لن يهتــم بكـ الا....
مـن ارادك في حيــــــــاته❤️....
•••••••••••••••••••••••••••••••••••••••••••💕
رغد كانت قاعدة في ورشة الرسم حقتها....عندها زي غرفة كبييرة كدة فيها كل مستلزمات الرسم....كانت قاعدة وبترسم في لوحة بعد خلصت مسحت جبهتها وهي بتعاين للوحة بنظرات مكسوورة....كانت صورة حسام يوم المستشفى داك...اول يوم تلاقيهو....كانت متذكرة البرود الظاهر في عيونو الناعسة....كانت متذكرة التقاء حواجبو البعبر عن انو كان منزعج....مسكتو ليها..انفاسو..عطرو اي حاجة....كانت حافظة حسام بالبصمة... هي في نفسها م عارفة روحها كيف قدرت تعاين في عيونو وتقول ليهو دايرة علاقتنا تنتهي....معظم الورشة كانت صور حسام❤️....
•••••••••••••••••••••••••••••••••••••••••💕
اما حسام م كان اقل حالا منها...بس كان قادر يسيطر....
كان نازل من السلم وهو لابس ملابس الرياضة وشايل شنطة رياضية في ظهرو....
امل كانت قاعدة في الصالة وهي بتشرب في الشاي...شافتو وقالت:ماشي وين باقي الليل دا....
حسام:ماشي النادي...
امل:كدي تعال اقعد اشرب معاي الشاي....
حسام:لالا يا امي بتأخر خليها مرة تانية....
امل:قلت ليك تعال ياخ يوم م بفرق في حاجة...
حسام:امري لله....مشى وقعد جمبها وقال:اها قعدت....
امل بعد م كبت ليهو الشاي:م فكرت في الموضوع....
حسام:ياتو موضوع....
امل:موضوع منار بت عمك....
حسام عاين ليها قبل م يضحك باستخفاف ويقول:قولي من قبيل عايزة تقولي كدة....قلت ليكم م دايرها انا....
امل بانفعال:نان داير الفاصخة قليلة الادب ديك صاح😡😡😡....
حسام بصدمة:بتتكلمي عن منو انتي😳😳....
امل:عارفني كويس بتكلم عن منو....
حسام:والله يا امي م فاهمك....
امل:دقيقة اذكرك...يوم خطوبة وليد هي م كانت صحبة العروس....كنت واقفين في الممر الجمب الصالون..قالو ليك م شفتكم....شفتها لمن حضنتك قليلة الادب وانت كمان تربيتي بستها😞😞من هنا بطني طمت منكم ومشيت خليتكم بس اصلو م يخليك ليها قليلة الادب...انت راجل يعني الغلط م عليك الغلط عليها هي الفاجرة....
حسام بعصبية:ببببببيبببس يا امي..لحدي هنا وكفاية😡....
امل:كمان تنهرني عشانها...خلاص اكلت مخك بت خالد....
حسام:انا م بت عشان ياكلو مخي...وبعدين يا امي دي حرية شخصية عرفتي....ومنار م ح اعرسها....
جاهو صوت غاضب: تعرسها ورجلك فوق راسك يا كلب😡😡😠😠....
حسام اتلفت لمصدر الصوت وكان ابوهو:حصيح انو رغد بت خالد صحبي...
بس البت منفتحة شديد وعايشة كل عمرها برا...وانت اتخيلت يعني اني ممكن اسمح ليك تعرسها...والله لو بقت اخر بت م بتعرسها.....وغير منار م بتعرس....
حسام:قلت ليكم غير رغد م داير....
محمد:بتتحداني يا حسام...بتكسر كلمتي....
يتبع.....
