البحث عن الاحتواء (مكتمله)

الفصل الخامس

الفصل الخامس
همس حاولت تفوق مامتها بالمايه او البرفان مش راضيه تصحى و محمود و عمر مش بيردوا طلعت تنادى على حد من الجيران يجى يساعدها جه ابو سهى يساعدها و يودي مامتها المستشفى
-فى المستشفى
همس بصريخ: حد يلحقنا و يجى يشوف ماما مالها
الممرضه :الأول لازم نوديها الاوضه و الدكتور هيجى يكشف و دخلوا ام همس الآوضة و الدكتور جه كشف عليها و خد عينه علشان يعمل ليها تحاليل و بعد وقت
همس برجاء :طمنى يا دكتور ماما مالها قولى انها كويسه و قعدت تعيط
الدكتور باسف :للأسف يا بنتى والدتك عندها كانسر فى الكليه و فى مرحله متأخرة
همس اغمى عليها بعد ما سمعت الدكتور و حطوها فى اوضه جمب والدتها و ادوها حقنه مهدئه و خدوا التليفون بتاعها و اتصلوا بآخر رقم كانت مكلماه و الى هو ابوها و بعد وقت رد عليهم ابوها
محمود :فى اية يا همس كل شوية ترنى ترنى مشغول
الدكتور :حضرتك المريضة صاحبه التليفون فى المستشفى مغمى عليها و والدتها تعبانه برضو
محمود :بصدمه انت بتقول اية مستشفى اية ادينى العنوان بسرعه
الدكتور قاله العنوان و فى الوقت دة كان محمود بيوصل آسر و محمد الشركه
-فى العربيه
محمد :فى اية يا محمود حد من عيلتك حصله حاجة
محمود :مراتى و بنتى فى المستشفى
محمد باسف :لا اله الا الله طيب اطلع على المستشفى يالا
محمود :طيب و انت هتروح الشركه ازاى
محمد بطيب خاطر :شركه اية يا راجل يا طيب اطلع يالا خلينا نطمن على بنتك و مراتك
-محمد و محمود و آسر وصلوا المستشفى و سألوا فى الاستقبال
و عرفوا مكان اوضه نجوى و همس و راحوا
محمود لممرضه :فين الدكتور عايز افهم مراتى و بنتى فيهم اية
الممرضه :اهدى يا فندم حالا هنادى للدكتور
الدكتور :اتفضل يا فندم معايا فى المكتب و انا هفهم حضرتك
محمود :تمام
-فى المكتب
الدكتور :البنوته اغمى عليها مش اكتر بعد ما عرفت والدتها مالها
محمود :الحمد لله و مراتى مالها بقى
الدكتور باسف :عندها كانسر فى الكليه اخر مرحله
محمود عينه دمعت:يعنى مفيش علاج أو حاجة نفدى نعملها ليها
الدكتور :للأسف لا مفيش
محمود استأذن و راح يشوف مراته و شاف محمد فى الطريق
محمد:الدكتور قالك اية
محمود :مراتى عندها كانسر فى الكليه اخر مرحله و البنت اغمى عليها لما عرفت
محمد:لا اله الا الله حكمه ربنا
محمود :انا مش معترض على قضاء ربنا الحمد لله و دخل الاوضه عند مراته شافها نايمه لا حول ليها ولا قوة
محمود مسك ايدها و باسها و عينه مدمعه:كدا يا نجوى عايزة تسيبينى هونت عليكى دة انااا.. انا حتى لسه مقولتلكيش انى بحبك اوى عمرى ما قولتها ليكى لكن والله بحبك بلاش تسيبينى هعمل اية من غيرك انا قومى و انا هغير معاملتى و هبقى زى ما انتى عايزة يا حبيبتى

-برا فى طرقة المستشفى
آسر :مش خلاص بقى يا بابا يالا نروح
محمد بصله بصه خرسته:انت عبيط محمود دة عشره عمر مقدرش اتخلى عنه وقت ما يحتاجنى هو سواق اه لكن من زمان و هو معايا دة زى اخويا
......................
