عشق سيلين (متوقفه حاليا)

البارت الثالث عشر

البارت الثالث عشر...
روايه عشق سيلين....
بقلم ليليان محمد....
.............
في المساء بعد ما سليم وصل سيلين لحد تحت البيت سيلين اخدت بالها ان كان فيه حد واقف عن  الشباك... لا ده حد كان مركز حتي وسليم بينادي عليها عشان كده مردتش تسمعله او تتطول في الكلام معاه.... هي عارفه انها ياسمين بس هتعمل ايه ياسمين في دمغها كلام غير الواقع نهائي مش عارفه اوصلها الكلام ده ازاي..... هو ده الكلام اللي كلمت بيه سيلين نفسها وهي طالعه في الاسانسير.......
سيلين اول ما دخلت من باب الشقه لقيت ياسمين علي آخرها وباين علي وشها الغيره والكره.....
ياسمين بضيق :خير؟ انا عاوزه افهمك حاجه بس مش كل حاجه تبقي سيلين سيلين انتي ايه اللي يخليكي مختلفه عني يعني ها فهميني من واحنا صغيرين وكله بيتكلم عن سيلين من الثانويه ايوه من الثانوي ومتبصليش كده احنا مكناش أصحاب بس كنت اعرف وكنت بشوفك من كتر اللي بيتكلمو عنك..... وبعديها في الكليه كنتي معايا ومن ساعتها اتقربنا لبعض بس مش بالبجاحة دي.........
سيلين باستغراب وصدمه ايه كل اللي بتقوله ده :انا...
ياسمين بمقاطع وصوت عالي :ولا انا ولا انتي ايون انتي من زمان محبوبه من كل اللي حوالينا وكله بيحبك ليه بقي عاوزه دكتور سليم ليه وقولتلك كذا مره انا بحبه وابعدي عنه ايه محرمتيش من اللي فات....
سيلين بصدمه :لا انتي لازم تسمعيني وتفهميني كويس اولا سليم هو دكتور وبس دكتور اتقابلنا صدفه وبعدها تاني صدفه كانت شغلي في المستشفي اللي قبل ما بيكمل بيحصل فيه مشاكل وكوارث وانتي عارفه مبقاليش كتير  بس ثانيا انا لا ببص علي سيلم ولا ع غيره انا ليا شغلي ومستقبلي اللي عاوزه أكمله بعيد عن اهلي.... ثالثا وده الأهم انا عمري ما ابص علي حد مش ملكي ولا حد باصص فيه وبلاش جو المعايره ده وتمثيل دور الصحوبيه واهو عندك واشبعي بيه....
ياسمين بفرحة انها مش بتفكر فيه بس ازاي وهو بيفكر فيها وطريقته توضح ده وعنيه بس مش مهم المهم انها مش هامهما يعني طب والشغل الشغل؟ وده اللي كانت بتفكر فيه ياسمين بعد رد سيلين عليها... :طب والشغل؟
سيلين بضحك :لا والله الشغل هو ده اللي هامك الشغل اللي مفكرتيش تقوليلي تعالي هشغلك معانا مع اني انا اولي بشهادتي.... اللي اكتشفت صدفه انك في نفس المستشفي اللي الراجل الكبير عطف عليا وشغلني فيها صح......
ياسمين بسكوت.......
سيلين سابتها ودخلت اوضتها ولمت هدومها بس مش عارفه هتروح فين ده هي حتي ملحقتش شغل يومين تلم فيهم إيجار بيت حتي... وفاحاه الفون يرن....
سيلين بصوت مخنوق :ايوه....
.. :فيه حاله طؤاري محتاجاك بسرعه....
سيلين بسرعة وكانها تناست حالتها اللي كانت عليها وكان في دماغها حبها لشغلها هو أول حاجه في حياتها بس وهي ماشيه لمت هدومها معاها ونزلت بيها وركبت التاكسي ونزلت عند مستشفي سويلم سابت الشنطه مع الأمن وطلعت بسرعه للطؤاري اتفاجات بالحالة.....
الممرضه 1 :حالته صعبه اوي.....
الممرضه 2 :هو كان سليم لغايه من شويه وسحب تقريبا كل المناديل بتاعت المستشفي عليه....
سيلين باستغراب :هو حالته ايه.....
