البارت الثالت...
سيلين :لااا لااا ابعد عني ابعد لاااا
... :امسكي ايدي بس انا هحميكي منهم كلهم..... قربي....
سيلين :لا لا لاااااا......
شخص راكب جمبها في العربيه اللي هتنزلها مكان الشغل :يا انسه يا انسه قومي قومي فيكي ايه قومي.......
سيلين وهي بتفوق وبتستوعب هي فين وازاي ده هنا ومين ده اساسا الحلم مأثر عليها وخاضضها :بسم الله الرحمن الرحيم.... حلم حلم لا ده كبوس غريب....
الراجل :اتفضلي اشربي ميه اهو واستغفري وان شاء الله مفيش حاجة من دي.....
سيلين بعد ما اخدت منه الميه :ماشي......احم شكرا انا اسفه اني عملتو ازعاج لو سمحت نزلني هنا.....
سيلين بعد ما نزلت ووقفت قدام الكافيه اللي سألت فيه امبارح ووافق انها تشتغل معاهم... افتكرت عم احمد صاحب الكافيه وحنيته عليها وطيبته وانه أداها فرصه لما تحس انها محتاجه تتكلم معاه تتكلم وتطلع اللي جواها...
عم احمد بابتسامه حب اول ما شافها :صباح الفل يا دكتوره...
سيلين كشرت :ما قولنا بلاش دكتوره دي محدش يعرفها غيرك انا هنا سيلين وبس ولا ايه يا راجل يا سكره انت....
عم احمد بود :اللي تحبيه بس كل ما هبقي انا وانتي لوحدنا هفكرك انك دكتوره بردو لان ده ميرضنيش.... يلا روحي علي شغلك....
**************
في مستشفي سويلم... وخصوصا في مكتب سليم...
نرمين ممرضه سليم :حضرتك عندك عمليه حالا يا دكتور وبعدها عندك كشف علي ممرضه القلب.....
سليم :تمام... خمس دقايق ونبدا بدخول العمليه جهزيلي العمليات لو سمحتي.....
نرمين :تمام يا دكتور
سليم وهو بيلبس البالطو بتاعه عشان يدخل العمليات.... لفت انتباهي دخول حد...
سليم :فيه حاجه يا دكتوره...
:حبيت اشوفك وأصبح عليك غلطت انا...
سليم بجدية :اكيد لان هنا مكان شغل بس واكيد انتي عارفه ده.... لو سمحت روحي شوفي عيانينك والتزم بحدود الشغل وبس...
وهي بتقرب منه ولسه هتلمس ايده....
سليم وهي بيبعدها عنه :وبعدين...
:انا بح...
سليم بمقاطعه:وانا قولت الحب مش بالعافيه.... لازم يكون متبادل... عن اذنك....
:اوووف... وراك وراك بردو مش بعد ما وصلت لهنا وهستسلم بسهوله....
**************
عند سيلين....
عم احمد صاحب الكافيه :تمام كده يبنتي عرفتي الشغل هيمشي ازاي......
سيلين باعجابها بطيبه وحنيته عليها بالرغم من انه ميعرفهاش واتمنى لو مكنش باباها عمل فيها كل ده... مكنتش مامتها ماتت وسبتها تحارب كل ده لوحدها.... مكنتش جدتها سألتها بس ما حققتها امنيتها .....
عم احمد :سيلين يبنتي سرحتي فين....
سيلين :ها بتقول حاجه يا عمو احمد...
عم احمد بابتسامه بتدل علي طيبته :لا يبنتي روحي علي شغلك وركزي وربنا يسهلها علينا.....
سيلين بابتسامه حب وبشوشه للراجل الطيب :عنيا والأرزاق علي الله ي عم احمد...
*****************
في منزل الجارحي.....
وتحديدا في غرفه الجارحي....
الجارحي :يبني طمني مفيش اخبار بردو.....
