🔥هزاك!حب بين عالمين🔥
الحلقة الثانية (5)
👸مريم سقراط👸
.... في البلاط ديالو وسط القصر الموجود مابين السمااء و الأرض شاسع ....
جالس في كرسيه الملكي و ألاف الخدام و الجنود جالسين مقابلين معاه .. ضاهرين بشكلهم الحقيقي حيت الجان مابيناتهم مكيحتاجوج يتسيفو..
كان طويل بزااف.. كبير الحجم.. لونو أبيض .عندو كرون باللون البني يديه كيخرج منهم نار و جناح كبار....
.... الوزير محروس.. جلالتك المنفي على لعوالم تمرد كتر و كتر رغم الاف سنين على لعقاب ديالو ..
... .. الوزير الثاني... جلالتك لازم علينا نفدو بحقو عقوبة اشد من الاولى.. الى بقينا على هاد لحال غادي تنوض الفتنة بين لعوالم و لعباد و لا الدين و لا تقاليد كيسمحو بهدشي....
...... هضر بصوت قوي شجي كايخلي لكل يتصنت ليه..... يصحاب ليه تمكن منا و هزمنا
. عطيتو فرصة يتمناها الف خائن على الله ..
يتوب و لكن خان لعهد للمرة تانية و لي خان عمرو يصون و عقابو لموت..
كل من في القاعة .. الله أكبر الله أكبر يحيا الملك الملك هزاك الأحمر يحيا الملك هزاك الأحمر...
....داراهم إشارة بيدو باش يسكتو
.... قرب ليه واحد من الاعوان...
..جلالتك.... مارد وصل و كيتسنى لإذن و الأمان منكم باش يضهر....
.....هزاك... مارد بان عليك لمان ....
...ضهر فالقاعة.... و هو و هو هاز بين يديه حياة سخفانة.. ..خلا كل من في القاعة يتصاب بذهول شنو كادير إنسية وسطهم ..تعلات الأصوات و كل كيهضر و شنو كيدير جن من الجان المردة بيناتهم .....
مارد بدا كيحس بالخوف بيناتهم..
....هزاك.... حرك يديه باش يسكتو.....
...و دار إشارة لمارد باش يقرب...
...قرب منو نحنا إجلالا ليه..
مارد.. يشرفني نكون عبد تحت أمر ملك عظيم فمقامك..
جلالتك نتمنى توفي بالعهد ووتعطيني لحماية .. شيراخ عمرو يخليني و إلى لقاني يقتلني
..... هزاك ... خيانة العهد ماشي من صفاتنا... قدام الله و قدام عباد الله كانعطيك الحماية من هنا حتا ليوم البعت سير يا مارد بن خارور معاك الله...
اختفى مارد من قدامهم و أخيرا تفك من عبودية تحت رجلين شيراخ و راوية....
......مارد من بعد ما شاف راسو انه تهلك بالاوامر و أنه فأي لحضة شيراخ أيقتلو و حتا مهمة ديالو بإدخال حياة لعالم الجن .. و فهاد المهمة أيتقتل فيها من طرف ملوك الجان الأقوياء و لي على راسهم هزاك الأحمر .. قرر يلتجأ لهزاك و يخبرو و يطلب معاونتو و عفو عليه و حمايتو من شيراخ.. هذا الأخير لي كان عارف بخططهم و خبتهم و فسادهم هلى الارض ...ولكن كان كيتسنى الوقت المناسب باش يعاقب شيراخ... قبل أنه يمشيو على الخطة و يدخل حياة لعالم الجان منها نيت باش يحميها لأنها كتبقا عبدة إنسية ضعيفة القوة .. و تبعد من شرهم .. و كذلك يحد من شرهم و يخليهم يتوهمو بلي وصلو مبتغاهم.....
..في البلاط الحريمي...
..... سموك ..سموك..عندي لك خبار .. ولكن
..عائشة... ( حتا هي بشكلها الحقيقي لكن منين كتسيف كتكون جميلة الجاميلات و هي من زوجات الملك هزاك الأحمر .. طيبة القلب و متدينة )... هضري شنو كاين. ا حنة ....
حنة... سمعت بعض خدم بلاط الملك بتواجد إنسية ...
.. عائشة بتعجب.. إنسية؟؟؟
حنة.... اه ألالة وووو سيرداب ميكدبش ....
... ناضت طايرة فسماء( من الجان الطيار) ... دخلات البلاط الملكي .. الكل نساحب لتواجدها احتراما لها..
...شافتها فوق كرسي كبير من الحرير الناعم و الدهب مزال سخفانة..
تحنات ليه و قالت ... مولاي أش هاد شي كانشوف....
... هزاك... أمري الخدام يديوها لجناح خاص و مايخليو حد يقرب منها هي عبد من عباد الله خاص نحميوها من شر اعداء الله... خلاها كتشوف فيها و ختافة من قدامها ...
... اشنو در فعل حياة ؟؟ و راوية و شيراخ لي كلشي تضرب ليهم فزيرو
أنت تقرأ
هزاك حب بين عالمين
Paranormalneقصة مكتملة ♥️هزاك ! ♥️اسم عندي معاه قصة طويلة .. كيف لا وأنا ماشي لولة و لا لخرا نحب واحد ماشي من جنسي او العالم ديالي تحديت جميع الحواجز باش نكون معاه بغيتو كتر مابغيت راسي .. أتقولو هادي اش كتخربق ..انقوليكم عشقي ليه جنوني قلبي تعلق بيه كنموت ألف...
