البحث عن الاحتواء (مكتمله)

الفصل الثانى

الفصل الثانى
عدى شهر و هترجع الدراسة همس لسه مضايقة انها مش هتدخل اعلام
هنا مبسوطة و الفرحه مش سيعاها علشان هتدخل إدارة أعمال زى ما بتحلم
آسر فى أميركا بيكمل تعليمه فى كليه طب و آخر سنه ليه ندعيله
مادلين لسه مش عايزة تسيب آسر فى حاله و هو مطنش
رغد لسه زى ما هى و المشاكل إلى بين عيلتها مآثرة عليها و خصوصا انها بتفقد اخوها معتز و إلى كان الوحيد إلى حنين عليها
عمر بيدور على شغل علشان يبدأ يكون كيانه
.................................................................................
فى صباح يوم مشرق
نجوى:يالا يا همس انهاردة اول يوم جامعه مش معقول كل دة نوم
همس و هى بتفوق:مش عايزة اروح انهاردة
نجوى :قومى يا بت يالا بدل ما اخلى عمر هو يصحيكى
عند باب الغرفه
عمر:انا جيت اهو سمعت حد بينادى أسمى
نجوى:ياخويا كنت جيبت سيرة مليون جنيه ينفعوا احسن فوق اختك يالا و سابتهم و خرجت
عمر :يالا يا هموس علشان تروحى الجامعه
همس:مش عايزة اروح انتوا مداخلنى غصب و انا مش عايزة
عمر و هو يحتضنها:يالا يا حبيبتى محدش عارف الخير فين و بعدين يالا قومى علشان ميفوتكيش صلاه يالا
همس قامت و حضنته جامد:انت احسن فى اخ فى الدنيا كلها
همس قامت و صلت و فطرت و لبست فستان احمر ساده و عليه طرحه كحلى منقوشه و كوتشى و شنطة حكلى و كانت غايه فى الجمال
نجوى اول ما شافتها:بسم الله ما شاء الله عليكى يا حبيبتى
همس بغرور مصطنع:طول عمرى قمر اصلا
عمر :على يدى ايوا انا عارف
نجوى :يالا خد اختك وديها الجامعه يا عمر و بعدها روح مقابله شغلك
همس:اية دة عمر ازاى متقوليش انك نقدم على وظيفة
عمر باسف:والله يا همس نسيت و كان فى كذا حاجة فى دماغى
همس :ولا يهمك يا عمور
.................................................................................. عند هنا صحيت من النوم و لبست و كانت فى الطريق للجامعه
هنا اول ما دخلت فى نفسها :يا حلم باقى عليه خطوتين
كان فى شله شباب واقفة
ولد منهم:اية يا قمر هتفضلى واقفه كدا كتير ولا اية تعالى اعزمك على حاجة و أهو نفرفش سوا
هنا سابته و مشيت من غير ما ترد
"استووووب معتز الدمنهورى اخو رغد و هو شاب فاشل قاعد فى اخر سنه مش راضى يعدى و هو شاب حنطى البشرة ذو عيون سوداء تجذبك من اول مرة و شعر اسود ناعم و جسم رياضى و يطلق عليه لقب الدنجوان"
هنا و هى ماشيه :طيب اروح فين اممممم انا لازم اسأل حد او لا هكلم منار اشوفها فين هنا طلعت الموب و كلمت منار و بعد ثلاثه رنات
هنا:ايوا يا معزة بدماغ حمار
منار :اية يا بنتى مالك فى اية داخله بتقلك كدا ليه
هنا :انتى فين انا مش عارفة اروح فين تعالى يالا انا هقف عند باب الجامعه
منار :طيب اقفى علشان تعرفى انك من غيرى تضيعى
هنا باستهزاء :ايوا ايوا عارفة و بالنسبه للراجل بتاع المحل إلى مكنش راضى يرجع الهدوم علشان كان فيها عيب مين الى وقفله
منار :احنا هنهزر انتى اتصلتى بعمو و هو الى اتصرف
هنا :ايوا بس انا إلى اتصلت
منار:و انا إلى اقترحت و اقفلى يالا انا داخله على الجامعه اهو
قفلت هنا مع منار و بعدها بشوية لقت منار داخله
هنا و هى تحتضنها :وحشتينى يا جزمه
منار :انتى اكتر والله يا هنون
هنا و هى تبتعد :طيب يالا علشان نروح نشوف الجدول بتاعنا
منار :ماشى يالا نروح
"نسيبهم هم يروحوا يشوفوا جدولهم ناس مجتهده محدش بيروح اول اسبوع اصلا😂"
......................................................................….........
