هزاك حب بين عالمين

🔥هزاك حب بين عالمين🔥
الحلقة العاشرة(3)
......في بيتها...
......اوووف لااااااااش بغاو لااااااش يعرضوه لمتكبر لاااخر  ماااااحملتوووووش..فجأة تحل شرجم بجهد خلا روادة يطيرو و ريح دخل بحال شي عاصيفة خلات كولشي يطير فالبيت... شي لي خلاها تسرع محاولة منها تسد شرجم ..
سداتوو بصعوبة... و جلساات كتستراح حيت مزال صحتها على قد لحال...
حياة.اييي يدي تهرسو ....انت لي بقيتيلي نمشي نعس حسن ليا...
وسط ليل ضوء القمر داخل من شرجم صوت خطوات فالبيت ...وصل بخطواتها لحدا السرير حدر وجهو قابلو مع وجهها..كيشم فريحتها بنشوة..
حلات عنيها بغفلة و نعاس شاد فيها شافتو قدامها...
حياااة..يووسف..ناضت بسرعة مالقات حتا واحد ..كضور عينيها والو..
حياة...اعوذ بالله من شيطان الرجيم...اش هدشي وااش وليت كنحلم بيه...اوف اوف...ناضت لطوليط  قددات حاجتها و مشات لكوزينة تشرب..
هزات لكاس كتشرب ...كتحس بشي حد موراها..
كتبلع ريقها بخوف لحضات وضارت بسرعة نفسها تقطع مالقات حتا واحد...

.....
طلعات بسرعة لبيتها و سدات لباب كتنفس بسرعة...تخشات وسط فراشها كترجف حتا داها نعاس...
....يوم جديد أصبحنا و أصبح الملك لله..
سي لمختار  فاق بكري و عيط ليوسف عرضو هو و عائلتو هاد الاخير  لي وافق بسرعة ..شي لي خلا المختار عجبو لحال...وخرج يتقدا دكشي لي خاص لعرضة ما خلا دجاج ما خلا لحم ما خلا  مونادات ..كولشي..
جاب تقضيا و تعرضاتلو ميمونة و فاتيحة..
هزو دجاج نقاوه ورقدوه باش يحمرو  و لحم يديرو بيه مرقة دلحم و لبرقوق...
فاتيحة..ميمونة مزال حياة مافاقت راه طناش هاظي نمشي نفيقها..
طلعات  عندها حلات عليها لباب لقاتها مخشية فلفراش....كل رجل فجيه..
فاتيحة كتفيقها....حياة  حياة فيقي ابنتي راه طناش هادي
حياة..كتزيد تخشى فلفراش..ماماا ماما  خليني نعس راه والله مانعست مزيااان..
وضارت لجيهة لخرا
فاتيحة تعصبات و حيدات عليها اعطا..نوضي راه وسط نهار هدا و دواك دصباح مازال ماشربتيه.
طيراتلها نعاسها و خلاتها و مشات..
ناضت ماعاجبها حال حيت مانعساتش لبارح مزيان بالخوف..
....
بعد مدة هبطات عندهوم لقاتهوم كابوجدة ليل باش يكون كولشي فالوقت ...
ريحت دجاج عاطيا و لحم بالبرقوق كدلك .دخلا للكوزينة كاتشوف اش كايصنعة  لقات كولشيي فوق ريشو محطوط كيطيب و تعميرة دالبسطيلة بفواكه البحر مقادة و محطوطة فبانيوش و الورقة كداك جنبها فالميكة خاص غير تقاد ... كولشي واجد

..عوجات فمها ماعاجبها حال..وقالت..... يييييه هدشي كامل على حسابو انا منين خرجت من سبيطار مادرتوش عليا هادشي كامل..
فاتييحة.. بغيييت غير نعرف مالك مع سيد .ولد ناس الله يعمرها دار و عاونك...
حياة.... واش ديما اتجبديلي هاد الكاسيطة عاوني عاوني.....اش بغا يكون كاع......اووف
وطلعات خلاتهم...
ميمونة..ماعرفت مالها هاد لبنت اخوتي منين ناضت من الغيبوبة و هي هاكدا
فاتيحة.... ههههه سوليني انا لي دزت من هدشي ههههه
ميمونة.. اشنو
فاتيحة.... هههه والو والو كملي كملي دكشي انا نمشي نجيب دواز اتاي من الباتسري..
....
وصلات تمنية دلعشية..كان كولشي مجموع و مصاوب خاص غير يتحط..
ميمونة.و فاتيحة كانو لابسين قفاطن خفاف ..
...كانت  فصالون كاتفرج فتلفازة حتا دخلات عندها فاتيحة..
فاتيحة...ويييلي على غدايدي مزال مالبستي مازالا بهاد لحالة...
حياة... وعلاش غنلبس مالي عندي عررس
فاتيحة... راه ناس جايين يالاه زوضي واش بغيتي تحشميني معاهم....
ناضت بزعفة..
.......
حلات ماريوها كتقلب بين حوايجها... لقات واحد لكسوة حجابية صيفية بنواغ جبداتها.....وجات معاها مدكرة متوسطة فلكحل..طايحة الارض.. حدرات هزاتها.. كانت ديال جلد كاتشوف فيها...حلاتها..
لقاتها عامرة كتابة... وبدات تقرا
^لن أنساك  انت حبيبي ...انت  ماضي وحاضري و مستقبلي الشوق إليك يقتللني يا هزاكي..^مجات فين تكمل حتا سمعات مها كتعيط ليها تسربي ...سدات لمذكرة و دخلاتها لبلاصتها فين كانت و بدات تلبس حوايجها ضغية و دارت شال خفيف فالازرق و هبطات..
...جات معاهم داخلين كان يوسف لابس كوستيم فالاسود كلاس و شعرو محسنو تحسينة عادية زادتو جادبية ...طلع عينيه سافها هابطة بحال لملاك بقا سارح فيها  و جوج عيالات كبار و بنت تكون قدها فالعمر و راجل كبير و واحد راجل اخر قد يوسف العمر...رحبو بيهوم يدخلو و دخلوهوم لصالون