أحببت كارهي

البارت الرابع 🌹 حفل زفاف 🌹

في الصباح
تململت مريم في فراشها ثم فتحت عينيها وادركت ان اليوم هو اليوم المنتظر لتنهض بحماس شديد وتدفع كل من ريم وايه لكي توقظهم لتردف وهي تضرب كلا منهما بالوساده : يلا بسرعه النهارده الفرح يلاااااه قوموا بقى
لتنهض ريم وتقول بعصبيه : ياغبيه في حد يصحي حد كده، ايه الدوشه دي ع الصبح انتي اتهبلتي
لتقول ايه وهي تفرك عينيها بنعاس : في اي صوتكم عالي ليه
فترد ريم بخمول : مريم الهبله مصحيانا الفجر عشان الفرح
فتقول مريم بضحكه : فجر اي ياماما الساعه عشره يلا عشان نصحى شرين
ثم تصمت برهه وتكمل : انا مش عارفه مش رضيت تنام معانا امبارح ف الاوضه ليه
لتقول ريم بامتعاض : عشان عارفه هبلك، ثم تنهض هي وايه
ثم تتسابق مريم لتدلف الي المرحاض قبلهم
فتضحك ايه وريم على جنانها
اما عند شرين فقد استيقظت على أصواتهم بالخارج وجلست على طرف السرير ممسكه بهاتفها متذكره رساله امس التي كانت محتواها
( وحشتيني اوي ياحبيبتي، انا كل ماافتكر ان النهارده اخر يوم هتنامي فيه بعيده عن حضني مصدقش نفسي، تصبحي على خير يا زوجتي العزيزه♥️)
فتبتسم شرين وهي تحضن هاتفها ثم تنهض للخارج

في الطابق الثاني
كان الشباب قد استيقظوا ومنتظرين فهد حتى يهبطوا لكي يفطروا فخرج فهد إليهم : وقال يلا
فقال الشباب : يلا ياعم عشان نفطر، وهبطوا للأسفل وجدوا العمه حنان تضع الطعام في الحوش
فيسال مصطفى والدته : اي ياماما احنا هنفطر في الحوش ليه
لتقول الأخرى بابتسامه : قول صباح الخير الأول
فيرد عليها بضحكه وهو يقبل يدها : صباح الفل يام العروسه
فتبتسم الأخرى قائله: عقبالك ياحبيبي
فيتدخل محمد مازحا وهو يقبل رأس عمته : وانا مفيش عقبالك ياعمتو
فتقول الأخرى بابتسامه : عقبالك ياقلب عمتوا، وتنظر للاخرين وتقول بضحكه واسعه : عقبالكم كلكم متزعلوش،
ثم تكمل وهي تنظر لفهد : نمت كويس ياحبيبي
فيرد الاخر بهدوء : ايوا
فتقول العمه : طب يلا اقعدوا ف الحوش عشان هتفطروا هنا مع الحاج سعيد والحاج احمد
فيقول محمد مستغربا : اشمعنا النهارده
فترد العمه بابتسامه : عشان البنات هتنزل تفطر معانا تحت ثم تنظر لأحمد بمشاكسه : وكمان عشان أحمد ياخد راحته
فيقول الاخر بضحكه : وانا ماخدش راحتي ليه ثم يكمل : قصدك شرين مش هتاخد راحتها
فتقول العمه بابتسامه : ربنا يخليكم لبعض ياحبيبي، يلا بقى اقعدوا
وتذهب، ويذهب الشباب الي الحوش

اما عند البنات وهم يهبطون ع السلم وجدوا العمه حنان تدلف فاسرعوا إليها واخذوا يقبلون رأسها ثم دلفوا للداخل وقبلوا يد الجده وجلسوا بجانبها
لتقول الجده : صباح الورد ياعرايس
فتقول البنات بخجل : صباح الخير ياجدتي
ثم تنظر الجده لمريم وتقول بابتسامه: عقبالك يامريم
لتخجل الاخري وتجيب بصوت لا يُسمع : شكرا ياجدتي
ثم تنظر لريم وايه وقد كانوا يجلسون بجانب بعض : وانتي ياريم انتي وايه عقبالكم
فتبتسم ايه حالمه، وتقول ريم بشئ من العربجه : يااااارب
ليضحك الجميع عليها 😂😂
فتنهض العمه سهير مصتنعه الغضب وهي تقول : امشي يابت ياللي معندكيش دم، ادي دقني لو اتجوزتي بهطلك ده، لتنهض ريم من علي الكرسي وهي تختبأ ورا الجده وتخرج راسها من خلفها وتقول بضحكه : هتشوفي يا سوسو
فيضحك الجميع مره اخرى
ثم تأتي والده مريم بالطعام ويجلسوا جميعا يفطروا، وكانت أعين الجده لا تفارقهم وخاصه مريم التي دخلت قلبها ما ان راتها
فتقول الجده بتساؤل : وانتوا بقى عندكم كام سنه ياحلوين
فتقول ايه بهدوء : تسعه عشر سنه
فتقول الجده : يعني خلصتوا ثانوي
فتقول ريم بحماس : اه خلصنا ونجحنا كمان وجبنا مجاميع حلوه اوي يا جدتي بالذات مريم اصلها دحيحة العيله
فتقول الجده وهي تنظر لمريم باعجاب: ماشاء الله وناوين تدخلوا كليه اي
فتقول والده مريم بحزن : لا هما خلصوا كده يا خالتي
فتكمل العمه حنان بهدوء : احنا عندنا البنات بتخلص تالته ثانوي وتقعد عشان السفر وكده
لتومأ الجده راسها وهي تهمس للعمه حنان وتقول : لما تفطري ابقى تعالى الصالون عايزاكي
فتقول الأخرى : حاضر ياخالتي