البحث عن الاحتواء (مكتمله)

الفصل الأول

الفصل الأول:
فى فصل الصيف الشمس ساطعه و الجو شديد الحرارة و فى أحد الأحياء الشعبيه...
نجوى و هى تدخل غرفه ابنتها:قومى يا همس قومى يا بنتى الساعه بقت ١٢ الضهر و انهاردة نتيجتك هتطلع مش فاهمه دة شكل واحده انهاردة النتيجة بتاعتها هتطلع قومى يا بت
همس:يووووه يا ماما بقى سيبينى انام شوية و بعدين انا ذاكرت و عملت إلى عليا الله سيبونى فى حالى ياناااااس
نجوى:انا هطلع لو خرجت و ملقتكيش ورايا فى خلال ١٠ دقايق هخلى ابو زنوبة يصبح عليكى
و خرجت والدتها و تركتها
همس و هى على سريرها :ياربي مش عارفة اعمل اية بس فى العيله دى حتى النوم مش متهنيه عليه اروح اشتكيهم فى محكمه الأسرة ولا اعمل اية اما اقوم
و قامت همس راحت تتوضى علشان تصلى و تشوف النتيجة بتاعتها
"استوووووووب همس محمود الهوارى و امها نجوى نزلت عنهم فى تعريف الشخصيات و الباقى هيبان من خلال الأحداث همس فى أدبى و طموحها تدخل اعلام ادعولها تجيبها
ابو زنوبة بقى دة سلاح كل ام مصريه إلى هو طبعا الشبشب😂"
نجوى من المطبخ: روحى يا همس صحى اخوكى علشان تفطروا ما انا مش هقعد احضر لكل واحد فطاره
همس كانت بتصلى خلصت و قالت لأمها حاضر و راحت على اوضه اخوها
فى الاوضة
همس و هى بيتهز عمر :عمر مورى عمورى قوم يالا علشان نفطر و تجيب ليا النتيجة
عمر نايم و مش بيرد
همس :لا مبدهاش بقى راحت جمب ودنه عمرررررر انت يا زفتتتتت
عمر بخضه:اية فى اية حد مات حد حصله حاجة
همس: لا ياخويا قوم يالا علشان نفطر و تروح تجيبلى النتيجة
عمر :يا بنت ال...... رمى عليها المخده و هى طلعت تجرى
بعد شوية عمر خرج و راح لمامته باس راسها
عمر:صباح الخير يا ست الكل
نجوى :يسعد صباحك يا حبيبى يالا اتوضى و روح صلى على ما احط الفطار على الطربيزة
عمر راح و صلى و خرج و قعدوا على الطربيزة
عمر :هو بابا فين مش هيفطر معانا
نجوى : ما انت عارف يا حبيبى ابوك بيصحى بدرى و يفطر و ينزل يروح شغله
عمر :ربنا معاه و انتى يا همس يالا علشان اجيب النتيجة بتاعتك
همس :انا كنت صاحيه عادى مش عارفة ابتديت اتوتر ليه
نجوى :ابوك بيقولك لما تجيب النتيجة اتصل ابقى طمنه
عمر :حاضر يا امى عمر و هو يوجهه كلامه لهمس انتى عملتى إلى عليكى متقلقيش ربنا مش بيضيع تعب حد
همس:ربنا يستر
خلصوا فطار و قاموا شالوا الاكل و راحت همس مع عمر علشان يجيبوا النتيجة
"ابو همس مكنش راضى يجيب ليها تليفون علشان متتلهيش عن مذاكرتها بيه كانت لما بتعوز حاجة بتاخد تليفون امها او اخوها"
عمر خد رقم الجلوس و راح يجيب النتيجة و همس على اعصابها
عمر بصوت عالى :يا ماما الحقى تعالى شوفى بنتك الهانم جايبه اييييه
همس:عمر جيبت اية ورينى كدا عمر انا على اعصابى و مش مستحمله لو طلعت بتهزر هنفخك
نجوى جت و بصوت عالى :اتهدى يا بت بقى و بصت لعمر ها يا عمر يا بنى طمنى
عمر:بنتك الهانم الهانم
نجوى و همس بصوت واحد :ما تخلصصصصص
عمر ببراءة : احم ولا حاجة جابت ٩٨٪ بس
همس نطت عليه :يا حيوان و ساكت خوفتنى والله لوريك و نزلت تشوف حاجة تضربه بيها و عمر طلع يجرى و هى وراه بابو زنوبة بتاع امها
نجوى بتدعى :ربنا يخليكم ليا و تفضلوا على طول بصحه
عمر كلم ابوه و قاله على النتيجة و همس كانت قاعده جمب عمر مستنيه يديها ابوها علشان يباركلها و لكن إلى حصل
على التليفون
محمود:ماشى يا بنى انا هقفل و لما اجى نبقى نشوف
عمر بحزن على حزن اخته:ماشى يا بابا إلى يريحك
قفل عمر التليفون و همس راحت الاوضه
همس فى نفسها :هو امتى يارب يحبنى و يعاملنى زى كل الابهات امتى يا رب انا تعبت بس انا عارفة انك مش بتنسى حد بكرا يجى إلى يعوضنى
    ..............................................................................
