عشق سيلين (متوقفه حاليا)

البارت السادس

البارت السادس
عشق سيلين.....
عند سليم بعد ما دخل المكتب.... قعد يفكر في سيلين وايه سبب ظهورها قدامه كل شويه ومن حتت مختلفه وايه علاقتها بعم احمد والكافيه وبابا اي كل الوش ده...... فاجاه سمع صوت حد بيخبط علي بابا اوضته.. ..
سيلم :اتفضل....ياسمين خير فيه حاجه....
ياسمين بابتسامه ودوده :لا يا سليم كنت جايه اطمن عليك بس.....احم هو انت تعرف سيلين منين....
سليم بابتسامه :انا قولت بردو أكيد وراكي حاجه حابه تعرفيها.... بس معلش سيلين مين.....
ياسمين باستغراب انه ازاي مش عارف اسمها وكانت بتساعده في العمليات مش معقوله ميعرفش عنها حاجه وهيستامنها علي دخولها معاه للعمليه :احم يعني ايه يا دكتور سيلين مين سيلين اللي كانت مع حضرتك في العمليات......
سليم ووهو بيفتكر او بيحاول يبين قدام ياسمين انه مش فاكرها لغايه ما يعرف الهدف من سؤالها  :اه اه افتكرت اسمها بس كان متشال من ذاكرتي اسف... المهم انتي تعرفيها؟
ياسمين بتسائل :انا اللي بسأل حضرتك.....
سليم :اه لا معرفهاش يعني اتقبلت معاها مرتين كده ولا حاجة......وحصل اني خبطها غصب عني بالعربيه قبل كده... بس....
ياسمين بضحك :لا متقولش ههههههه هو حضرتك المغفل اللي خبطتها يومها بالعربيه هههههه لا متهزرش هي كانت تقصدك......
ياسمين لما لقيته بيبصلها بصدمه وتكشيره ظهرت علي ملامح وشه.... احم مقصدش يا دكتور يعني عن اذنك......
سليم بصوت عالي والغضب ظهر علي ملامح وشه  :استني عندك....
ياسمين وهي بتلف عشان تبقي وشه في وشها :نعم...
سيلم :هي قالتلك عليا مغفل؟وهو انتو تعرفو بعض منين اصلا؟
ياسمين وهي باصه في الارض  :انا ابقي صاحبتها وهي قاعده معايا بعد اللي حصل والظرو.... احم معرفش.... هي صحبتي وخلاص
سليم اخد باله انها قطمت في الكلام كان واخد محور تاني عن سيلين يعني هي تعرف معلومات عنها وفيه حاجات مستخبيه هو معرفهاش فعلا...
سليم بتساؤل :قالت عليا مغفل .....
ياسمين وهي مازالت بصه في الأرض وكاتمه ضحكتها :عن اذنك.....
ياسمين بعد ما طلعت من عند سليم اخدت نفس عميق.... :الحمد لله متخربتش الدنيا..... هي محكتليش عنه ليه .... يلا لما اروح البيت بقي...... ياسمين وهي بتكلم نفسها خبطت في كتف حد.... :اووه مش تحاسب...
مازن :بلاش تكلمي نفسك وانتي ماشيه كده غلط يا ماما المرادي خبطي في واحد مز ويسامحك المره الجايه مين يعرف ممكن طور ......
ياسمين بعد ما سمعت كلامه ضحكت غصب عنها علي طريقته وضحكته :ههههه حاضر عن اذنك
مازن بضحكه :مجنونه دي ههههه
****************
في مكتب دكتور سويلم....
سويلم :طيب يبنتي واللي يساعدك ويخليكي تشتغلي في المستشفي وتكملي السنه اللي فضلالك وتشتغلي بشهادتك......
سيلين لسه هترد كان قاطعهم  دخول سليم المفاجاء واللي كان فاكر ان والده قاعد لوحدة....
سليم :بابا هو عم احمد......
سيلين:طيب عن اذنك انا هروح اطمن علي عمو احمد زمانه خرج.....
سليم :لا لسه الزياره ممنوعه دلوقتي استني كمان نص ساعه يكون فاق شويه بس وقادر يتكلم.....
سويلم :معلش يبنتي استني النص ساعه دي كمان لو عاوزه تقابليه او ممكن تمشي و
سيلين بمقاطعه لكلامه :لا طبعا مقدرش اسيبه في الحاله دي لازم اطمن عليه الاول..... عن اذنك انا مش عاوزه اعطلكو عن حاجة....
سويلم بجديه :لا زي مانتي يبنتي سليم هيقول اللي عنده وهيطلع ونكمل كلامنا........
سليم :تمام.... كنت عاوز اتكلم في حاجه عم احمد يعني وكده بس هاجي في وقت تاني....
سويلم :طيب ماحنا مشخصين حالته من فتره وكان زي ماحنا عارفين القلب هو موضوعنا ....
