البحث عن الاحتواء (مكتمله)

الفصل السابع

الفصل السابع
قبل فرح همس بيوم فى بيت همس
نجوى بدموع :فاضل يوم و تسيبينى لوحدك يا قلب امك
همس :يا ماما هعيط والله و بعدين انا هبقى اجى مش هسيبك يعنى و كمان هغسل المواعين ليكى
نجوى بضحك : اهم حاجة غسيل المواعين هههه
عمر بمقاطعه: خيانه امى و اختى و اوضه واحده كسرتوا قلبى اه يا قلبى الواد دة جرحلى قلبى و هو بيرقص
نجوى و همس بضحك :بس يا عبيط
عمر بحنان و هو رايح يحضن همس :هتوحشينى جدا مين هيقعد يرخم عليا البيت هيبقى وحش من غيرك
همس بدموع :والله و انت كمان هتوحشنى بس انت تقدر تبقى تيجى و اكيد هتيجى مش كدا
عمر بتأكيد : اكيد طبعا مقدرش استغنا عنك و بعدين انا بكرا هاجى ابات معاكى و انام جنبك كمان
نجوى بضحك :لا كله الا كدا
عمر و همس قعدوا يضحكوا
.....................
فى فيلا الأنصارى
صفاء :بس تعرف يا محمد قلبى مفتوح لهمس جدا و حباها والله
محمد :هى محترمه و مؤدبه و بنت حلال هتصون ابنك و تحافظ عليه
صفاء :ربنا يهدى سرهم و هنا دخل آسر
آسر :السلام عليكم
صفاء و محمد :عليكم السلام اذيك يا عريس جيبت البدله
آسر :ايوا يا بابا و كل حاجة جاهزة و اطمنت على الفيلا
صفاء :مش عارفة بس انا ليه مجيبتهاش تعيش هنا مكنش حد هيضايقها والله
آسر :معلش يا ماما علشان ناخد راحتنا اكتر و بعدين هنبقى نيجى نقضى معاكوا كام يوم
صفاء :ماشى يا ابنى إلى يريحكم
.........................
فى صباح اليوم التالى
همس صحيت و جات ليها بنات من البيوتى سنتر علشان يظبطوها
و آسر صحى و هيروح للحلاق بس قعد يفكر شوية مع نفسه إلى ناوى يعمله فيها بعد الجواز دة الصح ولا الغلط و قرر انه الصح لازم يربيها على غلطها
"على رأى المثل ضرب الحبيب زى اكل الزبيب هههه"
...............
آسر واقف تحت و جنبه مازن و عمر و مستنيين همس و البنات
آسر بضيق :بيعملوا اية كل دة
عمر بضحك :بيحطوا التاتش الاخير الله
مازن بضحك :اصبر شوية يا عريس
آسر بصلهم :بصوا بقى انتوا لو مسكتوش انا هسكتكم بطريقتي
مازن و عمر بضحك :خلاص هنسكت و كل واحد حط ايده على بقه و فى نفس اللحظه نزلت همس و إلى أول ما آسر شافها سرح فى جمالها و قد اية هى ملاك بفستانها الأبيض و لكن فى نفس الوقت اضايق علشان الناس هيشوفوها و هى قمر كدا و خصوصا بالميك اب
اما عند عمر و مازن فانذهلوا بهنا و منار
عمر و مازن و هم بيبصوا لبعض :مين دول
منار :بس يا خفيف منك ليه يالا علشان نروح القاعه
كانت هنا لابسه فستان نيلى بينافس لون عينها و بيبين حلاوتهم و منار كانت لابسه فستان دهبى شكله كان شيك جدا و جميل خصوصا مع درجه بشرتها
................
-فى القاعه همس و اسر قاعدين و كان وقت الاوبن بوفيه و مازن جه عليهم
مازن و هو بيوشوش آسر :............
آسر بخضه :يخربيتك هتفضحنا والله عيب مينفعش كدا انت ازاى تعمل حاجة زى دى
مازن :...............
آسر :طيب هاتلى حته معاك والنبى دة انا صاحبك و غمزله
مازن :عيونى يا باشا بس لو اتقفشت هقول ان انت إلى وزتنى
آسر :ولا اعرفك ههههههه
مازن :واطى من يومك و مشى
"طبعا انتوا مش عارفين بيتكلموا عن اية للأسف الكيسه السودة إلى هيتلم فيها شوية اكل هههههههه"
عمر :بس اية يا منار مش متعودين على النضافه دى
منار :يا ظريف انا طول عمرى قمر اصلا
عمر :على يدى انا عارف ايوا
هنا :اووووووف
مازن :مالك فى حاجة يا هنا
هنا :اصل الجو بقى خانقه اوى
مازن :طيب تعالى نمشى شوية
و ختموا الفرح برقصه سلو للعريس و العروسة
آسر و هو بيرقص معاها :اوفر الميك بتاعك مش حلو
همس باستفزاز :عاجبنى
آسر :انا هعرفك ازاى تردى كدا بس لما نروح يا حلوة
همس :لو مفكر انى بخاف تبقى بتهزر انا مش بخاف غير من الى خالقنى
آسر بضحك جامد :و مخوفتيش منه ليه لما كنتى بتكلمى معتز ولا دة عادى مش حرام
همس باسف :والله كلنا بنغلط و انا انسانه و ليا اعذارى
آسر :مفيش حاجة تبرر إلى عملتيه و إلى عملتيه انا إلى هحاسبك عليه يا همس و خلصوا الرقصه و روحوا تحت عياط همس و هى بتحضن عمر و نجوى و محمود اكتفى انه مسك ايديها و طبطب عليها و قال لأسر حطها فى عينك
....................