واكتشفت فيه صوت سأل معاها في نفس الصدي وبصو لبعض وابتسمو........
******************
عند بيت أحمد والد سيلين.....
بيلما بتساؤل سوقي  :هي بنتك المخفيه دي لسه ابوك بيدور عليها؟
احمد وهو مش مركز معاها يمكن اتخنق يمكن حسن ان الجارحي عنده حق وانها كانت غلطه :اه لسه...
بيلما :يارب يموت ونخلص ولا يلقيها ولا زفت اصل انت عارف...
احمد بضيق من تفكيرها اللي زهق منه وكله علي الفلوس الفلوس... اتكلم بمقاكعه بكلامها :يوووه بقي انتي ايه مبتزهقيش انا خارج......
بيلما بتشفي :يكش تخرج ما ترجع هو انا مستفاده منك بحاجه اصلا.......انا كله عشان فلوس ابوك بس....
*****************
في اوضه الطؤاري.....
سيلين وهي لسه بتكتشف الحاله وبتوجهه كلامها الممرضين اللي واقفين معاها...
سيلين بقلق وتسائل :هو حالته ايه بالظبط؟؟
ولسه هتكمل كلامها كانت اتفاجاءات بصوت بيسال نفس سؤالها وبصتله وابتسمت.....
مازن بابتسامه  ليها وهو بيوجهه كلامه للمرضيين :حضرو العمليات بسرعه....
سيلين بسرعه رد :لا خليهم يجهزوا بس مش هدخل دلوقتي مش هنلحق وتجنب اي ضرر.. نبضات قلبه بتقل ومغمي عليه اصلا.....
مازن وهو خايف ليحصل حاجه غلط :بلاش اصبري ننق
سلين بمقاطعه بكلامه :انا الدكتوره وده المريض بتاعي لو سمحت سيبني اشوف شغلي.....
اللممرضه :هو جالنا والحاله بتاعته انه فيه سائل بيخرج من الأنف وبيؤدي لسقوط الوعي ديما...
سيلين بتأكيد بكلامها :ماهو باين فعلا ودقات قلبه قلت وده تجمع هواء في الجمجمة مش مخاط دة سائل بينزل من النخاج الشوكي.....
مازن برد علي كلامها :ده جيوب انفيه؟؟
سيلين وهي متابعه لحالته :لا...... ده كسر في مقدمه الجمجمة....... لازم افتح راسه لو معرفتش اخفضله الضغط ده هيموت مني......
مازن وهو بيحاول يساعدها :طيب اصبري و
سيلين بمقاطعه واستعجال :معنديش وقت..... محمد مشرط بسرعه......
محمد بتساؤل وهو بيديهاها المشرط :متأكده هو ده المكان ي دكتوره ...؟...
سيلين بتذكر وهي بتعالج المريض اللي قدمها :حفره المثقب اللي لازم افتح بيه بيبقي من المنتصف ثلاته سم الي الجنب لازم القاعه الهوائيه تكون عاليه....
مازن :يعني ايه لازم تكون؟؟ هو انتي مش متأكدة....
سيلين وهي بتبصله ومتجنبه الرد علي كلامة  :حطله التنفس الصناعي ضغطه بدا يرجع بشكل طبيعي....
مازن وهو مش متوقع اللي عملته.......
سيلين بابتسامه انها نجحت :الحمد لله نجحنا.....
مازن وهو مبسوط انها قدرت تعمل كده من غير مساعدة..... ووجه كلامه الممرضين : ودوه اوضه العمليات بسرعه وانا جاي...... وبعد كده وجهه كلامه لسيلين بس هي مدتهوش فرصه يتكلم بس قربت منه لزقته في الحيطه بضهره وقربت جمب ودنه..... :بعد كده متستقلش بيا ماشي!
مازن بابتسامة وحب قربها منه يمكن حس باحساس القرب وهي معاه كده ده حاسس شويه وهتبقي في حضنه.... ماشي ي دوك ههههه
سيلين بعد ما لحظت الموقف وقفت سابته وعدلت لياقه البالطو وبصتله ومشيت......
**************
في اوضه سليم.....
ياسمين دخلت فاجأه.....
سليم وهو باصص للورق اللي قدامه علي المكتب ووعارف انها هي بس مدهاش اهتمام....
