الحنين متحف علق على جدرانه أطياف الوجوه والاماكن التي عشناها...
ذات يــــــــــوم 💔...
•••••••••••••••••••••••••••••••••••••••••💕
مرت الايام....
ورغد بقت مدمنة رسمي وشعبي حتى ظهر في ملامحها وقصي وسمر عرفو (كتمممممممممممت😓😓)قصي حلف الا يمشي يقتل يزيد بس رغد هدتو بطريقتها....وهي حاليا دايرة تستعد عشان تمشي رحلة العلاج في المانيا...وبرضو م كانت دايرة اي زول يمشي معاها وبعد جهد جهيد قدرت تقنع اخوها انو م يمشي معاها....
منار وبتاع دا اسمو منو ياخ...حسام الموهيم جو من شهر العسل وبستعدوا عشان ماشين عرس وليد ودندون الليلة....
راشد قدر م حاول يطلع عثمان م قدر ولا بالقروش ولا بالواسطات ولا بأي شي...في النهاية يئس وخلاهو....
زايد دخل في دوامة ندم م ليها آخر بالذات بعد شاف عبير والجروح الفي جسمها مع أنو كان مبسووط عشان هي اتخلصت من الوحش دا بس برضو الندم بياكلو من جوووة...
وسام منتظر متييين عدة عبير تخلص عشان يمشي يخطبها خلاص م ح يتأخر اكتر من كدة كفاية جدا تأخير لحدي هنا وبس....
سمر وخالد علاقتهم عسسسل وكذلك جيهان وقصي....
••••••••••••••••••••••••••••••••••••••••💕
في كوفيير **....
دان كانت قاعدة بفستان زفافها كانت روووعة قليلة في حقها كانت بالجد تحفة طبعا هي عرفت بالحصل لرغد من سمر واتمنت لو كان جات وحضرت العرس بس يلا خيرها بغيرها....
كان معاها جيجي وسمر...شوية كدة ووليد جا باسها في راسها وسافجقها من يدها وطلعوا....
طبعا للان حسام م عرف حاجة عن رغد وم لقى فرصة يسأل فيها صحباتها.....
وصلوا الصالة والعرسان دخلوا ورقصوا وحسام ما لاقي طريقة يتكلم مع سمر في النهاية رسل ليها شافع كدة حتى هي جاتو....
بعد السلام...
حسام:امممممم عايز اسألك سؤال واحد....
سمر:وانا م بقدر اجاوب....
حسام:سمر عليك الله..ختي نفسك في مكاني....
سمر:هي كويسة يا حسام....
حسام:لا انا م داير كدة انا داير اعرفها مرتاحة ولا لأ...سمر بلييز عشان أنا زاتي اقدر ارتاح انتي م حاسة بي لانك م جربتي الشعور دا ابدا...اوعدك من بعيد لبعيد بس...وريني مكانها....
سمر سكتت مسافة بعدها قالت:رغد في المانيا....
حسام باستغراب:بتعمل شنو في المانيا؟؟؟...
