هزاك حب بين عالمين

🔥هزاك! حب بين عالمين🔥
الحلقة الثالتة (1)
👸مريم سقراط👸
....... كتقلب و تشقلب عاجبها الحال.. ناعسة مرتاحة .. كاتبتاسم وسط .. نعاسها... شحال هادي مانعسات في هاد الراحة ... عجبها بزاف ملمس لفراس لي كان من الحرير الخالص.... كتحل عنيها شويا بشويا .. كتشوفو قدامها واقف  بكل شموخ ...اش هاد الجمال سبحان من خلقو و بدع في خلقو .. رجل بمعنة الكلمة طولا و عرضا شعر أسود حريري كتيف عيون سودة مشفرين.. حجبان عامرين نيف منقاد ..لحية كتيفة بعض شيء .. لابس جلباب بالاسود بحال ديال سلاطين و ظاير يديه مور ضهرو ...
... كترمش بعويناتها تحلهم و تسدهم... و هي مزال ناعسة مجبدة فالفراش... 
غير شافها  ركزات نضر فيه اختفى كأنه ماكانش .. ناضت قافزة
حياة... اعوذ بالله من شيطان الرجيم.... سرعان ما اتفكرات شنو وقع لبارح .. بدات تسرط فريقها... و كتساؤل  واش حقيقة و لا كان حلم... و الى حقيقة يعني هي دابا فعالمهم ... غير هاد الفكرة كتخليها تقفقف ... و فين الجني لي جابها باش يعاونها ... واش خلاها ... و فين هي دابا.. ناضت كاضور في البيت  .. بيت أقل مايقال عنه يكون  قد فيلا كبير بزااااف باللون الأحمر و الذهبي متقون من ناحية الديكور العربي الاصيل....
...... في الخارج أمر الخدم يدخلو عندها يشوفو اش خصها.....
.... تحل لباب ضارت كاتشوف جوج خدامات عاديين و بحال الانس ..  لالة جبنالك تاكلي
حياة.. فين انا....
مجاوبوهاش الصمت.. كالت يمكن ماسمعوهاش.. عاود سولات
حياة.. فين انا ...الصمت كدلك
تقدمو ليها بأسهى الاطباق و خرجو.... شافتهوم حوالت مع كان فيها جوع كلسات .. ريحتو واعرا و مذاقو أروع كلسات كتبنن... عمرها فحياتها داقت بحال هاد الأكل.. كان لحم مفور لطريقة غريبة و دجاج كدالك و الخصر و الفواكه كل حاجة مصوبة بطريقة .  بقات كتاكل حتا شبعات  غير سالات تسوخات لور كتمسح يديها بالمنديل ..
حياة... احح الحمد لله ... هاهوما داخلين عاوتاني هزو دكشي بلا حتا كلمة..
حياة... اويلي ياكمة دايرين ليا شي كميرة غير ففت دخلو كملت لماكلة دخلو بحال جنون..  غير طلع معاها اش فالت ...سدات فمها بديها. و كضور بجرا فالبيت غير بوحدها و كتغوت .. و كتقول مع راسها اعوذ بالله من شيطان الرجيم يمكن نيت راه جنون... تف تف تسليم تسليم انا معاكم بالله و بشرع  .... كتجري و تجري و تعاود تضرب فالباب على الله يتحل و تغوت والو و... شويا و تخشا فالفراش ... و تنوض عاوتاني تبدا حتا سخفات بجراا.....
....... كيشوف فيها و كيضحك...و قال...  و الله غريب أمركم يا بشر...
.... دازت هاكدا سيمانا و هي نفس روتين بغات تحماق ماكايسمحولهاش تخرج و الخادمات ماكايجاوبوها بوالو... مالقات حيلة لراسها من غير نعاس و الماكلة .. ردات صحيحتها و و بدات ترجع كيف كانت.. الاحلام و الحالة لي كانت كتوقعلهل مابقاش بحال عمرو كان...
.....
🔥هزاك! حب بين عالمين🔥
👸مريم سقراط👸
الحلقة الثالتة (2)
.. في المساء
كانت فبيتها كيما العادة  .. مابقاتش عارفة نهارا  من ليل.. غير من النافدة الكبيرة لي عندها فالبيت .. كتشوف فالنجوم و كتنهد دخلات عندها نفس الخادم  و هي هازة في ديها صندوق كبير..
الخادم.. لالة هذا فستان  و بعض الحلي مخصصين ليك ..لبسيهم من هنا لساعة نكون عندك... مخلاتها لا تهضر لا تسولها ومشات عاوتاني....