بعد فترة صحيت همس و صرخت محمود راح ليها جرى و معاه محمد و آسر
محمود :اهدى يا بنتى ان شاء الله هتبقى كويسه اهدى لازم نقوى علشانها
همس بعياط :مش قادرة يا بابا دى امى أغلى حاجة فى حياتى اللهم لا اعتراض يا رب
محمد :اهدى يا بنتى مينفعش عياطك دة مش هيحل حاجة المفروض انتى الى هتصبرى مامتك
همس :هحاول ان شاء الله
آسر كان حاسس بحزن عليها و ميعرفش ليه مكنش مستحمل يشوف دموعها
محمد:طيب احنا هنستاذن بقى يا محمود و ان شاء الله هنيجى ليك بكرا
محمود :اتفضل يا محمد معلش تعبتك معايا
محمد :انت بتقول اية انت زى اخويا يا محمود دة كفايه العشرة
محمود :كتر خيرك مع السلامه
و مشيوا محمد و آسر و راح محمود و همس قعدوا فى اوضه نجوى و عمر عرف و راح المستشفى ليهم و حاول يصبر اخته و يصبر نفسه
..................................................................................
فى صباح اليوم التالى فى فيلا الأنصارى
محمد بصوت عالى :يالا يا آسر علشان نروح المستشفى يا بنى
هنا :هتروحوا ليه يا بابا
محمد :عمك محمود السواق بتاعى مراته و بنته همس كانوا فى المستشفى امبارح
هنا :الف سلامه عليهم بس ثانيه واحدة يا بابا هى اسمها همس محمود الهوارى
محمد :ايوا يا بنتى انتى عارفه اسمها ازاى
هنا بسرعه :دى معايا فى الجامعه انا هقوم البس و اجى معاكوا
محمد :طيب بسرعه يالا
و مشيوا راحوا محمد و آسر و هنا المستشفى
...................
فى المستشفى
محمد خبط و دخلوا : السلام عليكم
الجميع :و عليكم السلام ورحمة الله وبركاته
محمد :عامله اية يا مدام نجوى
نجوى بصوت مرهق :الحمد لله بخير
محمد :و انتى يا همس عامله اية انهاردة
همس :الحمد لله يا عمو
-عند عمر بص لهنا بصدمه و بعض الفرح لأنه شافها اما هنا كانت عارفة انها هتشوفه و مع ذلك كان فى عينها لمعه فرحه
-عند آسر كان مبسوط انه شايف همس كويسه احسن من امبارح و حاسس ان فى حاجة بتشدوا ليها اما همس فكانت مش مركزة معاه اصلا
محمود :اذيك يا هنا يا بنتى انتى و آسر
الاتنين :الحمد لله
محمود لأسر :حمدلله على السلامه يا آسر اخيرا جيت
آسر :اهو نزلت علشان اساعد بابا فى شغله
محمود :اهو احسن من الغربة و قعدوا شوية و بعدها مشيوا
..................................................................................
فى فيلا الأنصارى بعد ما روحوا
-فى اوضه آسر
آسر فى التليفون  : ايوا عايزك تجيبلى كل المعلومات عنها بتكلم مين أخلاقها كل حاجة فى خلال ٤٨ ساعه
الشخص :تمام يا فندم اعتبره حصل
آسر فى نفسه بعد ما قفل :اما نشوف هتطلعى بريئة زى ما ظاهر على وشك ولا لا و راح ينام
..........
-فى اوضه هنا
هنا فى نفسها :اوف بقى اطلع من رأسى مش فاهمه اية دة عايزة انام و بعد وقت نامت
..................................................................................
-فى المستشفى بعد ما محمد و اهله مشيوا خرجت همس و راحت اوضه فاضيه و اتصلت على معتز
معتز بغضب:اهلا بالهانم إلى مش بترد ولا بتفكر تتصل اصلا و كأن مفيش حد فى حياتها
همس بعياط :والله يا معتز انا فى المستشفى بقالى يومين علشان كدا مش عارفة اكلمك
معتز بخضه :مالك فيكى حاجة حصل اية
همس :ماما تعبانه عندها كانسر فى الكليه يا معتز انا من غيرها ولا حاجة دة هى إلى بتعوض مكان بابا هعمل اي انا
معتز بمواساه :و انا روحت فين ما انا معاكى هو و بعدين ان شاء الله تتحسن
همس :يارب تتحسن فعلا لانى هموت من غيرها
معتز :بعد الشر عليكي يا قلبى
همس بكسوف و عياط :ربنا يخليك
معتز :طيب انا هقفل و وقت ما تعرفى تكلمينى ابقى كلمينى يا حبيبتى
همس :تمام باى
..................................................................................
