البحث عن الاحتواء (مكتمله)

الفصل الثامن

الفصل الثامن
فى فيلا الأنصارى
هنا فى التليفون :حبيبتى عامله اية
منار :تمام الحمد لله و انتى
هنا :تمام اهو فينك يا ندله مش كنتى هتكلمينى لما تروحى
منار :ما دى المفاجأة إلى انا هقولك عليها بس تدفعى كام الأول
هنا بفضول :انجزى بقى و هوديكى ماااك
منار بضحك :يادى الفضول إلى موديكى فى داهيه عموما يا ستى جالى عريييس و انا موافقة و انتى تعرفيه هههه و ودونى على بيت حبيبى نعيش مع بعض فيه هههه و هو الى جابلى بوكس التشوكليت لما سألتني
هنا بفرحه لصديقتها و حزن لانه عمر :حبيبتى الف مبرووووك و بعدين اعرفه مين دة
منار :مش هقولك مين بكرا تيجى علشان هيجيب اهله و هيجى تعالى بليييز محتاجاكى جنبى
هنا :خلاص تمام هجيلك و قفلت معاها و هى بتفكر انه اكيد عمر
........
فلااااااش باك
هنا كانت رايحه لمنار و قالت تعدى تجيب تشوكليت لمنار و اول ما دخلت شافت عمر
هنا فى نفسها :بيعمل اية هنا دة اوبااا دة بيجيب بوكس تشوكليت اممم جايبه لمين انا هروح اجيب علشان منار و فى نفس الوقت مش عايزاه يشوفنى
و راحت جابت التشوكليت و قبل ما تمشى بصت على عمر لاقته ماسك البوكس و بيكلم واحد و مديله ورقة مكتوب فيها حاجة مشيت بس مشافتش شكل الراجل لانه كان مديها ضهره و راحت لمنار
-فى بيت منار الباب كان بيخبط
منار :جايه اهو و فتحت لاقت هنا حضنتها :حبيبتى تعالى منورة عامله اية
الشخص :لو سمحتى حضرتك الانسه منار
منار :ايوا انا حضرتك مين و عايز اية
الشخص :حضرتك دة بوكس تشوكليت ليكى
منار :طيب تمام شكرا و خدته و دخلت هى و هنا إلى كانت مصدومه لانه نفس شكل البوكس إلى كان مع عمر
باااااااك
........................
-فى فيلا آسر
همس :آسر هو انا هروح الجامعه ولا انت هتخلينى مروحش تانى
آسر :لا طبعا هتروحى بس هعرف مواعيدك و هخلى حد يوديكى و يجيبك غير أن كل اخبارك بتوصلنى اصلا
همس بفرحه :هيييييه تمام شكرا اوى ربنا يخليك
آسر ضحك :كل دة علشان هتروحى الجامعه
همس بحزن :ايوا طبعا تعرف انا اصلا مكنتش عايزة ادخل تربيه بنات كنت عايزة بنات و كنت جايبه ٩٨٪ بس بابا منعنى و مقدرتش تمسك دموعها
فى هذه اللحظه لم يستطع آسر الا ان يحتضنها
آسر و هو بيطبطب على رأسها :حبيبتى اهدى مش يمكن دة الخير و انتى مش عارفة و ممكن لو كنتى دخلتى اعلام مكنتش قابلتك و اتجوزتك و بعدين الدنيا دروس لازم تتعلمى من كل درس الحياه بتديهولك
همس كانت هديت و مسمعتش من كل إلى اتقال دة غير كلمه حبيبتى
همس فى نفسها :انا حبيبته و دة من امتى دة متجوزنى عافيه و عارف إلى كان بينى انا و معتز
آسر :همس همس انتى نمتى
همس بكسوف بعدت عنه :ها لا اناااا... كنت ككنت اه بعيط
آسر ضحك بصوت عالى :طيب بطلى كسوف الأول هههههه
همس سابته و طلعت و هى مكسوفه
آسر فى نفسه :من اولها كدا بدأت الين فين انى هعلمها الادب الأول بس برضو هى مكنتش تعرف لان كان مقفول عليها جامد طيب و بعدين بس انا خلاص لقيتها امم هنفذ إلى فى دماغى و بعدها ابدا معاها صفحه جديده
اما عند همس
همس فى نفسها :انتى عبيطة يا بت متخليش قلبك يدق بطلى عبط دة متجوزك تحت التهديد و بيزلك اوعى يا همس تضعفى و تحبيه اوووووف اسكت بقى بطل تدق كتك القرف قلب عطلان
..................................................................................
فى صباح اليوم التالى
همس صحيت لقيت نفسها نايمه فى السرير مش على الكنبه
همس فى نفسها :طيب انا جيت هنا ازاى معقوله اكون بمشى و انا نايمه بس لا انا مش بمشى راحت مصوته مرة واحد شييييييت معقول أسر يكون هو شالنى و جابنى هنا
آسر من وراها :بطلى عبط و صويت على الصبح
همس بخضه :يخرب بيتك هتقطع خلفى
آسر بضحك :لا مش قادر انتى مسخرة ثم ايوة انا إلى جيبتك هنا و بعد كدا مفيش نوم على الكنبه و سابها و مشى
همس :لا بقولك اية هشتكيك فى حقوق المرأه اه و بعدين انا مش ست ضعيفة ايوة و قامت تشوف إلى وراها
.........................