.... شافت فصندوق و تاجهات بخطواتها ناحيتو
حلاتو كان فستان بالابيض و دهبي بحال ديال السلطانات ليكاتشوف فالافلام.. عجبها بزاااف هزاتو بين يديها .. و تمشات لحدا لمراية كاتشوف فراسها و ضحك ... خدات الحلي لي فصندوق و العطر بريحت العود الخالص رشاتو فيديها.. و كتشم مستمتعة حسات بنشوة شداتها لهاد لعطر......
......هاهي واجدة بفستانها .. جميلات الجاميلات .. ملكة الملكات جاتك كتفتن.. حمقها راسها تخيلات راسها سلطان من سلطانات و هزات أطراف الفستان و بدات ضور و ضور و تغني و ضحك .. يا الموجة غني عالبحري غاني....
منغامسة ..
الخادم ... لالة نمشيو..
حيياة... اووف طيرتيها مني ماتدقي وماتعطسي ماديري حس..
...سبقاتها و حياة مروارها غير كتشوف ..منبارها فالقصر و أتاتو .  قصر ولا في الأحلام.. هدشي مكيدخلش لعقل ...لقاتها سبقاته و بقات كتزرب   باش توصل ليها و هاد لمرة غاتعاود تسولها تعرف شنو كاين ..
... شافت فيها الخدم و هي تقول.. وصلنا .. حياة حطات يديها على كتفها .. حتا حسات بالعافية شعات فيها بسرعة خطفات يديها
.. ضارت و هزات راسها  لعندها.. بغيتي شي حاجة الالة
لاحضات حياة   شي حاجة  غريبة . سرت شعريرة قوية في جسدها...   شافت عينيها للمعان  قوي  بحال عيون القطوط... لاحضات لخدمة  تركيز حياة في عينيها...  سداتهم وحلاتهم   و عاود  فتحاتهم حتا كاتشوفهوم  بلون أبيض كامل  سواد ... قنعات حياة  نفسهها انها غير كتوهم و صدف.... شافت لخدم  علامات التعجب في وجه حياة  ... غمضات عنيها من جديد ... فتحتهم تاني حتا كاتشوفهم حياة عاديين كعيون البشر ..
مشات  الخدم بزربو و هي حايفة على الغلط لي دارت
شعرات حياة برهبة ... شويا كتحل بوابة كبيرة قدامها ضوء قوي ضربها ... خلاها تسد عنيها... .... كاتشوف قدامها ناس كتار نساء و رجال زينهم ماشي عادي .. خليقتهم ماشي عادية نور كيخرج منهم... بدات كتيقن أنها وسطهم معاهم كاع لي عاشتو حقيقي...خافت
خوفٌ من المجهول... من العالم السفلي
لكن  و رغم ذلك كتحاول  تقنع راسها.... رجليها.. بدون وعي منها ... قادوها بإتجاهم  ......
قاعة كبيرة ...   طابلات كبار بكراسيهم كل مجموعة جالسين فطبلة  للأكل.. نساء وحدة تنسيك فالاخرى و رجال كدلك .. كتشوف بعينيها و لسانها تعقد الصدمة ....
تقدمات نحوها بإبتسمتها البشوشة ..
عائشة.. تفضلي معايا شداتها فيديها... .. و زادت لطبلة لي كان فيها الملك و زوجاته و أولادهم و خوتو و زوجاتو و ولادهم .... كاتشوف فيهم و قلبها كيضرب بجهد.. شي كايبتاسم لناحيتها شي كايطلعها و يهبطها...
عائشة جلساتهها فكرسي و مشارت رجعات تجلس فكرسي .. حدا هزاك.. .. لي جات مقابلة معاه نيشان ... هزات عنيها جات فعينيه ..  هو هو نفسو نفس شخص لي شافتو عندها فالبيت اول مرة .. شاف فيها و بتاسم عارف شنو كايضور فراسها وكمية الخوف لي فقلبها
.....
🔥هزاك حب بين عالمين🔥
👸مريم سقراط👸
الحلقة الثالتة(3)
..قال هزاك ملك الجان بصوتٍ قوي و حنون فنفس الوقت و هو كيشوف فيها... بلا شك انتي عارفة كلشي و انتي فين دابا  ... و كل لي يدور فبالك حقيقة ماشي خيال ...  غادي نشرح ليك كولشي مور وليمة العشاء هو كيهضر و هي كتشوف فيه مصدومة هي دابا وسطهم  .. وسطهم 
رجع قال بصوت عالي  بصوت عالٍ:
مرحبا بيك  يا إنسية  في عالم  الجان مرحباً بك خارج عالم البشر... مرحبا بيك .... أنت دابا في ضيافتي و تحت حمايتي .. نتي دابا في ضيافة ملك الجان ... بدات الاصوات  كتعلا بالترحيب بيها...