فى صباح اليوم التالى فى المستشفى الدكتور كتب ليهم على خروج و قالهم ان جلسات الكيماوي مش هتفيد غير انها هتتالم و خلاص و فعلا روحوا تحت استغرابهم من تغير معامله محمود لنجوى
.............
و عدى يومين بدون جديد
-فى شركه الأنصارى فى مكتب آسر
آسر :ادخل يا جاسر
جاسر :تمام يا فندم جيبت كل المعلومات عنها اسمها همس محمود الهوارى.... سنه اولى تربيه بنات... ليها صديقه واحدة اسمها رغد الدمنهورى... و هى شخصيه مش اجتماعيه ابوها كان قافل عليها و دة عامل ليها عقده و هو أكبر مشكله و وجع فى حياتها فمش بتعرف تميز بين معدن الناس اى حد ممكن يضحك عليها و دة إلى حصل فرغد اقنعت همس تكلم اخوها معتز الدمنهورى و هو معروف عنه انه اسمه الدنجوان و هى حاليا بتكلمه و مرتبطين و بتكلمه كتير دة الى عرفته من شركه الاتصالات... أما فى حارتهم معروف عنها أنها على اخلاق و دين عالى و بتحافظ على صلاتها دايما
آسر :تمام أمشى انت دلوقتى بقى و كمل بغموض وعين حد يراقبها و يدخل لو حصل حاجة و كمل فى نفسه لسه هعرف عنك اية تانى و راح يكمل شغله
..................................................................................
-عدى اسبوع و فاضل يوم واحد على عيد ميلاد هنا
-فى بيت همس
همس :مش هينفع والله ازاى اعمل كدا مينفعش
رغد بخبث :بصى انتى قولى لمامتك انك هتطلعى عند جارتك و تنزلى و انا هرجعك بعد ساعه متبقيش رخمه بقى يا همس
همس بتوتر :صدقينى مينفعش اعمل كدا من ورا أهلى و بعدين انا مش عندى فستان و كمان هعمل اية فى الميك اب
رغد بخبث :انا هجيب ليكى فستان و انا هعملك ميك اب انجزى بقى
همس :هى ساعه واحدة بس تمام
رغد :تمام اشطا
....................................
فى صباح اليوم رغد اتصلت على همس تصحيها و تقولها تجهز زى ما اتفقوا و هى هتعدى عليها على الساعه ٦ المغرب
و فى فيلا الأنصارى التجهيزات شغاله علشان عيد ميلاد هنا اخر النهار
.............
-الساعه ٥ و نص همس قالت لأمها انها هتروح لسهى و هتسهر معاها شوية
همس :مش هتاخر والله يا ماما قبل ٨ هكون هنا علشان زهقانه والله
نجوى:طيب يا بنتى روحى فكى عن نفسك شوية
همس :تمام يا احلى ام و قامت تجهز و بدل ما تطلع عند سهى نزلت و لاقت عربية مستنياها عند أول الشارع بس بعيد شوية راحت و ركبتها
همس :السلام عليكم
رغد و شخص :و عليكم السلام
همس بصدمه :اية دة معتز
معتز بضحكه :ايوا وحشتينى اوى كان نفسى اشوفك
همس بصت لرغد بلوم
رغد:هيوصلنا و هيمشى و قبلها هيودينا محل نجيب فستان ليكى
همس بايماء :تمام
و راحوا محل و اشتروا فستان كشمير غايه فى الجمال و كانت همس قمر اوى لدرجة ان رغد مضايقة ان جمال همس يفوقها و راحوا فيلا الأنصارى علشان عيد ميلاد هنااااا
................
