عشق سيلين (متوقفه حاليا)

البارت الثامن

البارت الثامن....
روايه عشق سيلين....
في اوضه الاجتماعات في المستشفي نلاقيهم متجمعين عشان يعرفو الأوامر والفريقين اللي دكتور سويلم ناوي يعملهم بقياده دكتور مازن وسويلم ويبقي فيه فريق مساعد تحت كل دكتور.....
سويلم :دلوقتي طبعا مقسمكو فريقين..... فريق دكتور سليم سويلم..... وفريق دكتور مازن الجارحي.....وطبعا معاكو دكتوره سيلين و..
سيلين بمقاطعه وتفاجأت انها باين من كلامه هتبقي معاهم في المستشفي......:نعم حضرتك بتقول ايه يا دكتور......
سويلم بهدوء لانه كان متوقع رد فعلها ده وعارف هيقنعها ازاي بطريقته :اولا سبيني اكمل كلامي يا دكتورة.... ثانيا وده الاهم انك هتسمعيني للاخر ونتناقش في ده لوحدنا تمام..... المهم يا شباب دكتور سليم هيبقي ليه فريق وعلي رأسهم سيلين و
فاجأه سمعو خبط علي الباب ودخول مفاجأء...
ياسمين :اسفه علي التأخير......
سويلم بجديه :ولا يهمك اتفضلي واللي فاتك هتفهمي من باقي الكلام.... قولنا دكتور سويلم فريقه سيلين ... ومحمد... ومهتاب.... ودكتور مازن هيبقي فريقه ياسمين وندي وباسم......
ياسمين بمقاطعه وضيق  :وليه سيلين تبقي في فريق دكتور سليم وانا ابقي في فريق مازن.....
سيلين استغربت رد فعلها وطريقتها وانها من ساعه ما شافتها في المستشفي ومجرد فكره بس انها تبقي في المستشفي وممكن تشتغل معاهم ومقالتلهاش فكره انها هتساعدها في انها تبقي معاهم كل ده بقي بيجي في دماغها......
سيلين برد فعل من ضيقتها منها :اعتبري سيلين مش معاكو اصلا... عن اذنكو......
سيلين اول ما طلعت من اوضه العمليات سويلم كان عارف هو ناوي علي ايه ناوي يقعد معاها وهيفهما الحكايه بهدوء وهيعرف يقنعها بس سابها علي راحتها عشان عارف ده أقل حاجه في رد فعلها وعلي شخصيتها اللي فهمها من عم احمد.....
مازن اول مشفها قامت كده كان عاوز يقوم ويشوف هي مش حابه ده ليه ممكن مش حاجة تبقي في فريق سليم فتبقي في فريقه هو..... ولسه كان هيقوم وراها كان شاف سليم استأذن وطلع من الاوضه.....
سيلم بعد ما شاف سيلين طلعت واستغرب رد فعلها وقعد يتكلم مع نفسه في الثانيتين دول.... ممكن مش حابه تبقي معايا في فريقي....غريبه يعني طب لو مش حابه كانت اعترضت من الاول.....لازم افهم..... بعد ما طلع من الاوضه لقاها نازله من باب الخروج...
سليم وهو بينادي عليها :سيلين... استني....
سيلين بقله صبر وضيق من اللي لسه حاصل والموقف اللي كانت فيه :نعم خير....
سليم :ممكن اقعد واتكلم معاكي شويه.....
سيلين :لا....
سليم بتساؤل بس هو مش عارف بيسال ليه علشان مش عاوزه تقعد وتتكلم معاه ولا ليه عشان مش مدياله فرصه ولا ليه عشان مش عاوزه تبقي معاهم وفي فريقه هو سأل السؤال واتمني تجاوبه علي كله ده :ليه؟
سيلين بتساؤل واستغرب :ايه الي ليه..؟
سليم :ليه مش عاوزه نقعد ونتكلم.... ليه مش عاوزه تبقي معايا في فريقي.....
سيلين :عشان مينفعش.... عشان مش عاوزه ابقي بشتغل شفقه ممكن....
سليم :شفقه؟ انتي شغاله بشهادتك....
سيلين :بس دكتور سويلم شافني شغاله ويتر... فليه مش شفقه وعطف....
سليم :لا بابا مش بيشغل حد في مستشفي شفقه او عطف اكيد لقاكي تستاهلي ده...... وبعدين انتي ليه شخصيتك كده....
سيلين بعدم اهتمام :اللي هو....
سليم :يعني بتبيني عكس اللي بتبقي حساه....
سيلين بهروب من كلامه واسالته اللي حساها مش بتخلص :عشان انا كده ولازم ابقي كده.... عن اذنك.....
سليم بعد ما مشيت وسبته ابتسم وحس انه عرف بردو يطلع منها كلام وااجوبه حتي لو بسيطه فهو قادر يغير شخصيتها دي واسلوبها......