عند همس وصلها عمر الجامعه و مشى بدأت همس تدور على المكان إلى بتجيب منه جدولها و خدته بصت لاقت اول محاضرة بعد ساعه فراحت الكافتيريا همس قضت الساعه و بعدها راحت تدور تشوف فين القاعه إلى هياخدوا فيها المحاضرة و لقتها
همس قعدت فى مكان بعيد عن قدام و الزحمه لاقت بنت بتقعد جمبها
البنت:هاى انا رغد الدمنهورى زميلتك
همس بكسوف: اهلا رغد انا همس الهوارى
رغد:داخله هنا بمزاجك ولا زيي المجموع جابك هنا
همس: بمزاجى
رغد:ليه هو انتى جايبه كام اصلا
همس:٩٨٪
رغد :واو يعنى انتى دحيحه
همس بضحك :مش اوى يعنى
رغد:مش اوى اية امال لو كنتى دحيحه كنتى جيبتى اية
همس :كنت هجيب نفس المجموع
رغد بضحك:ههههههه دة اعتراف غير مباشر انك دحيحه
همس:اممم اعتبريه كدا
رغد:عندك اخوات؟
همس:اه اخ واحد أكبر منى اسمه عمر
رغد :عريس خلاص انا موافقة اتجوزه
همس بضحك خجول:لا هو مش عايز يتجوز دلوقتى
رغد :انا عندى اخويا معتز خديه لو عايزاه
همس باحراج :لا شكرا مش عايزة
رغد:طيب خلاص متتكسفيش كدا و تحمرى احنا خلاص بقينا صحاب هاتى رقمك
همس بكسوف اكبر و هى بتديها رقم امها:*******010
رغد :ماشى هرن عليكى سجلى رقمى
همس : الموب مش معايا اكتبى رقمك فى ورقة كتبت ليها رغد رقم تليفونها فى ورقة و بعدها سمعوا صوت بيتكلم و كان الدكتور
الدكتور :السلام عليكم ورحمة الله وبركاته
الطلبه:و عليكم السلام ورحمة الله وبركاته
الدكتور :انا الدكتور هادى غنيم إلى هدرسلكم المادة كان نفسى اقولكم نتعرف على واحد واحد بس بسم الله ماشاء الله عددكوا كبير عموما إلى هيدخل بعدى هيتطرد و إلى مش هيعمل الأبحاث إلى هقول عليها أثناء الترم أعمال السنه هتروح و كذلك للى هيدلع سواء فى المذاكرة او فى المحاضرة مفهوووووم
الطلبه :مفهوم يا دكتور
رغد بصوت واطى:دة باينه هيبقى مرار طافح
همس و هى بتحاول تكتم ضحكتها:بس اسكتى هنتطرد
الدكتور :انا مش هضيع وقت فى التعارف انا هبدا على طول فى المنهج و بدأ الدكتور يشرح و الطلبه منهم إلى منتبهه و منهم إلى نايم و بعد ٣ ساعات خلص الدكتور و خرجوا الطلبه
رغد :يااااه دى كانت محاضرة طويله اوى
همس: اه انا تعبت عايزة اروح انام
رغد: تمام ابقى اشوفك بعد بكرا بقى سلام
همس: سلام
..................................................................................
