يجلس مراد في مكتبه يفكر فيما قالته نور
ليقطع تفكيره طرق الباب ليسمح له بالدخول لتدخل الممرضه (فريده)
فريده "حضرتك طلبتني يا دكتور"
مراد "ايوا انتي كنتي مساعدته دكتور وائل فحالة نور صح"
فريده "ايوا هو في حاجه"
مراد "لا بس عايز رقم تليفون دكتور وائل واعتقد معاكي"
فريده "ايوا معايا اتفضل ......0127"
مراد "تمام تقدري تروحي تكملي شغلك"
لتهم بالذهاب ليقطعها سؤاله
مراد "انتي تعرفي إذا كانت نور حاولت تنتحر ولا لا"
فريده بابتسامه "آيوا طبعا"
لينظر لها بتركيز لتتابع هي " هي حاولت تنتحر مره بسبب جوزها بس لحقناها قبل مترمي نفسها"
مراد "متاكده"
فريدة "ايوا يادكتور انا كنت موجوده"
مراد " طب تقدري تتفضلي وشكرا ليكي
لتخرج هي ويظل هو ينظر للرقم فالهاتف ثم يغلقه ليكمل عمله
________________________
عند هبه في الجامعة
تجلس هبه مع صديقتها هاله
هاله "مالك كدا عامله زي المطلقين في ايه"
هبه "مفيش حاجه"
هاله "مفيش اي انتي مش شايفه نفسك انتي مش هبه اللي طول الوقت بتتكلم احكي في اي"
هبه "طب خلاص هحكيلك"
لتحكي لها كل شي من مقابلتها بيوسف وكلام مراد له
هبه "بس ياستي وانا مش عارفه اعمل ايه وضميري مانبني اوي"
هاله "مهو انتي السبب فعلا مكنتي تقولي علطول انتي شفتيه وخلاص"
هبه بدموع وتانيب "خلاص بقا متزودهاش عليا أنا اصلا من ساعة اللي حصل وانا بانب فنفسي"
هاله "خلاص متزعليش أنا اسفه بس هتعملي ايه معاهم"
هبه بندم "مش عارفه هحاول اكلم مراد وقوله اللي عمله غلط وانو زودها وكدا يمكن يتصالحو"
هاله "انشالله هيتصلحو" لتصمت قليل وتقول وهي تسحبها معها "يلاهوي المحاضره اتاخرنا يلا بسرعه"
ليذهبو الي المحاضرة ليستكملان يومهم
__________________________
في مستشفي
وتحديدا قسم النسا والتوليد
يجلس يوسف علي مكتبه وامامه سيده ببطن بارزه
السيده "طمني يادكتور"
يوسف بابتسامة "اطمن مفيش حاجه دا مغس طبيعي وخي الادويه دي وهتبقي تمام" ليمد يده بروشته لتاخذها وتشكره وتذهب
ليتنهد هو بتعب ثم يطلب من مساعدته ادخال الحاله التاليه
لتخرج وتدخل وعلامات الصدمه بادئه علي وجهها
لتدخل بعدها الحاله
يوسف وهو يدون شي في الورقه الذي امامه "اتفضلي قولي بتعاني من ايه"
الحاله برقه ودلع "بعاني من وجع الفراق قلبي بيتقطع حته حته حته ااهئ اهئ اهئ"
ليرفع يوسف نظره ليصدم ب.....
