عشق سيلين (متوقفه حاليا)

البارت السابع

البارت السابع...
روايه "عشق سيلين"
بقلمي... لينو محمد ♥️
عند بيت الجارحي جد سيلين...... وخصوصا في غرفته......
بيوجهه كلامه لابنه احمد والد سيلين....
الجارحي :احمد يبني اكسب فيا ثواب ودور علي بنتك دي بنتك لحمك ودمك ازاي ترميها كده يبني ازاي ازاي تعاملها بالقسوه دي غلطتي اني سبتهالك وسافرت كل ده بره غلطتي وانا بحسب بجوازتك التانيه هتهتم بيها اكتر واللي اتجوزتها دي هتعتبرها بنتها مش هتخليك ترميها كده يبني رجعها للبيت وانا هرجعك البيت تاني بدال قاعده الشارع اللي انت قاعدها دي....
احمد بقسوه وجبروت :مش قاعد في الشارع قاعد في بيتي...
الجارحي بصوت عالي :بيت مراتك تقصد مراتك اللي جات وهدمت البيت ده كله بجبرتها وقسوتها وعلمتك القوه وازاي تقسي علي أقرب الناس ليك صح صح ياخساره تربيتي فيك يا خساره فين اامك الله يرحمها تيجي تشوف تربيتها اللي متمرتش فيك اي حاجه ولا أكن جاي من الشارع.....
احمد بقسوه وملامح قويه تظهر علي ملامح وشه :ماتقولش امي لأنها مش امي دي دي مش امي.......
الجارحي بتعب وهو ماسك قلبه :امك غصب عنك ااه امك اللي ربتك واللي كبرتك واعتبرتك ابنها حقيقي اامك اللي سهرت ليالي وأيام وتسيبني وتيجي تطمن عليك ولما تكون تعبان كانت بتخاف عليك اكتر من نفسها امك اللي لما لقيت انك مبقتش حابب وجودها ولا انت ولا اخوك سابتلك البيت ومشيت عشان متسبش أثر وحش امك اللي بسببك مقدرتش اكون معاها وهي تعبانه.... امشي اطلع بره....
احمد :بابا انا اسف انا...
الجارحي بصوت عالي وتعب لا يظهره:قولتلك امشي واطلع بره ايه مبتفهمش.......
احمد عشان ميتعبوش اكتر مشي وطلع من البيت كله مش من اللاوضه بتاعت الجارحي بس حس بنسبه ندم وانه ازاي يعمل كده بنته وكلام والده صح بس في ساعتها اول ما شاف بيلما رجع تاني لقسوته وتناسي تماما اللي كان بيفكر فيه وندمه في الطريق وتعب بباه لمجرد.......
استوووب متعرفناش علي بيلما......
بيلما :مرات احمد اللي اتجوزها بعد وفاه زوجته الاولي بسبب تعبها وكان فاكرها هتربي سيلين وتعتبرها بنتها وده اللي ظهرته في أول العلاقه وبعدها اتحولت وحولت احمد معاها القسوه والجبروت وتفكيره كله ازاي ياخد فلوس واملاك من والده علي قد ما يقدر......
بيلما :ها رجعت من عند ابوك بسلامته بحاجه تنفع...
احمد :لا عاوزني ادور علي سيلين بردو... بيقولي زي ما سبتها ترجعها...
بيلما :ماهي اللي سابتنا الله هو ابوك ده مبيفهمش....
احمد بغضب :بيلما لسانك يتلم انتي سامعه ده مهما كان ابويا.... ولو علي سيلين في متنسيش اني انا اللي رمتها قدام بيت امي وقولتلها مش عاوز اشوفك تاني ودي كدبه كدبناها ومتصدقهاش حتي ابويا قفش الكدبه....
بيلما :يلا اهي راحت في ستين داهيه بلا راجعه ومتفكرش ترجعها عشان ساعتها مش حتنول حاجه من ابوك....
