عشق سيلين (متوقفه حاليا)

البارت الرابع

البارت الرابع...
عشق سيلين.
سيلين وهي ماشيه متسربعه وعماله تفكر في مستقبلها اللي ضااع وازاي هتعرف تستجمع قوتها وتعمل مبلغ يساعدها في التدريس باقي السنه اللي بقيالها خبطت في كتف حد ...
سيلين بعصبيه :ماتحاسب انت اعمي ولا ايه....
مازن وهو مش عارفها بس مجرد ما شفها تنح زي ما يكون انبهر بجمالها  :اه لا بصي هو لو هخبط فيكي كل مره اعتبريني اعمي مش مهم....
سيلين باستغراب من طريقته وهي متعرفهوش اصلا :طيب ابقي اكشف نظر... وسابته ومشيت
مازن بعد ما سيلين سبيته ومشيت... حاول يستفزها عشان ترجع تكلمه تاني  :يعني ايه الحلاوه دي...مفيش كده قبل كده
سيلين وهي ماشيه سمعته لفت وشههاوهي في مكانها بدبش سريع من قبل ما ينطق كلمه تانيه وبغيظ  :الحلاوه دي تبقي حلاوه امك....... وسابته ومشيت تنادي علي عم احمد ...
سيلين وهي واقفه قدام مكتب عم احمد  :احم عم احمد انت جوه....
......
في اوضه سليم اللي في المستشفي واللي مخصصه ليه وانه بيكشف علي المرضي فيها برضو لانه تخصص جراحه قلب.... وهو قاعد بيشرب القهوه بتاعته افتكر سيلين وطريقه كلامها وردها عليه.....
سليم لنفسه:هي ازاي عامله كده... يعني باين عليها بريئه و غلبانه.... في نفس الوقت قويه وصعبه التعامل..... لا هي بتظهر  القوه بس هي من جواها ضعف... طب ايه اللي وجهته في حياتها عشان تبقي في السن ده وبتحاوب تبين قوتها وانها مبتحسش كده..........
العقل :وانت مالك انت بتدخل في اللي ملكش فيه ليه.....
القلب :ايه يعني ما تسبني احس بيها... .
العقل :تفكر فيها يعني وبعدين تدوشني معاك بقي وتقعد تقولي قلبي بيدق كده ليه وياسي  عاطتشف الحقني ياسي عاطشف صح... ..
القلب :لا مش للدرجه يعني هي اي بنت قلبي هيدقلها يعني... ....
العقل :يعم مانا لو فكرت فيها وشغلت نفسي بيها اكيد انت قلبك هيدقلها يعني.....
سليم وهو بيحاول يفوق من الدوامه  اللي دخل نفسه فيها.. :يووه بقي بس بس كفايا....
وقام شاف المرضي بتوعه وركز  في شغله وهو ده اللي قرر يعمله.....
*************
في اوضة الجارحي...
نلاقي العيله كلها ملموه حواليه.....
الجاري بتعب :عارفين ناقص اللمة دي ايه... ناقصها سيلين.... انا تعبت وعاوزكو تلاقوهالي ولا عشان انا مبقتش قادر اتحرك من سريري خلاص بقيت بتضحكو عليا وتقولو بندور وخلاص....
محمد :لا طبعا يا بابا مازن مش سايب حته غير وبيدور عليها.....
احمد :اهو كفايا واحد بيدور عليها مش هنلف كلنا يعني...
الجاري بعصبيه وهي بيوجهه كلامه لأحمد :انت اب انت انت ازاي اب انت دي بنتك دي مش عارف ازاي قلبك قاسي كده ولا الجواز التانيه دي هي اللي قشتك وخلاك تبيع بنتك وترميها لجدتها ولا تسأل فيها ختي بعد وفاه جدتها انت متعرفش بنتك وصلت لايه ولا لفين حتي.....
احمد بصدمه من كلام الجارحي اللي متخيلش للحظه ان حد يعرف بالموضوع ده غيره هو ومروه مراته......
***************
سيلين وهي لسه قدام اوضه مكتب عم احمد بس قلقانه مش عارفه تتصرف ازاي غريبه انه ميردش عليها وهي متأكده انه جوه ....
