هزاك حب بين عالمين

🔥هزاك حب بين عالمين🔥
الحلقة العاشرة(4)
👸مريم سقراط👸
.....كتخنزر فيهم غير من لتحت ماحاملاهومش ...حتا عيطات ليها مها لي باين من صوتها مفقصة ..
فاتيحة...حيااة بنتي قربي اجي ..تسلمي  على ناس..
قربات مغزفة معاجبها حال...حتا هضرات واحد لمرا من دوك لعيالات...زوينة فوجهها و بشوشة سميتها جنات..
جنات... مشاء الله مشاء الله زيدي ابنتي قربي...
حياة غير شافت الابتسامة ديال جنات فكات غوباشتها..
سلمات عليها بعناق..
جنات.. على سلامتك ابنتي
حياة..الله يسلمك اخالتي...
سلمات عليهوم واحد بواحد و على يوسف غير من بعيد و جلسو فصالون يتعارفو .. حطات ليهوم ميمونة أتاي و دوازو دكشي على حقو و طريقو..
أم يوسف اسمها جنات..لمرا لخرا عمتو إسمها أم كلثوم و بنتها  سميتها  أم لغيت ..حتا هوما مكانوش كيقلو جمالا على جنات...و الأب محمد رجل كبير مزال شاد فراسو ..
...جلسو لكبار كيهضرو ببناتهم و يوسف  مرة يشاركهوم  في الحديث حيت اغلب الوقت كاايحضي حياة.... شي لي لكل لاحضو ...و حياة غير طتخنزر فيه ...حتا سرعات ام الغيت تنقد الموقف..
...ام الغيت.... ايوا قوليلي ا حياة شنو كيعجبك ديري..
شافت فيها حياة بتساؤل
حياة.. مافهمتش
.... ام الغيت .. زعما فوقت الفراغ ديالك شنو هما هواياتك....
حياة.... ماعرفتش و الله نسييت..تنهدات تنهيدة  طولة......يمكن الرسم هدشي لي جابلي بالي..
نطقات فاتيحة....بصح ابنتي بصح انتي كايعجلك ترسمي بززاااف ...منين كنتي كتقراي ولكن حبستي مع لخدمة...
حياة بفرح...بصح أ ما
فاتيحة.. اه ابنتي و لوحات ديالك انتي رراسك خبعتيهوم فدار لقديمة لي فصويرة..
حياة فرحات بزاااف ان حدسها تفكر شي حاجة متعلقة  بيها.....
كملو هضرتهم عادية .
حتا نطقات ميمونة و ياريتها مانطقات..
ميمونة...قوليا اولدي يوسف شحال فعمرك..
سكت لوهلة كايتفكر و يبتاسم غير بوحدو بحاال الى تفكر شي حاجة..حتا نغزو باه
محمد ...ولدي جاوب لالة ميمونة..
يوسف... الحاجة سمحيلي سهيت...عندي 35 عام..
ميمونة..تبارك الله عليك اولدي مابايناش عليك كاتبان صغر ..الله يحجبك اولدي..
يوسف...لهلا يخطيك الحاجة
ميمونة..الله يكثر من مثالك اولدي... عرفتي بنتي حياة عندها 28 عام..
حياة....حلات فيها عينيهاا محملاتش راسها تجبدها..ميمونة دارت بحال ماشافتهاش و كملات هضرتها...
ميمونة..ايوا قوليا مزوج اوليدي..
يوسف..كايشوف فحياة لي ماكرهاتش تخشا فالارض ...لا الحاجة عاد ناوي انشاء الله...
ميمونة...بصااح حتا بنتي حياة مزال..
صافي هنا حياة ولات حمرا بغات طرطق..كاتشوف فخالتها بنضرات نارية.. و يوسف غير كيشوف فيها و يضحك
....جنات.....ايوا يا لالة ميمونة الله يسهل عليهم ياربي ..
...الكل.. أمين...