احمد بعد ما رجع فكر في الفلوس والورث اللي ممكن ياخده وابتسامه ساذجه  :لا اجبها مين بلا راجعه خلاص قولي يارب بس هما ميلقوهاش.....
*****************
عند ياسمين بعد ما روحت البيت جواها اسأله كتير عاوزه تعرفها عاوزه تعرف سيلين ليه راحت المستشفي ومين عم احمد ده وليه سليم وليه وليه وليه...
ياسمين :مانا مش ههدي غير لما اعرف اجابه الاسئله دي اللي في دماغي...
وقامت جابت طبق فشار وقعدت قدام التليفزيون مستنيه سيلين عشان تعرف منها كل الإجابات اللي بتدور في دماغها.... وادي قاعده.... اي ده مين الرقم اللي بيرن ده غريبه.....
ياسمين :الو..... اه... وانت جبت نمرتي منين..... تمام تمام خمس دقايق واكون عندك....
***************
في المستشفي وخصوصا قدام اوضه عم احمد
سيلين وهي واقفه مع مازن وبيتكلمو....
سيلين بضحك :لا بجد انت مشكله هههههههه انا مضحكتش كده من زمان والله.....
مازن بابتسامه انها ضحت ومعاه هو ولأول مره من كتير زي ما قالت :ههههههه يلا مش حرمك من حاجه اهو ههههههه يارب ديما خليكي مبسوطه واضحكي علي طول بلاش تكشري.... مع ان شكلك في التكشيره حلو بردو...
ليليان :احم وبعدين بقي هههههه عمتا انا مبسوطه اني اتعرفت علي حد زيك .......
مازن لسه هيرد كان فيه صوت جاي من وراهم  وقاطع كلامهم ......
سليم بتكشيره  :دكتوره سيلين علي ما اعتقد احنا هنا في مستشفي محترمه ومفيش ضحك ومرقعه وصحوبيه ولا ايه.....
سيلين لسه هترد كان سابقها مازن بالرد علي مازن بتريقه ونبرة استهزاء في صوتة  :متشرفناش حضرتك مدير المستشفي مثلا وانا معرفش.....
سليم وهي بيمد ايده يسلم عليه وبيعصرها من الغيظ وابتسامه مجامله :اه تقدر تقول كده متشرفناش بقي باللي ماشي يوزع ابتسامات ويضحك الناس مين حضرتك....
مازن بضيق :انا دكتور مازن..... دكتور تخصص...
ولسه هيكمل كان سليم قاطعه ونظرات كلها موجهه عليه ...
سليم :دكتور مين اللي عينك هنا....
مازن :دكتور سويلم......
سيلم :تمام.... ياريت مفيش صداقه وضحك ومرقعه في المستشفي عندكو الشارع ابقي اعملو اللي عاوزينه....
سيلين بضيق :مرقعه؟ انا مكنتش بتمرقع يا دكتور انا كنت واقفه مع زميل ليا مش اكتر وبعدين اول مره اعرف ان المستشفيات منعت الصحوبيه والضحك خير ده نظام جديد.....
سليم وهو ماشي ومش مديها اهتمام بس قبل ما يمشي كان لف ضهره ليهم تاني ووجه كلامه لسيلين :عندك عمليه اتفضلي ولا نسيتيها يا دكتوره....
مازن حب يدخل معاهم العمليه فوجه كلامه لسيلم :انا ينفع احضر معاكو.....
سليم بعند :لا مبندخلش بهلوان عمليات...... اتفضلي....
مازن بضيق وتساؤل لنفسه :بهلوان؟؟ انا يتقالي بهلوان.... هو ماله  ده....
**************
عند سيلين بعد ما عقمت نفسها ودخلت العمليات....
سليم وهو بيباشر العميله وهي بتساعده......
سليم وعينه موجهه ليها :مقص......
سيلين :تمام....
سليم بتساؤل:تعرفيه منين...
سيلين بعدم اهتمام :مرتين تلاته كده شوفته صدفه....
سليم :انتي متعوده ديما تصاحبني اي حد تشوفيه صدفه كده....