منار بصوت عالى :يا خرااااابى الساعه بقت ٧ لا هموت هنا شكلى حلو هموت قلبى عاااا
هنا :بس يا كلب البحر انتى اهدى كدا و سكتت لان الباب كان بيخبط
منار و هى بتبلع ريقها :دة شكله جه يارب استر يارب هموت
هنا :شششش اهدى بقى
-على باب الشقة
حسن :يا الف اهلا وسهلا منورين اتفضلوا
مجهول :يزيد فضلك
و دخلوا قعدوا فى الصاله و حسن رحب بيهم
ابو العريس :امال فين العروسة بتاعتنا
حسن :ثوانى هقوم انادى ليها و راح يجيبها
منار :لا مش هخرج مش عايزة
حسن :يالا يا بت هنا هتيها و تعالوا يالا
هنا :حاضر يا عمو و التفتت لمنار يالا يا بت قدامى بدل ما اجيب المطوه و اغزك و خدتها و خرجوا و اول ما هنا شافت العريس اتصدمت و فرحت جدا و إلى كان هووو مااازن
ابو مازن الحاج اشرف :بسم الله ماشاء الله تبارك الخلاق
حسن :تعالى اقعدى جنبى يا بنتى
منار بكسوف :حاضر يا بابا
فاطمه :عرفت تختار يا مازن بسم الله ماشاء الله
مازن :طيب يا عمى انا عايز كتب كتاب مع الخطوبة على طول
اشرف :اتلم يا بنى فى حد جاى يطلب ايد عروسة يدخل على طول كدا
حسن بضحك :ههههه شكله مستعجل
اشرف :اه و على رأى المثل خير البر عاجله ها اية رايك يا حاج حسن
حسن :والله انا موافق بس رأى العروسة اهم و بص لمنار
منار بكسوف و هى باصه على الأرض :إلى تشوفه يا بابا
هنا أطلقت فاطمه زغروطة عاليه و الكل بارك لمنار و مازن و سابوهم شوية
مازن :مبروك يا احلى حاجة حصلتلى ربنا يباركلى فيكى
منار ساكته و مش بترد
مازن :لا ماتقوليش انك مكسوفه لا لا دة انهاردة نهايه العالم بقى
منار ساكته
مازن :انا قولت كدا برضو عجباكى اوى
منار ردت و هى لسه باصه على الأرض :هى اية
مازن :السجاده
منار ضحكت و تناست كسوفها:اه عجبانى اوى لدرجه انى اتفحت فى غسلها
مازن ضحك :هبقى اغسل معاكى بعدين
منار و كأنها تذكرت شئ :انت يالا هتغفلنى اطلع بالشكلييييته بتاعتى
مازن بصدمه :شكليته و يالا انتى مش كنتى مكسوفة يا بنتى
منار :انت لو مطلعتش بيها انا هرفض اتجوزك
مازن :لااااا اثبتى كدا و طلع الشيكولاته ليها خدى يا ستى
منار بفرحه :ايوا كدا احبك و انت مطيع زوج مطيع
مازن :لا متاخديش على كدا اول ما تدخلى بيتى هجوعك بسبب المصاريف إلى بتدفعيهالى دى
منار :بخيييل و هنا دخل اهل منار و مازن
مازن :طيب يا عمى انا بكرا هعدى اخدكم علشان ننقى الشبكه
حسن :تمام يا بنى و إلى فى الخير ربنا يقدمه و مشيوا اهل مازن
.........
هنا :بت يا منار يعنى بوكس التشوكليت دة كان من مازن
منار :ايوا امال انتى كنتى مفكرة مين
هنا :عمر
منار بضحك :هموت عمر صديقى و اخويا مش اكتر
هنا حكيت كل شئ لمنار ساعه لما راحت تجيب التشوكليت و شافت عمر و نفس البوكس
منار بضحك :اااااه فهمتك اصل بصى مازن كان معاه بس انتى اكيد مخدتش بالك لان عمر راح معاه علشان يجيب واحد لهمس قبل فرحها و كدا يبسطها
هنا بفرحه شديده :اههه تمام
منار بخبث :هى الصنارة غمزت ولا اية
هنا بتوتر :لا كنت بسأل عادى يعنى
منار بخبث و غمزتلها :طيب براحتك اما نشوف و قامت تغير و بعدها بشوية هنا مشيت و هى مبسوطة و فضلت هنا تفكر ازاى مخدتش بالها من مازن لما كان مع عمر مفيش غير تبرير واحد لما يكون الشخص إلى بتحبه موجود مبتشوفش غيره لانه و ببساطه واخد عقلك كله
.....................
فى فيلا آسر كانوا بيتعشوا
آسر على التليفون :ايييييييه انت بتقول اية
همس: فى اية
آسر :..............
همس اغمى عليها
آسر جرى عليها :همسسسسسسس
........................................................................
تفتكروا آسر كلم مين و همس اغمى عليها ليه؟؟
متنسوش الفوت يا حلوين ❤️🔥