البحث عن الاحتواء (مكتمله)

الفصل الرابع عشر و الاخير

الفصل الرابع عشر و الاخير
البحث عن الاحتواء
بقلمى//امنيه مصطفى
عدى اسبوع و عمر لسه قاعد معاهم على ما يشوف شقه ينقل فيها لانه مش هيقدر يقعد فى بيت ابوه و هو مش فيه ولا امه
همس بتحاول تتمالك نفسها علشان البيبى و مش عايزة تاخد مهدئات علشان غلط عليهو هى فى الشهر التانى و آسر بيساعدها و بيحاول يهون عليها
مازن و منار الأوضاع بينهم كويسه بس زعلانين على همس
هنا بتحاول تهون على عمر
..................................................................................
فى فيلا الأنصارى
همس :لسه مُصِر انك تمشى برضو يا عمر خليك معانا
عمر مسك ايد همس و طبطب عليها :مينفعش يا همس لازم أمشى و بعدين كمان يبقى لو قعدت فى بيت جوز اختى و انتى مترضيش ليا كدا
همس حضنته و دموعها نزلت :خلاص إلى يريحك بس ابقى اسأل عليا كتير احنا مبقاش لينا غير بعض
عمر :اكيد طبعا هسال عليكى دة انتى الى فى الحته الجوانيه يا بت
آسر بتلطيف للجو :متقولش لمراتى انتى فى الحته الجوانيه هى فى الحته الجوانيه عندى انا بس
عمر :لا بقى دى حبيبتى انت مالك يا رخم انت دى بتاعتى اصلا
آسر :و دى مراتى تخصنى
عمر :انا شوفتها قبل ما انت تشوفها عيشت معاها اكتر ما انت عيشت و طلع لسانه
آسر بخبث :بقى كدا طيب مفيش جواز من هنا
عمر زقله همس :خد مراتك اهى يا عم ها هنكمل الجوازة؟؟
آسر تلقى همس فى أحضانه
همس بصدمه :يا واطى بتبيع اختك علشان مراتك واطى مطمرش فيك العشرة اخس على دى أخوة اخس
هنا :جوزى حبيبى و بيحبنى الله
آسر :طيب خليه ينفعك بقى و خد همس و طلعوا فوق و هم بيضحكوا
هنا بصت لعمر :ما تخليك
عمر :مينفعش بس ما انا اكيد هبقى اجى اشوفكم
هنا :طيب خلى بالك من نفسك و ابقى طمنى عليك على طول
عمر :حاضر يا قلبى و حضنها
محمد :ابعد عن بنتى
عمر بصياح :لااا بقاااا دة انتوا مستقصدينى
محمد :اية مش عاجبك
عمر :لا عاجبنى يا عمى و بص فى ساعته معلش انا مضطر أمشى دلوقتى و سلم عليهم و مشى

فى بيت منار
مازن :طيب ما تخلينى اتجوزها كمان سنه بدل الاتنين
حسن :لا كدا احسن لو اتجوزت قبلها مش هتنفع
مازن بحزن طفولى و شكله يضحك :طيب ما انا عايز اتجوز
حسن :معلش يا بنى نصيبك و منار قاعده ماسكه نفسها بالعافيه و عايزة تضحك
مازن :والله شكلى هتخم فى الجوازة دى
منار بصوت عالى :ناااااعم يا عنياااااا بتقول اية يا حبيبي
مازن :بقول انك ست الكل و مفيش منك اتنين و ضحك ببلاهه
منار باستنكار :ايوة كدا رجاله تخاف متختشيش مش بيجوا غير بالصوت العالى
مازن قعد يرمش ببراءة و تثبيت
منار :اية عايز اية
مازن و هو بيرمش :انتى عارفة
منار بنفى :لا يعنى لا
حسن :هو عايز اية يا بنتى
منار :عايز نعيش فى العمارة إلى ابوه عايش فيها
حسن :طيب و اية المشكله يا بنتى
منار :يا بابا انا مش عايزة و ليا اسباب
حسن :طيب ما تقولى اية هم
منار :لا مش عايزة و بعدين ما هو عنده شقة تانيه و التانيه عجبانى
مازن :خلاص يا عمى سيبها براحتها
حسن :انتوا حريين اتفقوا سوا و شوفوا إلى يريحكوا
منار زفرت :خلاص براحتك
مازن بفرحه :خلاص هبدا اجهز فيها
منار :تمام
مازن :صدقينى القاعده هناك حلوة و هتعجبك
منار :اما نشوف
..................................................................................
بعد مرور شهر
همس بتصحى آسر
آسر بنعاس :اية فى اية يا همس
همس بصتله و بترمش
آسر :فى اية يا بنتى عايز انام
همس :انا عايزة رامبوتان
آسر :عايزة اية ياختى
همس بتكرار :رامبوتان
آسر :ايوا دة إلى هو اية
همس ببراءة :دة نوع فاكهه بس شكله اووووى
آسر مسح وشه و بايده :اه يا حبيبتى و دة عرفتيه منين الله يخرب بيت الوحم
همس :شوفته على النت دة فاكهه من تايلند
آسر :نامى يا همس ربنا يهديكى
همس بزعيق :يعنى اية يعنى مش هتجيبلى الرامبوتان
آسر:طيب انا هجيبها منين
همس :معرفش اتصرف
آسر :حاضر بكرة هبقى اطلبها ليكى و جه ينام لقى نفسه بيتزق و بيقع على الأرض
همس وقفتله على السرير :لما تبقى تطلبها ابقى تعالى نوم روح نام برا يالا
آسر بصدمه :انتى بتهزرى صح
همس :اوف كورس نوت يا بيبى برااااا
آسر قام وقف :ربنا على الظالم و المفترى يا شيخه و خرج راح ينام فى اوضه الضيوف و هى رجعت نامت