سيلين :لا طبعا بس ده ارتحت معاه... وبعدين حضرتك ايه دايقك.....
سليم :خيطي الجرح.... عند اذنكو يا شباب  انا بره لو حصل حاجه نادو عليا تمام.....
سيلين بعد ما طلع :ما بيعرفش يعمل حاجه غير انه يأمر وبس ده ولا ايه....
**************
مازن ووهو واقف في مكانه لمح ياسمين جايه ..
ياسمين :باصصلي كده ليه؟
مازن بابتسامه:اللي هو ازاي.....
ياسمين وهي بتقلد بصته :كدهون....
مازن بضحك علي طريقتها الطفولليه:كدهون....
ياسمين بضحك:اهاا ههههههه جبت نمرتي منين؟
مازن مسك ايديها وسحبها علي اوضه العمليات بضحك :كدهون هههههههه....
***************
عم احمد اتفق مع سويلم انهم هيتقابلو في الكافيه ويتكلم عن موضوع سيلين هناك.....
سويلم اخده في عربيته وراحو علي الكافيه وقعدو يتكلمو عن سيلين واللي حصلها وسويلم اتفق معاه انه مش هيخليها تاخد بالها انه عرف حكايتها ولا هيعرف حد وانه سر بينهم واعترفله انه اتصل ببنته عشان تيجي وتهتم بيه وتعرف حالته.....
سويلم بعد تفكير وتصميم :انا هاخد سيلين تبقي معانا في المستشفي.....
احمد بحزن وفرحه :مش عارف اقولك ايه بس هي ملحقتش يوم معايا ههههههه وفي نفس الوقت انا حبتها واعتبرتها بنتي..... وفي نفس الوقت عايزاها الأحسن واللي تستاهله.....
سويلم بتصميم :معلش بقي هتعمل ايه وياسيدي بنتك هتجيلك خليها تساعدك وتونسك وسيلين هتبقي معاك بردو...
احمد بتفكير :بس هي هترفض عارفها دماغها ناشفه ومش هتقببل حد يتعاطف معاها....
سويلم بجديه:وانا مش هتعاطف معاها ده مستواها وحقها هي اخده تقدير امتياز وده مش سهل حد يحصل عليه وبعدين دي فاضلها سنه بقي وتشتغل بيها علي طول وانا هتصرف واقنعها بس سيبها عليا..... هسيبك ترتاح بقي عند اذنك....
احمد :يارب تقتنع ويريح بالها ويسعدها......
************
سويلم بعد ما رجع علي المستشفي امر بجمع كل الدكاتره في اوضه الاجتماع خلال خمس دقايق وفعلا اتجمعو كلهم لغايه ما جالهم......
سويلم بجديه :اهلا بيكو.... طبعا انتو دلوقتي متعرفين علي بعض..... كل واحد عارف التاني بس فيه ضيوف جديده معانا وده اللي هقدمهولكم  دلوقتي......... وكمان عاوز اعرفكم فيه فرقين بقياده دكتورين هيتعملو دلوقتي ويبقي فيه فريق مساعدين تحتيهم.......تمام.....
الفريق :تمام....
سويلم :اولا هعرفكو.....دكتور سيلم.. ودكتور مازن محمد الجارحي طبعا مش كلكم عارفينه بس كده عرفتوه هو من اكفاء الدكاتره بامتيار من جامعه الطب بامريكا......
وطبعا دكتوره سيلين متخرجه من جامعه الطب بامتياز و
سيلين باستغراب وصدمه ومقاطعه لكلامه :نعم حضرتك بتقول ايه؟؟
ونقول فتكم بعافيه يا حلوين ونكمل البارت الجاي....
اسفه علي تأخير البارت غصب عني.... 🤫
سؤال البارت بقي..😂
ايه سبب صدمه و استغراب سيلين؟؟ 🤔
مين هيبقي تبع فريق مازن ومين تبع فريق سليم 🤔
مستنيه ارائكم في البارت واتمني يعجبكو ❤️ ❤️
روايه "عشق سيلين"
بقلم "لينو محمد ♥️"