-فى فيلا آسر
همس قلعت الهيلز (الجزمه بكعب) بتاعتها كانت تعبت و بتطلع تنام
اسر :انتى رايحه فين يا ماما انا ماذنتش ليكى تطلعى
همس :والله دة بيتى و بعدين عايزة اغير
آسر :طيب غيرى و تعالى اعملى ليا عشا غير إلى موجود اوضه المكتب عايزك تنضفيها قبل ما تنامى و والله يا همس لو معملتيش حاجة من دول لندمك على اليوم الى اتولدتى فيه
همس بتحاول متبينش دموعها :حاضر و طلعت غيرت و صلت و دعت ربنا ان ربنا يساعدها و نزلت دخلت المطبخ لقته متكركب اوى و الى بوظه كان آسر عمل كدا بعد ما طلعت
آسر بزعيق من برا :بسرررعه عايزة اكل
همس فى نفسها :منك للى اكلت دراع جوزها يا بعيد و قعدت تنضف بسرعه و عملت العشا و طلعته و آسر قعد
آسر :اكلك مش حلو اوى يعنى حاولى تحسنى نفسك شوية و كمل فى نفسه اية النفاق دة الاكل طعمه تحفه
همس :هبقى احاول
آسر :مفيش حاجة اسمها هبقى فى حاجة اسمها حاضر و نعم ولا اهلك معلموكيش تحترمى جوزك
همس :انا متربيه احسن منك
آسر قام مسك شعرها و شده :صوتك ميعلاش عليا و بعدين تربيه مين فاكرة انا انقذتك من اية ولا لا و فاكرة كلامك معاه قال تربيه قال و زقها
همس بدموع :والله هى قالت ليا انه كله بيرتبط و دة عادى و انا مخرجتش معاه خالص و المرة دى..
آسر قاطعها :و هى تقول و انتى فين دينك يا بتاعت الصلاه و الحجاب سيبك من الدين هبله علشان تصدقى اى حاجة تتقال
همس مردتش و طلعت على اوضه المكتب و قعدت تعيط و بعدها نضفتها
على الناحيه التانيه آسر مش عارف ينام مستنيها تخلص تنضيف بس اتاخرت اوى طلع لاقاها بتخش اوضه تانيه
آسر :انتى رايحة فين
همس :عملت كل إلى قولته هخش انام
آسر :مفيش نوم عندك النوم فى المكان إلى انا انام فيه يا هانم
همس بكسوف :بس
آسر :مفيش بس يالا ورايا
و دخلت و راحت نامت على الكنبه و هو سكت محبش يضغط عليها اكتر
...............
فى بيت همس
نجوى كانت بتعيط
محمود :طيب انتى دلوقتى بتعيطى ليه المفروض تفرحى و دى سنه الحياه
نجوى :البيت وحش من غيرها و بعدين دى بنتى
محمود حضنها :و دى بنتى انا كمان والله و بعدين اهدى علشان متتعبيش و يالا نامى
نجوى :انا فعلا تعبانه و عايزة انام و بصتله ودينى عندها بكرا
محمود و لأول من ساعه ما اتجوز ا انحنى و باس راسها كان شايفها اهانه ليه:حاضر نامى يالا
..................................................................................
فى صباح اليوم التالى همس صحيت و صلت و آسر كان لسه نايم نزلت حضرت الفطار و طلعت صحته علشان يفطر
آسر :سيبينى شوية
همس :طيب لو مش هتفطر قوم صلي
آسر :طيب اخرجى و انا هقوم خرجت و قام صحى و صلى و نزل لاقى الفطار جاهز قعدوا يفطروا سوا
آسر :أهلى و أهلى هيجوا العصر
همس :تمام
آسر :بعد ما تخلصى قومى اعملى باييا و كريمه كتالونيه و جازباتشو
همس :نعم اية دول
آسر و هو بيكتم ضحكته :دة اكل عايزه على الغدا
همس :بس انا معرفهوش
آسر ببرود ميخصنيش اه و على فكرة دة اكل اسبانى و قام و سابها
همس :ياربي انا نسيت اسمهم اصلا هروح ادور عليهم و أحاول أعملهم
.........................