_______________________________
في مكان اخر خارج مصر
تجلس ليلي امام خزانت الملابس تحضر ملابس ليدخل باسم الغرفة
باسم بضحك "انتي بتعملي ايه لسه فاضل اسبوعين علي السفر"
ليلي بفرحه "مش قادره اصدق ان خلاص كلها اسبوعين وارجع مصر تاني أنا هطير من الفرحه"
باسم وهو يحتضن وجهها "وانا كمان فرحان بس عشان انتي فرحانه ، أنا بحبك وميفرقش عندي المكان المهم افضل معاكي طول عمري"
ليلي بحب "وانا كمان بحبك اوووي"
ليقترب هو منها ويحملها ليبحرو معآ في عالمهم
__________________________
في منزل عائله الشافعي
وتحديدا في غرفة محمد وحياه
يخرج محمد من الحمام وهو يمسح شعره بمنشفه صغيره
لينظر الي حياه ويقول بصوت منخفض "اسر نام"
حياه بنفس النبره "آه تعبني لحد ما نام"
ليقترب منها محمد ويقبل راسها "ربنا يخليكي لينا وميحرمناش منك ابدا"
حياه بحب "ولا منك"
ليقترب محمد منها ليقبلها ليقطعه بكاء الصغير ليبرطم هو بكلام غير مفهوم بعصبيه لتضحك هي وتحاول تهدئه اسر
_____________________________
ليرفع يوسف نظره ليصدم بمراد جالس امامه ويبتسم باستفزاز
يوسف ببرود "نعم ايه اللي جايبك هنا أنا مش فاضيلك وورايا شغل"
مراد بنفس البرود "وانا مش معطلك انا حاجز ودا دوري يعني مش معطلق"
يوسف بضيق " امم طب بتشتكي من ايه وجع فالضهر ولا اسفل البطن بتحس بالغثيان وتتقئ كتير ولا لا"
مراد بندم "أنا اسف" ليصمت قليلا ثم يكمل "أنا مكنش قصدي اللي قولته أنا اضيقت من اصرارك على الموضوع دا اختي يايوسف"
ليقف ويذهب له ويضربه علي كتفه "خلاص بقا ياخي من امبارح وانا بتحايل عليك خلاص بقا"
يوسف ببرود "أنا خت اي من اتصالاتك العظيمه بيا"
مراد "خلاص هعزمك علي الاكل اللي انته بتحبه"
يوسف "وحلة محشي من ايد امك"
مراد بضحك "طيب حاجه تاني"
يوسف "تحكيلي مالك ايه اللي مغيرك"
مراد "ماشي بس يلا عشان اعزمك"
يوسف "انهارده مش هينفع انت شايف الناس اللي برا"
مراد "اسكت ياخي أنا اتفضحت كل اللي بره كانو بصلي باستغراب وخصوصا لم شايفني لوحدي"
يوسف بضحك "أنا مالي ياخي حد قالك تعالي لعياده نسا إنت اللي جايبه لنفسك"
مراد بضيق "ويعني أنا معملتش كدا عشان حضرتك تحن عليا"
يوسف بابتسامة استفزاز "حقي"
مراد "ماشي حقك أنا همشي بقا سلام"
يوسف "سلام"
لتدخل مساعدته ليطلب منها ادخال الحاله الاخره
___________________________
عند مراد
يعود الي البيت ويصعد الي غرفته بعد ان يسلم علي والدته ويذهب لاخذ حمام وبعد الانتهاء يرتدي ملابسه ثم يخرج ليمسك هاتفه وياتي برقم احد ويرن
مراد "مساء الخير حضرتك دكتور وائل"
وائل "ايوا أنا مين معايا"
مراد "أنا الدكتور مراد وبشرف دلوقتي علي حاله نور الشافعي"
وائل "ايوا في حاجه يعني"
مراد "ايوا كنت حابب اسال حضرتك هي المريضه نور حاولت تنتحر قبل كدا"
وائل "آه حاولت مره ليه بتسال"
مراد "لان اللي اعرف أن أحنا المفروض بنكتب اللي بيحصل للمريض في الملف بتاعه وانت مش كاتب عن انتحارها وانا عرفت بصدفه فحبيت اسالك ايه اللي خلاك متكتبش عن انتحارها"
وائل بعد صمت "......
(نهاية الفصل)
طولت الفصل اهو بس اسفه علي التاخير
وياريت تعملو فوت وتقولو رايكو علي الفصل☺️ ☺️
أنت تقرأ
الوهم
Mystery / Thrillerالوهم :هو اضطراب عام في التفكير ويتسم باعتقاد ثابت خاطئ لا يتزعزع حتى لو اعتقد الاخرون من حوله خلاف ذلك أو برزت له أدلة دامغة تنفي ذلك . و هو اعتقاد راسخ في نفس المريض، ويتصف هذا الاعتقاد بأنه زائف أو خيالي أو مبني على الخداع. وفي عالم الطب النفسي،...