احمد :لا يا بابا لسه وبعدين انت لسه عاوز واحده باعتنا وحطت راسنا في الطين.....
الجارحي بتعب :يبني بقي متتعبنيش انا قولت تدرو عليها وتجبهالي يبقي تنفذو الكلام مش عاوز مناهده..
احمد بضيق من تصرفات والده انه بيحاول يلاقيها وهو مبقاش عايزها خلاص.... واعتبرها ماتت لا ده هو معندهوش بنات من الأصل......
****************
عند سيلين في الكافيه اللي اشتغلت فيه...
سيلين لقت راجل كبير وعنده وقار كده حتي في قعدته وباين عليه انه شخصيه طيبة...
سيلين بابتسامه بشوشه :احم حضرتك تشرب حاجه....
سويلم :اه ياريت يبنتي عاوز فنجان قهوه مظبوط.....
سيلين بابتسامه :عنينا ليك طبعا ثواني وتكون جاهزه...
سويلم بابتسامه للبنت اللي حبها من اول مقابله ليه وتخيل لو كان عنده بنت كانت هتبقي رقيقه وجميله شبها كده...
سويلم لنفسه :لو كان عندي بنت كانت هتبقي رقيقه وحلوه شبهك كده بس اللي باين عليكي انه بتحاول تبيني القسوه..... اكيد وراكي حكايه ولازم اعرفها
سيلين بعد ما عملت القهوه :اتفضل حضرتك....
سويلم بابتسامه :هو فين عمك أحمد يبنتي مشوفتهوش بقالي مده ممكن تندهولي...
سيلين بابتسامه :اكيد طبعا ثواني بس... بس اه نسيت اقوله حضرتك مين...
سويلم بابتسامه بشوشه :قوليلو دكتور سويلم.... هو عارف...
سيلين اول ما قالها كلمه دكتور افتكرت حلمها اللي اتهدم...... حلمها اللي تعبت وقعدت ليالي تذاكر وتنجح فيه ازاي اتهدم بسهوله كده ازاي قدرت تتخلي عن حلمها بسهوله كده..... .
سويلم بترقب لنظراتها اللي اتحولت فاجاه... سويلم بتساؤل :فيه حاجه يبنتي مالك...
سيلين بابتسامه حزن :لا يا دكتور اصل انا كمان دكتوره بس إلا سنه .... هههههه
سويلم بعدم فهم :ازاي فهميني...
سيلين بهروب :لا ده حكايه طويله اوي يعمو هروح اناديلك عمو احمد عن اذنك....
سيلين هربت بسرعه من قدامه معندهاش استعداد تفتح في القديم وهي لسه بتحاول تستجمع شجاعتها منه لسه بتحاول تبدأ صفحه جديده لوحدها من غير اي انانيه من غير اي حب يضيع مستقبلها ولا طموحها من غير خساير......
كل ده وهي عماله بتفكر وهي رايحه ناحيه مكتب عم احمد عشان تنادي عليه وفي ثواني خبطت في حد....
سيلين :مش تحاسب اعمي وانت ماشي ..... .....
ونقول استوووب وكفايه لحد هنا ونكمل البارت الجاي هاهاها 😂🙈
وسؤال البارت بقي....
سيلين ناويه علي ايه....
دكتور سويلم عاوز يعرف حكايتها ليه.....
سيلين خبطت في مين وهي ماشيه سرحانه......
روايه عشق سيلين
بقلم لينو محمد ❤️
أنت تقرأ
عشق سيلين (متوقفه حاليا)
Romanceاختيارنا ساعات بيبقي غلط وبيسبب لينا في دمار حياتنا وبعد اللي بنحبهم عننا..... الثقه لما بتروح مبترجعش بسهوله ولو رجعت مبتبقاش زي ما كانت في الأول...... ايه اللي هيحصل لو طلع اختيارنا غلط والثقه راحت....... _احبته ووثقت به وخسرت من أجله الاهل والأص...