:فيه حاجه ي ياسمين؟
ياسمين بحب وصوت رقيق :اه... عاوزه اتكلم معاك في موضوع مهم......
سليم باستغراب :موضوع اية؟
ياسمين : يبنفع نخرج بره ونتكلم فيه...
سليم بضيق :معنديش وقت زي ما شايفه.....
ياسمين برجاء :عشان خاطري...
سليم لمحاولة تفهم الموضوع :تمام  الساعه 5 كده...
ياسمين بفرحة :تمام اوي..
.........
في كافيه نبضات.....
نادين بعد آخر مره مقابله مع سليم وسويلم  وسيلين حاولت تتفق معاهم بكل الطرق انها هتخلي سيلين توفق بين الاتنين.... بس اهم حاجه تبقي معاها......
وفعلا بتحاول علي قد ما تقدر توقف الكافيه علي رجليه.....
واللي مشجعها  اكتر هو دكتور سويلم اللي عرف الدكاتره والممرضيين بالكافيه وبقي فيه إقبال هناك وخصوصا لانه قريب من المستشفي.....

*********
جيه معاد البريك الساعه 5 وسليم اتفاجاء بوجود ياسمين وهيي زي  ما بيقولو علي سنجه عشره.... من ميكب للبس لكل حاجه كأنها رايحه فرح مش قعده نص ساعه هتحكي فيها عن مشكله وخلاص......
سليم باستغراب وهو ضامم حواجبه وبيبصلها..... وهي اخدت بالها بس فهمت بصته إعجاب مش استغراب....
سليم وهو مازال علي و ضعيته وضمه حواجبه :خير؟ فيه حاجه يا ياسمين؟؟.
ياسمين باستغراب هو نسي ولا ايه :انت نسيت يا سليم ولا ايه..... الموضوع ال
سليم بمقاطع لكلامها :منستش منستش... بس متفقناش نخرج من المستشفي مع بعض انا قولت هلاقيكي في المكان اللي اتفقنا عليه........
ياسمين باستعجال :يلا بقي يا سليم....
سليم بزهق :تمام تمام يلا.....
سليم اخدها وراح علي كافيه نبضات بحكم انه قريب من المستشفي وكده....
بعد ما وصلو... سليم سلم علي نادين بحب وأخوه وده اللي زاد من ضيق ياسمين ......
سليم بابتسامه لسه علي وشه :اه نسيت اعرفكو... ياسمين... دكتوره ياسمين يعني كانت طالبه من طلابي ودلوقتي معانا في المستشفي...... ودي نادين محاميه قد الدنيا بس مش بتحب الشغلانه هههه
ياسمين باستهزاء :وبتشتغلي هنا؟
نادين برد عليها بابتسامه سامجه مش ظاهره ملامح الضيق :تؤتؤ ده بتاعي..... بساعد فيه زي م انتي شايفه....
سليم بضيق من كلام ياسمين وقله ذوقها معاها :هي اكيد متقصدش ي نادو انتي عارفه...
نادين وهي بتحاول تضايقها او تتعامل زي اسلوبها :ع فكره سليم بردو كان استاذي لما كان عايش معانا هنا قبل ما اسافر....
ياسمين باستغراب :انتي مش بتقولي كنتي في حقوق  ازاي بقي وهو دارس طب؟
نادين بعد ما نجحت في تحقيق غرضها ومضيقتها :كان بيساعدني ايام الثانويه.... ها تحبو تاخدو ايه....
سليم بمحاوله إنهاء الموضوع ده :ها يا ياسمين تشربي ايه.... ؟
ياسمين بدلع :انت هتشرب ايه.....
سليم بجدية :اتنين لمون ي نادو بسرعه بس.... وغمزلها....
نادين بابتسامه وانها فهمت :عنيا  ولسه يادوب هتلف وتمشي كانت لمحت سيلين نازله قدام الكافيه ومعاها شنطه وباين علي وشها الزعل.....
نادين باستغراب :ثواني ثواني مش دي سيلين مالها عامله اي ده.......
واتسووووووب ونكمل البارت الجاي ي حلوين ♥️اسفه علي تأخير البارتات غصب عني بجد..
روايه عشق سيلين....
بقلمي لينو محمد ♥️