-فى فيلا الأنصارى دخلوا الفيلا و كان فى ناس كتير و هنا اول لما شافتهم راحت ليهم
هنا بفرحه :حبايبى نورتونى
همس و هى تحضنها :بنورك يا قمر كل سنه و انتى طيبه
هنا: و انتى طيبه يا حب
رغد :دى هديه منى انا و همس ليكى كل سنه و انتى طيبه يا حبيبى
هنا :و انتى طيبه مكنش له لزوم تعبتوا نفسكوا ليه
رغد :تعب اية بس دى حاجة بسيطة
و بعدوا وقفوا همس و معتز و رغد على جنب وقفوا يتكلموا و يهزروا مع ان رغد كانت قالت إن معتز مش هيجى بس طبعا مش هيقدر يضيع فرصة زى دى و كل تحت نظراااات آسر
..................
-عند آسر راح لمحمد و خده المكتب و قاله بابا اتصل اطمن على عمو محمود السواق أصله مجاش انهاردة
محمد :و دة وقته يا بنى
آسر :معلش يا بابا اتصل اطمن و اسأل على عياله و كدا
محمد :ماشى لما نشوف اخرتك و راح يكلم محمود تحت نظرات آسر الغامضه
محمد :السلام عليكم اذيك. يا محمود
محمود :تمام الحمد لله يا محمد باشا
محمد :اخبار مراتك و بنتك اية
محمود :كويسين الحمد لله بالف خير
محمد :الحمد لله هتيجى الشغل بكرا
محمود :ان شاء الله هاجى بكرا
محمد :خلاص تمام و قفل
اسر :ها يا بابا طمنى عاملين ايه
محمد :تمام الحمد لله كلهم كويسين و راح خرج
آسر فى نفسه :تبقى جايه من ورا اهلك ما ابوكى سألناه عنك قال تمام كان المفروض يقول ما هى عندكم فى عيد ميلاد بنتك بس تمام يا همس و خرج برا و راح شد همس من ايدها و دخل بيها احد اوض الفيلا
همس :فى اية يا استاذ آسر
آسر بصوت مكتوم :مسمعش ليكى نفس جايه من ورا اهلك يا زباله
همس بصدمه :و انتت... انت عرفت منين و استجمعت ببعض الشجاعه ثم انت مالك اصلا
آسر :و ليكى عين تتكلمى كمان اتصل على ابوكى اقوله دلوقتى انك جايه من غير ما تعرفيه لا و كمان مع معتز يا هانم يا محترمه
همس بدموع :لا والنبى والله هى رغد قالتلى هنيجى ساعه و هرجع مش هكررها تانى ارجوك
آسر :تبعدى عن معتز و رغد خالص والا هقول لابوكى على عمايلك
همس باطاعه :حاضر حاضر
آسر :هتروحى مع السواق بتاعى فاهمه
همس :حاضر بس هقول لرغد الأول
آسر :لا هتطلعى من هنا على بيتك يا محترمه و خرجها و روحها البيت و راح هو لرغد و معتز
آسر لرغد و معتز :ابعدوا عن همس احسن ليكم و انتوا عارفين انا ممكن اعمل فيكم اية انتوا و ابوكوا
رغد و معتز بخوف فهو آسر الانصارى:حاضر
و هنا ازداد كره رغد لهمس اكتر فلماذا الجميع مهتم بها
................
اما عن همس روحت و دخلت على طول اوضتها و كان الحظ حليف ليها ملقتش حد فى الصاله و قعدت تعيط بسبب اسلوب آسر معاها و تهديده و نامت من كتر العياط
اما عن آسر فهو يعلم أن همس بريئة ولا تعرف ان رغد ليست صديقتها  و لا تتمنى لها الخير حتى
اما رغد و معتز فكانوا يشتعلون من الغيط بسبب اسلوب آسر معاهم
هنا كانت بتتمنى عمر يجى بس هو هيعرف منين اصلا
عمر كان نفسه يشوف هنا جدا بس مش عارف
.........................
و عدى اسبوع على الايام دى و جاء يوم السبت الى هيكون بيحمل أحداث كتيرة
...............
فى صباح يوم السبت
همس بقلق و تكاد تبكى فى التليفون :اية مالك طيب فهمينى مالك.............
..................................................................................
تفتكروا هيحصل اية يوم السبت و مين بيكلم همس؟؟؟
تفتكروا رغد و معتز هيبعدوا عن همس؟؟ و لو مبعدوش آسر هيسكت ؟؟؟
متنسوش الفوت و ياريت تدعمونى برأيكم ❤️❤️❤️🔥