... سيدة يبسات الله يرحمها .. كتشوف ضبابة بين عنيها .. ماحسات حتا سخفات من فوق الكرسي ...
.... حرك يديه باش يسكتو.. كيشوفو فيها بدهول جاتهم غريبة...تقدم ناحيتها و هزها .. بين يديه و زوجاتو و أولادو كايسوفو فيه .. مكرهين.. ختافة من قدامهم .. ..
.فبيتها حاطها فوق نموسية  ...... كيشوف فيها.. من راسها لرجليها .. بالنسبة ليه جمالها عادي قدام الجنيات لخرين. منين كيتسيفوو... قال فسرو عجيب أمر هاد الإنسية ... ضحكاتو بكل تفاصيلها و أفعالها الغربية.. لي مزال واخا لي داز و لي شافت مزال بعقلها ..وكان شي حد أخر راه مات غير بلخلعة.. خوافة و قوية فنفس الوقت .. جلس جنبها و قرب يديه لوجهها كيحيد ليها شعر على عنيها...
..كتحس بملمس حرش و سخون على وجهها...
حلات عنيها بشوية كتشوف فيه.. ماحس ببها حتا طاررت لاصقة فناموسية
و كتمتم بصوت خافت و كتشو فيه"أعوذ بالله من الشيطان الرجيم"
توقف امامها  مبتاسم . وقل: علاش كتستعيذ بالله؟!! واش شفتي شيطان
ماجاوباتوش و بقات زايدة في الكلام...
حياة.. انا بالله و بشرع معاك ... ماتأدنيش .. نقزات .. لجيهة الأخرى وكترجع باللور ...
حياة.. اهىء اهىء ندمت ندمت حتا جيت لهنا اش داني اهىء اهىء ... يعطيني لعداب نهار دخلت فشي حاجة بعيدا عليا..
.......كترج كترج بلور حتا وصلات قدام االباب و هي تحلو و عطات برجليها لريح.... كتجري بكل جهدها فممر طويل مابغاش يسالي..
وقفات كتيترجع انفاسها و كضور في جنابهها كينين بزاف دالممرات..حتا وقفها صوت من وراها هلاها تجمد..
هزاك.. إنسية كتقلبي على شي حاجة..
...ضارت بالعرض البطيء و صوت قلبها كيتسمع بجهد...
شافتو قدامها...
حياة. .. ك كك كيفا اااش شش انت لهيه ووو  و هنا ن انا انا..مجات فين طيح عاوتاني حتا شدها بين دراعو..
... وقال علم الله و كان شفتي شكلي الحقيقي اش يوقع....
🔥هزاك حب بين عالمين🔥
الحلقة الرابعة (1)
👸مريم سقراط👸..
بعد مرور تلاثة أيام..
..... كتحس براسها وسط دوامة... كانت غارقة و.. غرقات كتر و كتر ..... يمكن حماقت كيما كايقولو ناس .. توحشات حياتها لقديمة كانت مجرد بنت بسيجة همها الوحيد تشد الباك و تتوضف.. و تعاون الأسرة ديالها...يمكن كلشي تبدل خاثها تتقبل الأمر و توكل هلى الله هو بيدو كلشي... ..
... حل لباب و دخل .... كايشوف فيها  ... حس بيها بالمعنات ديالها .. هادشي صعيب و لكن مكتاب الله....
.. مزال كتشوف فسما لي عامرة بنجوم   و الحزن مخيم على وجهها وقالت... بغيت نرجع كيما كنت ..تعاوني ؟؟

.......تقدم نحوها بمهل بخطوات متقلة و مرزنة... كايشوف معاها فنجوم... كيعجبوك..
شافت فيه بتساؤل...
وقال.. نجوم كانشوف ديما كتشوفي فيهم..
....حياة..اه زوينين بزاااف .منين كنت صغيرة .. كنت كنقول مع راسي لو كان عندي جناح نطير فسما و نمشي لأي بلاثة بغيت بلا قيود بلا خوف من بابا.هههه عقل صغر..
.. بتاسم بخفة و قال .. تبغي تجربي...
ضرات لعندو و قالت.. مفهمتش...
قرب.. عندها حتا مابقا يفصلهم والو...كيتفحص وجهها بدقة ..هزات و جهها بتتاقل ..متوترة .. خدودها كتحسهوم بغاو يطرطقو بسخونية.....جات عنيها فعينيه ..لي كيلمعو .. لمعة غريبة و قوية .. تخليك غير حضيهم....
...

حط يديه على على كتافها... حسات بقشعريرة كتسري فأنحاء جسمها ...