روايه تؤام روحى بقلمى شروق محمود

الفصل الثاني عشر 💛

الفصل الثانى عشر 💛

توقفنا البارت السابق عندما كان رحيم يريد أن يجلب حق زوجته مليكه و سليم يحاول أن يقنعه انه يتوقف عن ما سيفعله

سليم :: رحيم ارجوك مليكه محتجاك معاها مضيعش نفسك وعمرك عشان شويه كلاب اكيد هنعرفهم

رحيم بصوت هادى جدا وكأنه هذا الهدوء الذى يسبق العاصفة :: انا اعرف مين إللى عمل كدا وهقتله بايدى دى مش هسيب حق مراتى يروح هدر يا سليم

سليم :: احنا ممكن نجيبه ونجيب حق مليكه بدون ما تضيع نفسك يا رحيم بس قولى مين هو

رحيم ابتسم ابتسامه خبيثه :: هقولك

سيف :: رحيم انا بدأت اخاف منك اقسم بالله لو سمحت اهدى مينفعش كدا

رحيم لن يهتم بكلام اى أحد منهم :: إللى عمل كدا اسمه مصعب التميمى المنافس الأول ليا اكيد طبعا غرفته يا سيف صح

سيف :: هو بصراحه راجل عايز الولعه مش القتل بس .........لكن لو انتى إللى خدت حقك منه و بايدك هتضيع نفسك انت تحط خطه مع سليم وفريق الشرطه وهتعرفوا توقفوه عشان هو ليه اعمال مش كويسه وبيستغل الشركه انه بيدارى أعماله فيها

سليم :: أعمال زى ايه يا سيف مثلا

سيف :: بيتاجر فى المخدرات وبيجيب انواع جديده من خارج البلد متعاون مع عصابات مافيا برا البلد وبيدخل اصناف جديده من المخدرات مصر وبيدمر شباب البلد بيها

سليم :: اممممممممم تماام هتيجى دلوقت معايا يا رحيم هنفكر مع بعض ونحط خطه ازاى نوقعه يلا يا رحيم يلااا

رحيم بنفس هدوئه :: يلا بينا

............................اما عند مليكه كانت فى غرفتها فى المستشفى وكانت لا حول لها ولا قوه تعيش على الاجهزه فقط ويعطوا لها محاليل لتتغذى بها والجنين ايضا كانت فيروز تجلس معها تمسك يدها وتبكى ...................

فيروز :: وحشتينى اوى يا مليكه انا مش متعوده انك تكونى بعيده عنى كدا ارجوكى فوقى مش هقدر اقعد من غيرك يا مليكه وانا مبسوطه عشان ربنا حققلك امنيتك وبقيتى حامل مبروك يا روحى عارفه يا مليكه انا مخبيه عنك سر بس مش هقدر اقوله ليكى عشان لو قولته هنفترق انا وانتى وانتى هتبعدى عنى ومش ممكن هقوله عشان مش عايزاكى تبعدى عنى يا روح قلبي بحبك اوى

سالم :: فيروز يلا عشان تروحى رحيم جه وهو هيبات مع مليكه لحد الصبح يلا يا حببتى

فيروز :: حاضر يا عمو مع السلامه يا كوكو هجيلك بكره مش هتاخر عليكى بإذن الله

سيف استقبل زوجته واحتضنها ليخفف عنها :: ششششش بس يا روحى اهدى هى ان شاء الله هتبقى بخير متقلقيش عليها

فيروز :: يارب يا سيف يارب

سيف :: يلا عشان ترتاحى بقالك كتير واقفه رحيم هيبات معاها واحنا هنيجى بكره ان شاء الله