على الناحيه التانيه فى أحد الأحياء الراقيه فيلا فى الشيخ زايد و هى فيله الأنصارى
عااااااااااااااا يا بابا الحق هدخل الكليه إلى عايزاها طب ازغرط ولا اعمل اية  قولولى اعمل اية اعمل كدا ولا كدا
طبعا دى كانت الهبلة هنا إلى كانت بتلحن و بترقص و عامله فرح علشان هتحقق حلمها
محمد :اقعدى يا هبله معرفش انتى طالعه هبله كدا لمين
هنا و هى بتترمى فى حضن محمد ابوها
محمد :الف مبروك يا حبيبه ابوكى عقبال التخرج
هنا باسته من خده :ربنا يخليك ليا يا احلى اب فى الدنيا كلها هروح اكلم آسر اطمنه و اقوله بقى
محمد :روحى يا بنتى
بعد ما هنا مشيت صفاء خرجت من المطبخ
صفاء:فى اية يا محمد البت هنا مالها كانت بتصرخ ليه
محمد:ولا حاجة هبله و بتصرخ علشان النتيجة طلعت و هتحقق إلى بتتمناه
صفاء بفرحه :بجد يا محمد الف مبروك ولادنا طلعوا زى ما كنا عايزين يا محمد
محمد :بس انتى مالك بتحلوى جامد كدا ليه
صفاء بكسوف :بس بقى يا محمد احنا كبرنا
محمد :كبرنا اية بس انا لسه بشبابى اهو مش بعيد اتجوز تانى
صفاء بغضب:علشان اقتلك انت و هى فى نفس اليوم و الساعه و ذات اللحظه
محمد بضحك:ههههه فى نفس اليوم و الساعه و ذات اللحظه يا مفتريه دلوقتى انا عرفت البت هنا طالعه هبله لمين
صفاء :قصدك اية يا محمد
محمد بضحك :الحدق يفهم و ضحك و قام راح مكتبه و صفاء راحت المطبخ
"صفاء دكتورة فى الجامعه بس سابتها من سنه مع انها بتشتغل و على مستوى معيشه عالى الا انها بتهتم بعيالها جدا و هى إلى بتطبخ ليهم"
عند هنا بتتصل على آسر
هنا :آسوره حبيب قلبى واحشنى اوى
آسر:حبيبه قلبى و انتى كمان وحشتينى اوى عامله اية و بابا عامل اية
هنا :احنا كويسين يا شبح عيب عليك وراك رجاله
آسر :انتى بتتعلمى الكلام دة منين نفسى افهم و بعدين تعالى هنا عملتى اية فى النتيجة
هنا:عيب عليك يا برنس دة انا هنا و الأجر على الله
آسر :حبيبه قلب اخوها طلعالى ها يا ستى اطلبى بقى هديه نجاحك علشان اجيبها ليكى
هنا: عايزة شيكولاته و شيبسى و اندومى و بيبسى و ايفون ١١ و لابتوب و ياريت شوية لبس من زوقك كدا و
آسر :بسسسسس اية كل دة قاعد ع بنك انا قولت هديه مش هدايا
هنا بزعل مصطنع :و تهون عليك حبيبتك مكنش العشم بعد ما خدتنى لحم ترمينى عضم طيب و ابنك إلى فى بطنى
آسر بضحك :ههههههه يا بنتى انتى مش هتعقلى ابدا
هنا :ابدا ابدا
آسر :طيب يا هنا هقفل دلوقتى علشان عندى محاضرة بعدين هكلمك تانى
هنا :ماشى يا حبيبى خلى بالك من نفسك سلام
آسر :و انتى كمان يا قلبى سلام
؟؟ ربنا يوعدنى باخ زى دة😂😂؟؟
..................................................................................