سليم بضيق من وجود سيلين وانه برضو عاوز يعرف صلته بيها ايه.. :احم طبعا يا دكتور حضرتك عارف انه لازم نتكلم في وجود علي الاقل بنته هي اكيد متعرفش حالته ولا اللي بيمر بيه..... وطبعا متشرفتش اعرف الانسه تقربله ايه....
سيلين :ابقي شغاله معاه في الكافيه مش قريبته ولا حاجه لو هو ده هدفك اللي عاوز تعرفه...
سليم :هو ده اللي بتكلم فيه اني عاوز اتكلم عن حالته قدام بنته لان حالته بتسوء جداا يعني ومشاكل قلبه بتزيد بقالها فتره......
عم احمد كان عنده بنت اسمها نادين... ودي عايشه مع أهل والدتها اللي يرحمها وبتنزل كل فتره عنده كده وتسافر تاني واكيد متعرفش حالته فعاوز بعد اذنك رقمها اللي معاك هكلمها ابلغها بالحالة بتاعت والدها.....
سويلم بضيق :لا طبعا يبني كده هتقلقها اكتر علي أحمد احنا هنكلمها بس تيجي ولما تيجي نبقي نقولها الوضع.....
سليم :تمام هكلمها باليل.....
سيلين :عن اذنكو هروح اطمن علي عمو احمد....
سويلم :خديني معاكي يبنتي......
*********************
ياسمين في اوضه عم احمد وعملت الفحوصات الكامله......
ياسمين للممرضه:كده حالته تمام وتقدري تتفضلي تبلغي حد من اهله يجي ياخده.....
الممرضه :أبلغ حالته للدكتور سليم الاول يا دكتور....
ياسمين بضيق :لا طبعا اومال انا بعمل ايه هنا انا اطمنت عليه وهروح أبلغه بنفسي امشي انتي اعملي اللي قولتلك عليه يلا بسرعه.....
سويلم سأل علي رقم الاوضه إلى فيها عم احمد واخد سيلين وراح علي الاوضه يطمنه عليه ووراهم سليم واول ما دخلو الاوضه ياسمينن اتفاجات بوجود سيلين هي افتكرت انها مشيت بعد ما خرجت من العمليات وده ضايقها هو وجودها وبأن علي وشها فعلا بس سيلين مركزتش....
ياسمين :اتفضل يا دكتور انا عملت الفحوصات التامه ليه وهو...
قاطعها دكتور سويلم :تمام يبنتي تمام بس هنشوف دكتور سيلين هتقوم بالواجب معاه ازاي.....
سيلين علي قد ما عجبتها كلمة دكتوره علي قد ما خافت من الكلمه......
ياسمين استغربت انهم عرفو انها دكتوره وهل ده ليه معني انه ممكن يساعدها مثلا لا لا هو معرفهاش عشان يساعدها......
ومع بدايه كشف سيلين علي عم احمد كان بدخول سيلم اللي اتفاجاء بكشفها علي المريض وسماعه التشخيص بتاعها واللي اثبت انها هي اللي شخصته اول مره مكنش حد تاني زي ماكان متخيل....
سويلم باعجاب  :تعالي يا سليم شوف تشخيص دكتوره سيلين....
سيلم باستغراب :دكتوره؟
سويلم :دكتوره اه بس ده موضوع طويل ومش لازم تعرفه المهم انه بقي عندنا دكتوره تحت ايدينا واشطرها دكتوره كمان دي متخرجه بتقدير امتياز تعرف...
سيلم بابتسامه:ده بجد تشرفنا....
سيلين بابتسامة لا تظهرها:ميرسي..
عم احمد اول ما فاق وشاف سيلين ابتسامتها ظهرت اول ما شافته وقلبها ارتاح......
سيلين:حمد الله علي السلامه كده تقلقني عليك وبعدين الناس تفهم اني وشي وحش علي المكان من اول يوم ينفع كدة...
سويلم بابتسامه لصاحبه من زمن :حمد الله علي السلامه ده الدكتوره كان هيغمي عليها من القلق... بس بقي كده تخبي علينا دكتوره حلوه كده لا بجد زعلان منك.....
عم احمد باستغراب انهم عرفو وبصلها بصه اللي هو انتي اللي عرفتيهم بعد ما بصلها واتأكد من نظرتها انه يتكلم عادي اتكلم بأريحية وابتسامه :مكنتش حابه لأسباب معينه وانا كنت مبسوط بوجودها معايا في الشغل بس ملحقتش اخليها تتهني من اول يوم اشتغلت فيه وانا تعبت وتعبها معايا...... ههههههه.
سيلين بحب لعم احمد :ولا يهمك طبعا كفايا عندي انك تقوم بالسلامه بس والشغل يتعوض عادي....
سليم وهو بيبصلها وبيكلم نفسه :شوف ازاي طلعت منها رقه وكلام حلو اهو اومال مصدرالي الوش الخشب ليه....
