🔥هزاك!حب بين عالمين🔥
الجزء الأول من الحلقة الاولى
👸مريم سقراط👸
قال تعالى { وما خلقت الجن والإنس إلا ليعبدونِ} صدق الله العظيم
شكون فينا لي عمرو حب؟ بلا شك كلنا حبينا و عشقنا سواءا كان هاد الحب حب أخوي أو حب الأبناء للأباء أو العكس أو حب بين رجل و إمرأة .. و هذا هو الحب لي كنتكلم عليه .. حب كيخليك فوق سحاب تضحي بالعالم كاملو باش تكون مع داك شخص لي كتبغي مستاعد تحرق لي قدامك و لي موراك باش يرضى عليك و يسقيك و لو بالقليل من حبو ولو كان هاد شخص غريب على الجنس ديالك انت فعالم و هو فعالم آخر ... حب مابين جوج ديال الاصناف مختالفين عن بعضهم بل كتر من هدشي هو عشق ممنوع بين عالمين مختلفين..
#هزاك_حب_بين_عالمين
.جالسة مابين صخور كيطلو على لبحر لما كيضرب فيهم بجهد بصوت عالي تشاخ تشاخ .. عنينيها البنينين كيحملو آلام كبير باهتين ضايرا بيهوم زروقية ..وجهها صفر .. شنايفها بويض و مقشرين.. شعرها طويل اسود كيرلي مطلوق بطريقة مبعترة بشرتها حنطية صحتها متوسطة لا من ناحية طول و لا الوزن كلشي هو هداك .. كتشوف
لبعيد ... ساعات و هي على نفس الحال ... دنيا بدات تضلام ...ماحسات غير بيد حرشة جراتها من شعرها حتا قفزات ..مع هزها نزل عليها بطرشة حتا رعفات .. كتبكي بصمت دموعها كينزلو بحال شلال غادي بيها جارها و ركبها فأوطو هيركاط و كسيرا ...
دخل لدار و هو جارها و هي كتغوت ..شافتها مها جات كتجري تفكها منو ...
فاتيحة.. سي المختار سي المختار عفا طلق من البنت راك عارف عقلها على قد الله ..كتفكها و هو حلف لا طلقها لاحها فالارض و هبط عليها بدق و فتيحة كتفك ماطلق منها حتا برد جنونو خلاها كتنأنأ بالحريق جمعات رجليها و كحزات لحيط و كتبكي فصمت
سي المختار كينهج و عينيه حومر بحال جمرة وقال
.. انا بالله وبشرع معاكم واش بغيتو تقتلوني بسباب ديك لهبيلة دبنتك مابقيتش قادر نهز وجهي قدام لي يسواااا ولي مايسواش ... هاااودني منك شوفي اش ديري معاها و لا نقتلها و نقتلك و نمشي لحبس ..... واش كل مرا فين سايحا حتا تجيبلي شي كرش دلحرام ...هاااودنيي منك
فتيحة شادة عندها حياة و كيتباكاو
فتيحة..... انت عارف البنت اش واقعلها اهىء اهىء بنتي ماشي الخاطرها .. اهىء غصبوها فشبابها الله ياخد الحق ..ماشي الخاطرها
سي المختار... ماشيييي شغلي الالة حبسيها ربطيها و لا شوفي اش ديريلها ... هنا كتلك شدي ديك لهبيلة دبتك راه فضحتوني....
لاح عليهم هاد جوج كلمات و خرج .. خلاها منهارة ماحيلتها لبنتها لي تغصبات فشبابها لبنات قدها توضفو و تزوجو ... هزاتها كتمسحلها دموعها و كتسكتها
فاتيحة ... عفا ابنتي صافي راه كتحرقيلي قلبي ابنتي راه كبدتي كتشوط
حياة كتهضر و كتشهق.. ان ناناا انا غي غيير ب بغييت نخر رر ج ش شويا للبحر مليت فداار اهىء اهىء انا و الله ما هبيلة ا اناا مم ماشي هبييلة اامي اناا ماشي هبييلة كتبكي بحرقة قلبها طايب
فاتيحة عنقاتها و كطبطب على كتفها حتا نعسات
🔥هزاك! حب بين عالمين🔥
الجزء الثاني من الحلقة الاولى
👸مريم سقراط👸
اام امممممم ااااه اااه كانت ناعسة وسط ببت مظلم العرق هابط من جبينها اااه ااام كتمتم بهضرة مامفهوماش ... صوت هضرة كثيرا و صوت ضحك مجهد هههههه اوووهههههههه ...ياك قتلك اتعدبي ..حياااة حياااااااه ... اجي ... .
كتكمش الفراش بديها صوت ضحك غادي و كيجهد ... محسات حتا ناضت طافجة ... صوت انفاسها كيتسمع ..اوووف اوووف هاه هاه اوف اعود بالله من شيطان الرجيم اعود بالله من شيطان الرجيم ..شعرها لاصق على جبينها بعداتو بديها .. فمها شحاف ناضت بغات تشرب تهزات من فوق نموسية جات تحط رجليها فالارض ماحسات على راسها حتا جات طايحا وسط الماء ..غادا و كدخل للأعماق كاتحاول تفك راسها و طلع والو
.. بقات كتغوت وسط الماء و هي حالة عنيها كتشوف غير ضلام كضرب برجليها و يديها لكن بدون جدوى.. شي حاجة كتجبدها لتحت كتر وكتر و جهها تخنق و زراقت مابقاتش قادرة تتنفس ... شافت نور ضوء قوي كيقرب ليها و هي كتشالي بديها باش الى كان شي واحد يعاونها .... نور كيقرب و عنيها كيتسدو حيت كان مجهد و جاي بسرعة كبيرة حتا ختارق جسدها ..فرمشة عين كلشي تلاشا .. لقات راسها وسط ناموسيتها يعني كان غير حلم كضور عنيها في البيت نور ضو داخل من شرجم .نهار قرب يطلع... حلات عنيها بجهد و صدمة واضحة على وجهها ..يديها جيتحسس حوايجها و لفراش و لبرودة طالعة معاها ..كانو حوايجها و النموسية كيقطرو بالماء لي غادي فالارضية ...غوتات غوتة وحدة تسمع صداها بدار كاملة ..حتا فاقت فتيحة قافزة لعندها متاجها لغرفتها . أما سي المختار تقلب لجيهة الاخرى ساخط و نعس ماداهاش فيهم متعود على هدشي كل نهار......
دخلات عندها لبيت لقاتها كترجف و عامرا بلما كتقطر تخلعات عليها ..جرات لعندها و هي مصدومة كتقيس فيها
فاتيحة...مالك ابنت اش واقع اش داك لشي ما..كتزعزع فيها و كتغوت... كولي شنو هدشي واش كدوشي فهاد لوقت بحوايجك ..هضرييي
أنت تقرأ
هزاك حب بين عالمين
Paranormalقصة مكتملة ♥️هزاك ! ♥️اسم عندي معاه قصة طويلة .. كيف لا وأنا ماشي لولة و لا لخرا نحب واحد ماشي من جنسي او العالم ديالي تحديت جميع الحواجز باش نكون معاه بغيتو كتر مابغيت راسي .. أتقولو هادي اش كتخربق ..انقوليكم عشقي ليه جنوني قلبي تعلق بيه كنموت ألف...