فى بيت همس
همس و هى داخله البيت :السلام عليكم ورحمة الله وبركاته
نجوى و عمر مع بعض:و عليكم السلام
نجوى :يالا يا همس خشى غيرى و تعالى علشان نحط الاكل و تاكلى
همس:حاضر يا ماما
همس دخلت غيرت و اتوضت و صلت
همس و هى خارجة: عمر عملت اية فى مقابله الشغل انهاردة
عمر :قالولى سيب ال cv بتاعك و احنا هنكلمك بكرا هروح اشوف شركه تانيه اقدم فيها
محمود و هو داخل البيت: لا متروحش انا اتوسطلك عند الراجل الى بشتغل معاه و هيشغلك فى شركته
عمر :اسم الشركه اية يا بابا
محمود :شركه الأنصارى يا بنى هو فى حد ميعرفهاش روح انت بس بكرا و هتتقبل
عمر :ماشى يا بابا يالا غير علشان نتغدى
-على السفرة
محمود :عملتى اية انهاردة فى الجامعه يا همس
همس: ولا حاجة حضرت محاضرة و جيبت جدول المواعيد و جيت
محمود بايماء :تمام ابقى ورينى الجدول علشان اعرف مواعيدك علشان لو اتاخرتى
همس:حاضر يا بابا
-خلصوا اكل و كل واحد دخل على أوضته
..................................................................................
على الناحيه التانيه فى فيلا الأنصارى
-على السفرة
محمد: حبيبه ابوها عملت اية انهاردة فى الجامعه
هنا باسته من خده و قعدت :روحنا جيبنا جدول المحاضرات انا و منار و قعدنا شوية فى الكافتيريا و حضرنا محاضرة و بكرا مفيش حاجة
محمد:ربنا معاكى يا حبيبتى
هنا:متعرفش يا بابا واحد اسمه معتز الدمنهورى
محمد :اه اعرفه ابن عز الدمنهورى ماله دة ولد فاشل و بتاع بنات ملكيش دعوة بيه
هنا بنفى :ولا اعرفه اصلا بس حاول يستظرف معايا سيبته و مشيت
محمد:ايوا كدا هى دى بنتى الجدعه قلب ابوها
هنا :طول عمرى يا قلب قلبك
صفاء:و انا مش قلبك ولا اية مكنش العشم يا بنت بطنى
هنا: اية دا اية دا صفصف بتغير ولا اية دة انتى الحب كله دة انتى فى الحته الشمال يا صفصف و بعتتلها بوسه فى الهوا
صفاء :ثبتينى يا بنت ابوكى ثبتى هو دة إلى فالحين فيه
هنا:هههههه البس يا معلم و سابتهم و قامت
محمد: قصدك اية بقى يا صفاء انا بثبتك
صفاء :انا قولت كدا خدت الكلام على نفسك ليه
محمد:بقى كدا صفصف و انا إلى كنت هاخدك يومين فى شرم فى اليخت بتاعنا
صفاء:حبيبى يا ابو آسر
❓يا حبيبى يا آمين 😂😂❓
محمد :دلوقتى بقيت حبيبك
صفاء :انت طول العمر حبيبى و ابنى و ابو عيالى و كل دنيتى
❓ملناش دعوة بجو العشق الممنوع دة نسيبهم براحتهم ❓
..................................................................................
-فى بيت رغد
رغد روحت ملقتش امها ولا ابوها قامت تكلم معتز بعد رنتين
رغد :معتز انت فين محدش فى البيت و انا مش عارفة اتغدا مع مين
معتز :انا مع صحابى كلى انتى دلوقتى و بالليل نتعشى سوا
رغد بزعل:براحتك يا معتز
معتز:خلاص بقى يا دودو مشغول دلوقتى بكرا هقضيه معاكى كله بعد الجامعه
رغد :وعد
معتز :وعد
قفلت رغد مع معتز
رغد بصوت عالى :داده كريييييمه
كريمه جت :ايوا يا انسه رغد
رغد :آنسه اية انتى الى مربيانى يا داده
كريمه :و لو العين متعلاش عن الحاجب
رغد: طيب براحتك انا جعانه و عايزة اتغدا حضريلى اكل
كريمه بايمائة :حاضر يا هانم
"استوووووووب كريمه رئيسة الخدم فى الفيله و هى إلى ربت رغد و معتز"
..................................................................................