**************
عند كافيه عم احمد كان قاعد في المكتب بتاعه وسرحان حاسس ان آخرته خلاص قربت.... بيفكر يعمل ايه وبنته هتبقي لوحدها بعد كده.... طب وسيلين اللي طلعتله فاجأه دي واعتبرها بنته التانيه... فاجأه سمع صوت علي الباب فرح لمجرد ما سمعه وابتسامه عريضه ظهرت علي وشه.....
سيلين بحب  :صبح صبح يعم الحج ...
عم احمد :صبح صبح  يا جميل..... كده بردو تغيب كده عني.....
سيلين بضحك :هههههههه.... ايه يعم ده هتغني.. كلها ساعتين تلاته بس.... ده حصل حوارات كتيشر اوي اوي مش عارفه ابداء منين ولا انهي بمنين ههههههه بس سيبني اغير هدومي وابدا الشغل ونقعد في السهره بقي....
احمد :شغل ايه يبنت انتي انتي ملكيش شغل هنا انتي مكانك هناك في المستشفي.......
سيلين باستغراب :وانت كنت عارف؟
احمد :يعني شوية......
سيلين :مش هينفع هناك وانت عارف.....
احمد :لا مش عارف غير انها فرصه ومش هتتعوض.....
سيلين بتتويهه :ربنا يسهل يا جميل
ولسه هيتكلم كان سمع صوت بقاله كتير مسمعوش صوت قلبه دقله بسرعه واتمني انه يشوف صاحب الصوت ده زي ما سمع صوته......
**********************
عند  اوضه الجارحي......
مازن كان قاعد معاه بيطمن عليه....
الجارحي بابتسامه :مالك يحبيبي شايفك مبسوط
مازن بابتسامه :فعلا حاسس اني مبسوط ومتسالنيش سبب لاني مش عارف  بس صدقني اول ما اعرف اول واحد انت هتعرف تمام....
الجارحي بابتسامه :اكيد اكيد.....
**************
سويلم بعد ما دخل المكتب اتصل بسيلين بس مردتش كانت عارف انه عاوز يقابلها ويتكلم معاها علي حوار المستشفي بس كان لازم تفكر كتير قبليها تفكر لان خطوه زي دي مش سهله وانها هتقابل صعوبات كتير يمكن اكتر من اللي قابلتها.... يمكن خطوه زي دي تندم عليها وعلي تسرعها.... لازم تدي لنفسها فرصه انها تفكر.....
**************
في اوضه عم احمد وهو قاعد... وبابتسامه لبنته اللي نزلت من عند أهل امها بعد المده دي كلها  اول ما عرفت انه تعب.....
نادين بقلق وحنيه :حبيبي انت كويس يعني مفيش حاجه تعباك صح يعني بخير يعني.....
احمد بضحك :يبنتي اهدي اهدي مفيش حاجه وكويس جداا اهو... وكويس اكتر لما شوفتك.....
نادين بحب وضحك :حبيبي انت انا مش هبعد عنك تاني اصلا اصلا يعني.....
احمد بضحك:خالص خالص يعني....
نادين :خالص خالص يعني والله.....
احمد بحب :ماشي ياستي.....
نادين باستفسار :الا قولي صح يا احمد انت اتجوزت من وريا ولا ايه...
احمد باستغراب :اتجوزت اتجوزت مين يا بنت انتي.....
نادين بغمزه  :المزه ام عين خضراء ولا زرقاء اللي كانت معاك دي.....
احمد بضحك :هههههههه يخرب عقلك.... يبنتي دي قدك اساسا وبعد انا بعد امك الله يرحمها خلاص مبقتش اشوف حد تاني.......
نادين بضحك :هههههه يا رومانتيكي انت ههههههه
بس مين بقي دي...
احمد :دي ياستي حكايتها حكايه.....
نادين :ونا بموت في سماع الحكايات.....
****************
سيلين بعد ما رجعت البيت كانت ناويه تعرف ايه حكايه ياسمين وسبب تغيرها المفاجأ ده من بعد ما شافتها اول مره في المستشفي يمكن ماخدتش بالها في الأول بس بعد كده اخدت بالها وغيرها في المعامله معاها......
سيلين اول ما دخلت لقتها مستنياها.....
ياسمين :حمد الله علي السلامه.....
سيلين :الله يسلمك خير فيه حاجة....
ياسمين :اه يعني هي حاجات يعني اولا المستشفي.... ثانيا سليم ثالثا الشغل وكده مش فاهمه منين فاجأه كده.....
سيلين لسه هترد كان سمعو صوت فون سيلين برساله  .....
سيلين وهي مصدومه. ...
ياسمين استغربت صدمتها دي واخدت منها الفون واتصدمت ...
نيها ها ها 😂
ونقول فتكم بعافيه ونكمل البارت الجااااااي.....😂😂😎
وسؤال البارت يا شوباب..... مين ده اللي بعت الرساله لسيلين وياترا مكتوب ايه صدمها كده .....
روايه... عشق سيلين....
بقلمي لينو محمد ♥️