سيلين اول ما فتحت الباب اتفاجات من أنه اغمي عليه وماسك قلبه..... افتكرت وجود دكتور سليم وانه صاحبه من زمان يعني اكيد لو تعبان من فتره عارف بتعبه ده واكيد عارف علاجه..... جريت عليه تلحقه...
سيلين وهي بتنهج من الجري :عم.. اقصد  يا دكتور  الحق عم احمد  يعني الحق عم احمد مش بيرد عليا ....
دكتور سليم بخضه :انتي بتقولي ايه براحه انا طالع معاكي......
****************
احمد اول ما سمع الكلام من الجارحي.... ظهر علي وشه علامات التعجب انه عرف منين... اكيد مش من جدة سيلين هي اتوفت من قبل ما تشوفهم يعني هيكون عرف من مين... مشفش سيلين حتي....
وقف قدامه :هو حضرتكك عرفت الكلام ده منين؟
الجارحي بغضب :يعني كلامي صح؟ انت ازاي كده ازاي تقسي علي بنتك وترميها كده حتي لو لجدتها دانت قولتلها بلسانك مليش بنات... عمتلك ايه هيا عشان تعمل فيها كده... ياريتني كنت موجود  يارتني كنت لحقتها من قرفك ومن انك تبقي ابوها اساسا بقي ترمي بنتك عشان واحده متجوزه جديد اخص بجد اخص علي الرجوله.....
احمد :عشان حبيتها محبتش أفضلها طلب...
الجارحي بغضب اكتر :وانت تعرف ايه انت عن الحب ولا الحنيه انت متعرفش حاجه غير القسوه القسوه وبس..... اخرج بره اخرج بره لا عاوز اشوف وشك ولا عاوز اشوف وش مراتك...... اخرج بره البيت وهقولك زي ما قولت لبنتك لا ليك اب ولا يعرفك....
*****************
دكتور سليم طلع مع سيلين للمكتب وفعلا فتحه لاقاه اغمي عليه ومش قادر يتنفس..... سويلم بقلق :انقليه معايا بسرعه يبنتي علي الكنبه دي بسرعه.....
سيلين وهي بتحاول متبينيش خوفها عشان تعرف تتعامل بسرعه ومن غير قلق وخوف....وتحاول تسيطر علي الموقف.....
سويلم :هنعمل ايه دلوقتي لازم ننقله مستشفي...
سيلين بتساؤل :هو حضرتك تعرف هو تعبان عنده ايه ولا لسه هتشكف......
سويلم من غير ما يديها رد هو عاوز يلحق مش وقت تفكير :بصي يبنتي هاتيلي تليفوني كلمي رقم دكتور سليم... وقوليلو يجي بعربيه إسعاف واوصفيلو المكان بسرعه تمام.... وانزلي بسرعه هاتيلي علبه الإسعاف الاوليه من هنا هحاول اتطمن انه لسه عايش بس.....
سيلين بحيره انها مش عارفه تعمل ايه الاول وتوتر  :حاضر حاضر....
سيلين نزلت بسرعه جابت الاسعافات الاوليه وطلعت ادتهاله.......واخدت التليفون بتاعه واتصلت باسم سليم.....
سيلين  بسرعه :الو هات عربيه الإسعاف وتعالي بسرعه العنوان ده........
سليم وهو مش ملاحق يرد بس اول ما قفلت في شه السكه واتأكد انه رقم والده قلق حقيقي عليه وهو عارف ان المكان اللي وصفته الكافيه اللي بيقعد عليه سويلم ديما..... بسرعه كان اخد عربيه إسعاف وراح معاهم......
سيلين :اتفضل تليفونك انا قولتله يارب يجي بسرعه.....
........ :انتو مستنيين اية وسعي كده.......
سيلين تنحت اول ما شافته..... ولسه هترد اتكلم بصوت عالي  :هتفضلي متنحه كده كتير وسعي وتعالي اعمليله مساج القلب عقبال ما اشوف النفس يلا.......
.... واتسووووب...... 😂 ونكمل البارت الجاي ي حلوين.... وواللي أحداثه هتشقلب الدنيا........ اتمني يعجبكو ❤️
روايه عشق سيلين...
بقلمي لينو محمد ♥️🙈