فى أمريكا
آسر و هو بيتكلم :مازن فينك يا جدع عاش من شافك
مازن :فى الدنيا ياسطا ناوى ترجع امتى بقى
آسر :هانت فاضل سنه و هرجع اهو يا شبح
مازن:ربنا معاك يا صاحبى و ترجع و نرجع نخرج زى زمان
آسر: ان شاء الله يا صاحبى صحيح عامل اية مع سمر لسه بتكلمها
مازن بحزن: فكرتنى ليه بس لا مبقتش بكلمها ابوها خطبها غصب عنها لابن عمها
آسر بحزن على صديقه: خلاص انساها يا مازن و ان شاء الله ربنا يرزقك ببنت الحلال و محدش عارف الخير فين
مازن :عارف و مش معترض على أمر ربنا
آسر :و نعم بالله
مازن :طيب انا هقفل دلوقتى علشان مشغول سلام
آسر:سلام يا صاحبى
قفل آسر مع مازن و هو بيتنهد حزين على حال صاحبه
"استوووووووب مازن صاحب آسر من ايام الثانوى و كل اسرارهم مع بعض مازن بيحب سمر بنت خالته و لكن القدر لعب لعبته و بعدهم مازن يمتلك عيون رماديه جميله تشرد بها ما ان تقع عينك عليها و بشرة بيضاء و جسد رياضى و شعر بين النعومه و الخشونه لونه بنى و هو بيدرس إدارة أعمال"
..................................................................................
فى صباح اليوم التالى عمر ذهب لشركه الأنصارى
عمر :السلام عليكم
السكرتيرة: و عليكم السلام
عمر: كنت جاى اقدم على شغل و عايز اقابل البشمهندس محمد الانصارى
السكرتيرة : فى معاد سابق
عمر :اه حضرتك ممكن تقوليله عمر محمود الهوارى
السكرتيرة :تمام دقيقة واحدة و هاجى
-دخلت السكرتيرة للبشمهندس محمد و خرجت
السكرتيرة :حضرتك ممكن تتفضل
-دخل عمر للبشمهندس محمد
عمر :السلام عليكم ازى حضرتك يا فندم
محمد :عمر اذيك يا بنى عامل اية
عمر :بالف خير و صحه حضرتك عامل اية
محمد:نحمد الله ابوك كان قالى انك لسه متخرج و بتدور على شغل
عمر :ايوا حضرتك متخرج بامتياز الحمد لله
-عمر بيديله ال cv بتاعه
محمد:بسم الله ماشاء الله تمام يا بنى انت هتيجى من بكرا ان شاء الله و هتدرب مع البشمهندس مدحت دة من اكفأ المهندسين عندى و هو الى هيدربك
عمر بامتنان:شكرا جدا لحضرتك و ان شاء الله ابقى عند حسن ظن حضرتك
محمد :ان شاء الله يا ابنى
❓نسيبهم خمسه كدا ❓
على الناحيه التانيه عند هنا كانت رايحة الجامعه و طلعت مسيب الفلوس
هنا فى نفسها: طيب اعمل اية دلوقتى
هنا و توجهه كلامها للسواق ممكن لو سمحت تودينى شركه بابا
السواق :طبعا حضرتك اكيد
-و خدها عم إبراهيم "إلى هو السواق" على شركه محمد الأنصارى
-نزلت هنا و كانت داخله الشركه تليفونها رن فطلعته بتبص مين خبطت فى حد كان معدى و الحاجة إلى معاه وقعت الأرض
الشاب :انا اسف والله مكنش قصدى بس حضرتك إلى مكنتيش باصة على الطريق
هنا رفعت عيونها و فى اللحظه دى ثبتت العيون
عمر و هو تايهه فى زرقه عيون هنا معقول دى عيون واحده عايشه معانا على الكوكب دى ملاك جمالها شعرها عيونها اية دة معقول دى بنى ادمه
هنا فى نفسها :هو ماله بيبحلق كدا ليه بس عيونه جامده بصراحه
هنا :احم حضرتك كويس محتاج حاجة
عمر فاق من شروده:اه تمام اسف مرة تانيه
هنا :تمام و سابته و مشيت
عمر فى نفسه: كنت لسه هسالها على اسمها
عمر روح و دخل أوضته على طول تحت استغراب همس و نجوى
همس :هو ماله دة واخد فى وشه كدا ليه
نجوى:سيبيه دلوقتى راجع تعبان بكرا نبقى نشوفه ماله
..................................................................................
تفتكروا عمر هيشوف هنا تانى ولا القدر ليه رأى تانى؟؟
تفتكروا بكرا معتز فعلا هيقضى اليوم مع رغد؟؟؟
متنسوش الفوت يا حلوين ❤️🔥