشرقت عاوزة تنزل البيبي
( تتخض حنين )
حنين ب ارتباك : اا ازاي يعني !
( يحكيلها )
نور : بقت متغيرة اوي ، كل الي هاممها الخروج والفسح وياريت معايا ، إلا مع صحابها وقرايبها
حنين ب استغراب : طب ودة حصل فجأة كدة ؟!
نور : لا مش فجأة ، كان بيظهر واحدة واحدة ، وكنت بقول يمكن عندها حق عشان بتأخر ف الشغل وساعات بسافر للمحل التاني ، بس والله اما برجع مبفكرش ف اي حد غير فيها إن ازاي ابسطها واعوضها ، واخرتها مش عاوزة تخلف مني عشان تستمتع بحياتها ، معرفش دة ليه رد فعلها معايا !
حنين : طب يمكن خايفة م الفكرة نفسها
نور ب استغراب : ايه الي يخوف ف كدة ، اي بنت مكانها كانت هتبقا فرحانة اوي ، لكن هي بتتكلم عن الموضوع بكل استهتار وكره !
حنين : صدقني كل الحكاية إنها ممكن تكون خايفة من شيل المسؤلية دلوقتي مش اكتر
نور بتنهيدة : يارب تكون كدة فعلاً 😒
حنين : انت حاول تطمنها ، وخليك جنبها ف الأيام دي عشان متحسش إنها لوحدها
نور بضيق : اوك
( يسكته )
نور : انا عارف إني مقصر معاكي ي حنين ، بس غصب عني
حنين : خليك بس ف الي انت فيه وتعدي الأيام دى ع خير
نور : يارب ، افوق منها بس وهنتبهلك والله
حنين : ي سيدي انا موجودة اهو هروح فين يعني ، وبعدين انا زي الفل
نور : ربنا يديم وجودك
حنين ب ابتسامة : يارب 🙂
( تعدي الأيام والشهور ، ف بيت اهل اشرقت ، اشرقت قاعدة مع اخوها )
هيثم : ي ستي شوفي بس الأول
اشرقت : ي بني بترفض العرسان بترفضهم !
هيثم : متأكد إنها مش هترفضني ، انا اولاً اخوكي ثانياً انا فيا ايه يترفض ؟
اشرقت بضحك : كل حاجة 😂
هيثم : يخربيت تفاهتك اخلصي بقا اشرقت
اشرقت : طيب هبقا اكلم نور
هيثم : اول م يصحى كلميه
اشرقت : لا هبقا اكلمه ف البيت
هيثم : لا كلميه هنا قدامي
اشرقت بتنهيدة : ي بني مبيحبش حد يكلمه وهو لسة صاحي م النوم !
هيثم ب اصرار : معلش دة موضوع مهم عشان اعرف رأيه
اشرقت : طيب
( ييجي الليل ، تدخل اشرقت تصحي نور )
اشرقت : نور ، نور يلا قوم ، الساعة بقت تمانية ونص
نور بنعاس : طيب قايم 😞
( بعد شوية ، يطلع نور يقعد ف الأنتريه )
هيثم : مساؤ امعلم
نور : مساؤ
اشرقت : فوقت ؟
نور : بحاول ، جاهزة ؟
اشرقت : اة بس عاوزينك ف موضوع كدة
نور ب انتباه : موضوع ايه ؟
اشرقت : هيثم عاوز يخطب 💁🏻
نور : لا والله !
اشرقت : اة
نور : طب الف مبروك !
هيثم : الله يبارك فيك
اشرقت : البنت الي عاوز يخطبها حنين
نور ب استغراب : حنين بنت عمتي ؟!
اشرقت : ايوة
( نور يبص ل هيثم وبعدين يبص ل اشرقت )
نور : بس انتي عارفة إنها مش طايقة موضوع الأرتباط دة !
اشرقت : م انا مش فاهمة ليه يعني 🤷
نور وهو بيضير وشه : معرفش ، دي حاجة تخصها
اشرقت : خلاص احنا نقعد معاها ونسألها ، يمكن تغير رأيها اما تعرف إنه اخويا
نور وهو بيقوم : طيب يلا بينا
هيثم : م تباتوا معانا انهاردة
نور : ا ..........
اشرقت : اة ياريت ماشي 😃
نور : لا معلش ي هيثم هنروح
اشرقت : م نبات ي نور
نور : معلش مرة تانية انا تعبان
اشرقت : هو مش انت نمت !
نور ب انفعال : ي ستي انا عاوز اروح ارتاح ف بيتي مش هنقضي كل يوم برة البيت كدة !!
هيثم : طب اهدى طيب خلاص ، روحي ي اشرقت انهاردة خلي نور يرتاح
( متردش اشرقت وتاخد شنطتها وتمشي بعصبية ، يتنهد نور ويروح وراها ، تنزل ع السلم ب انفعال )
نور بزعيق : م بالراحة ي هانم ، ولا انتي عشان مش خايفة ع الي ف بطنك 😠
( تكمل نزول ومتردش عليه ، تقف عند العربية تستناه ، يفتح نور العربية ، تركب اشرقت ، يلف نور يركب ويروحوا ، يدخله البيت )
نور وهو بيقفل الباب : مرتاحة كدة انتي وكل يوم منكدة عليا 🤷🏻♂
اشرقت ب انفعال : بقولك ايه انا سيبتك تزعق فيا وتهزقني قدام اخويا ومتكلمتش ☝
نور : لا اتكلمي ي اشرقت !
اشرقت : دي اول واخر مرة تهيني فيها قدام حد من اهلي ي نوور
نور : انتي هتعلميني الأدب ولا ايه !!
أنت تقرأ
قصة : ( عمق الوريد ) ل سهيلة سعيد المنجي ، فكرة : نور عمر
Romance_ كتير يقوله بلاش ، بلاش تعافر عشان حد ، بلاش ولو ليك نصيب هتاخده ، لا عافر وضحي وجازف مدام واثق ف حبك مدام متأذتش م الي حبيته مدام قادر يكونلك ضهر وسند وقادر يحتويك ، متاخدش بالظروف ، كل حاجة قادر ربك يغيرها للأفضل بس انت أمن من جواك .