سويلم  لما لقي سليم مركز مع كلام سيلين ومتابعها حب يفوقه عشان محدش ياخد باله :متقول حاجه يا سليم ساكت ليه....
سليم :ها اه حمد الله علي سلامتك يا عمي قلقتيني عليك والله.....
ياسمين :حمد الله علي سلامتك عن اذنك..... سيلين انا خلصت شغلي وهروح تيجي معايا ولا ايه....
سويلم :لا يبنتي سيبيهالي عاوزها في موضوع.....
سيلين :تمام روحي انتي وانا هاجي بعديكي....
سليم :طيب عن اذنك عندي عمليه......
سويلم :سليم خلص العمليه اللي في ايدك وتعالي في اوضه الاجتماع عاوزك انت كمان....
سيلين وسليم بصو لبعض باستغراب هيكون عاوزهم الاتنين مع بعض ولا اية الحكايه وليه مع بعض ويبقي فيه حد تاني ولا لا.....
سليم طلع من اوضه عم احمد ومحتار مش عارف سويلم عاوز منه ايه....
سيلين :طيب عن اذنكو هجيب حاجه يشربها عم احمد.....
سويلم واحمد :اذنك معاكي يا بنتي....
سيلين اول ما طلعت من الاوضه  سويلم لف  وشه لعم احمد وجواه اساله كتير محتاجها اجابه :احمد انا عارف انه مش وقته بس فيه اسأله كتير في راسي وعاوز اجابه...
عم احمد بابتسامه :عارف بس الأحسن نتقابل في الكافيه باليل واحكيلك احسن من هنا مع اني عاجبني الخدمه هنا اوي يعني...
سويلم بضحك :لا يا راجل الخدمه برضو ولا اللي بيخدمو عليك ههههههههه
سيلين وهي طالعه تجيب العصير قابلت سليم وهو بيجهز للعمليات :تحبي تدخلي العمليه دي....
سيلين :لا خليني بعيده...
سليم بجديه :بتخافي....
سيلين :انا دكتوره ومعندناش حاجه اسمها خوف.....
سليم باستفزاز  :مش باين او يمكن خايفه تدخلي في حاجه زي كده لمتبقيش قدها.....
سيلين بعند :تمام هودي العصير واجي.....
سليم بضحك انتصار  بعد ما لفت ومشيت من قدامه انه عرف يخليها تدخل معاه العمليه ويستفذها بردو ونجح في ده :لما نشوف اخرتك ايه.....
************
مازن راح علي المستشفي عشان يطمن علي الحاله اللي شافها في الكافيه وبيحاول يفتكر اسمه بس معرفش نزل علي الاستعلام وسأل ووصفوله رقم الاوضه وراح عليها....
مازن اول ما دخل خبط في سيلين وهي طالعه...
سيلين :وبعدين انت ايه حكايتك بالظبط...
مازن :انا برضو مش عارف قاصده تخبطيني  ليه لو معجبه بيا قولي ياستي متتكثفش اكمني عيوني خضر وكده هههههه
سيلين بابتسامه لأول مره من فتره كبيره اوي :هههههههه
مازن :ياااه اخيرا ضحكتي هههههه اضحكي متبقيش قافله علي طول كده ضحكتك حلوه والله....
سيلين بابتسامه :وبعدين بقي امممم هتاخد عليا ولا ايه......
مازن :لا العفو واخد عليكي ليه ههههه
سليم لما لقاها اتاخرت والعمليه هتبدا حب ينادي عليها خمن انها ممكن مش عارفه رقم اوضه العمليات.... لمحها واقفه قدام اوضه عم احمد واستغرب مين اللي معاها وبتضحك الضحك ده كله معاه....
سليم لنفسه :اول مره اشوفها بتضحك من قلبها كده... وياترا مين اللي معاها ده كمان......
سليم وهو رايح نحيتهم ولسه......
واستوووووووب ي حلوين..... 😂
ونكمل البارت الجاي 😌
بس ياريت الاقي تفاعل بكومنتات بتشجعني حتي لو فيها نقد بس مبحبش الصمت ده انا بقعد اظبطلكو فيه بالايام والله وانتو مبتاخدوش وقت في القرايه الكومنت مش هياخد من وقتكو يعني..... 😁
وزي ما اتفاقنا اللي هيجاوب علي سؤال البارت برايڤت ويطلع صح هياخد البارت اللي بعده في ساعتها ♥️
سؤال البارت بقي.. ؟🤔
سويلم عاوزهم في اجتماع ليه 😏
سيلين ومازن هيعرفو بعض؟ 🤔
سليم هيعمل ايه 😅؟
اتمني تعجبكو ❤️ البارت طويل جدااا اهو للي بيقولو قصير ومش عاجب 😅❤️
روايه "عشق سيلين"
بقلمي لينو محمد ♥️