-وقت العصر جم اهل همس و آسر
آسر :منورين والله يا جماعه
صفاء :بسم الله ماشاء الله همس جت اهى
نجوى راحت عليها حضنتها :وحشتينى اوى يا بنتى والله البيت من غيرك وحش
همس:والله حتى انتى وحشتينى و البيت مينفعش اجى ابات معاكوا انهاردة
الكل ضحك نجوى :يخيبك يا بنتى تيجى فين مش قبل شهر عايزة اشوف وشك اصلا
عمر راح حضنها :قلب اخوها إلى سايبه فراغ كبير
آسر بحنق :اية يا عم الحبيب ابعد عن مراتى
عمر بتصفير :اوعا الغيرة هههههه همس ضربته على كتفه
آسر :صح امال فين هنا مجتش ليه
محمد :قالت هتيجى بكرا هى و منار لهمس يقعدوا معاها شوية
آسر :تمام و قعدوا اتغدوا و مشيوا
آسر بعد ما مشيوا :مشوفتش الاكل إلى قولت عليه ليه
همس :نسيت اسمه و بعدين هو انا بعرف اعمل اكل مصرى لما اعمل اسبانى
آسر :طيب يا همس انا هكتب الاسامى فى ورقة و لو متعملش بكرا هتتعاقبى زى العيال يا حبيبتى
..................................................................................
فى صباح اليوم التالى همس صحيت و صحت آسر و فطروا و بعدها قعدت تفكر هتعمل الاكل ازاى و تدعى على آسر
همس راحت جابت الموبايل بتاعها و قعدت تدور على الطرق لحد ما لقت حاجة مناسبه و قعدت تعمله و خلصت و طلعته
آسر :امممم مش بطال يالا روحى نضفى الصاله على ما هنا تيجى
همس فى نفسها :طلع عين أهلى و فى الاخر مش بطال ميعجبوش العجب ولا الصيام فى رجب رجاله تجيب الهم و راحت تنضف و خلصت و هنا و منار جم خدتهم و دخلت اوضه و قدمت ليهم تشوكليتس و بيبسى و كيك و قعدوا
همس :ها يا بنات عاملين اية
منار :تمام و انتى
هنا :ماشى الحال اهو مبروك
همس :الله يبارك فيكى منورين
هنا و منار :بنورك و هنا آسر نده على همس
همس :بعد اذنكوا هروح اشوف آسر عايز اية و سابتهم
هنا :منار كنت عايزة أسألك على حاجة و جاوبى بصراحه
منار :قولى
هنا :انتى بتحبى عمر
منار بضحك :هههههه هموت انا بحبه و جدا انا و هو بنموت فى بعض
هنا بحزن :للدرجاتى
هنا منار مقدرش و قعدت تضحك جامد
هنا :بس يا سخيفة بطلى ضحك
منار :لا هموت ههههه انا و عمر اخوات و أصحاب يا بنتى
هنا :يا سلام و بوكس التشوكليت إلى جالك و انا عندك دة من مين دة من نفس المحل إلى جيبت منه
منار بتوتر:ها دة من واحدة صحبتى انتى مش عارفاها
هنا :تمام و بعد شوية همس جت و قعدوا يرغوا و بعدها البنات مشيوا
..................................................................................
فى بيت منار
منار :السلام عليكم
حسن :و عليكم السلام تعالى يا بنتى فى عريس جوا جاى ليكى و هو شاب محترم و انا موافق بس رايك مهم طبعا
منار فى نفسها :يارب لازم أرفض ما هو لو مش هو مينفعش اقبل اوووف طيب اعمل شيت
حسن :اية يا بنتى ساكته يالا علشان ندخل للراجل و خدها و دخل و اول ما دخلت اتصدمت منار فى سرها شيت و مقاليش انه جاى ليه
مجهول :طبعا يا عمى انا جاى اطلب ايد بنتك و لو هى موافقة هجيب أهلى و نيجى كلنا علشان نتفق على كل حاجة
حسن :تمام يا بنى هسيبكوا شوية اعمل شاى ليك و اجى
منار بصوت واطى :مقولتليش انك جاى ليه
مجهول :حبيت اعملها مفجأه ليكى و بعدين عجبك بوكس الشيكولاته و غمز ليها
منار :اسكت هنا كانت هتكشفنى
مجهول :بعد كدا ابقى قولى عادى انا بقيت خطيبك خلاص هههه
منار بنفى :لسه ممكن مقبلش عادى كدا
مجهول :وحياه امك
منار قعدت تضحك و حسن جه و اتفق انه هيجيب اهله بعد بكرا
..................................................................................
طبعا اكيد انتوا عرفتوا مين المجهول لو معرفتوش فأنا البارت الجاى ان شاء الله هعرفكوا مين 😂😉
متنسوش الفوت يا حلوين و ياريت تدعمونى برأيكم ❤️❤️❤️🔥