فى امريكا عند أسر
خلص مكالمه مع اخته و قام يلبس و راح الجامعه و طبعا معاه عربيه حراسه بأوامر من والده محمد الأنصارى
أسر و هو داخل الجامعه نشوف فى واحدة جايه عليه من بعيد طبعا الحوار بالانجيلزى بس انا هنزله مترجم
البنت :أسر حبيبى انت وصلت
أسر :كذا مرة اقولك انا مش حبيبك ولا هكون ولا عايز اكون انتى مش بتفهمى
البنت :بس انا بحبك آسر انا بعشقك مش بحبك بس ليه بتعمل معايا كدا
آسر :هو دة إلى عندى و سابها مشى
"استووووب مادلين بنت فى الجامعه بتحب آسر بس هو لا و هى مش راضيه تسيبه عيونها خضرا و شعرها اصفر و بيضه جميله جدا يعنى بس طبعا متحرره"
مادلين فى نفسها :بكرا اخليك تحبنى يا آسر و مش هسمح لأى واحدة تاخدك منى انت ليا انا و بس
..................................................................................
فى بيت همس
محمود رجع البيت
نجوى من المطبخ :همس تعالى اغسلى شوية المواعين دول
همس من الاوضة :حاضر جايه اهو و قامت همس و هى رايحة لمامتها قابلت باباها فى الصاله
همس :حمدلله على السلامه يا بابا
محمود:الله يسلمك روحى يالا يختى ساعدى امك بدل ما انتى قاعده كدا
همس بحزن من معامله ابوها: حاضر يا بابا و سابته و راحت المطبخ
و بعد شوية حطوا الاكل على الطربيزة و كان عمر رجع من برا كان مع واحد صاحبه
عمر:بابا مش هتبارك لهمس
محمود بلا مبالاه:على اية
عمر:علشان جابت ٩٨٪ و هتدخل اعلام زى ما هى عايزة
محمود:اولا لو كانت جابت اقل كنت قطمت رقبتها بعد المصاريف دى و بعدين هى وراها اية غير المذاكرة ثانيا مين قال إنها هتدخل اعلام اصلا
همس بصدمه:يعنى اية يا بابا
محمود و هو بياكل:يعنى هتخشى تربيه بنات بس غير كدا اقعدى فى البيت
همس بدموع:بس انا عايزة ادخل اعلام و ذاكرت و جيبت أعلى حاجة
محمود بزعيق:يعنى هتعلى على كلمتى انا قولت كلمه و هتتنفذ و خبط على الطربيزة و قام
همس بعياط:ماما و النبى حاولى تقنعيه علشان خاطرى دة حلمى يا ماما
نجوى:هحاول حاضر يا حبيبتى و قامت وسابتهم و راحت ورا محمد
عمر قام خد همس فى حضنه :هشششش محدش عارف الخير فين يا حبيبتى ربنا قال"و عسى أن تكرهوا شيئا و هو خيرا لكم"
همس بعياط :هو ليه بيعمل كدا هو مش بيحبنى يا عمر
عمر:مفيش اب مش بيحب عياله يا هبله بس هو اكيد ليه وجهه نظر انتى يالا قومى اتوضى و صلى لربنا و هو هيهدى قلبك
قامت همس و راحت تتوضى و هى بتصلى
همس:يارب يارب انا تعبت مش عارفة هو ليه بيعاملنى كدا انا بسمع كلامه و بنفذ كل حاجة يا رب انا بقيت بخاف منه اوى حتى لما بيبقى قدامى اعصابى و جسمى بيبدأ يرتعش يارب انا تعبت ريحنى او ابعت حد يريحنى من الى انا فيه بس انا عارفة ان اكيد انت هتعوضنى و قعدت تقول "يمهل ولا يهمل"
عند نجوى و محمود
نجوى:يا محمود سيبها تخش إلى هى عاوزاه حرام بعد ما تعبت تدخل تربيه سيبها تدخل اعلام
محمود:بلاش انتى تدخلى فى الموضوع دة علشان هتخسرى و هتحصل بينا مشكله
نجوى بحزن على معامله جوزها ليها :طيب ليه فهمنى ليه
محمود:هو دة إلى عندى انا حر و دى بنتى ملكى انا
نجوى: احنا اتخلقنا احرار يا محمود بس هى غلطتى علشان اتجوزتك
محمود ضربها بالقلم :بعد كل السنين دى و بعد كل إلى عملته علشانكم باكلم و بشربكم و بلبسكم عايزين اية تانى
نجوى :الدنيا مش اكل و لبس و شرب بس فى حاجات كتير اهم من كدا حاول تفوق
قبل ما كل حاجة تضيع منك يا محمود و سابته و خرجت
قعد محمود على السرير
محمود فى نفسه: مفيش حاجة هتضيع منى و بعدين كويس انى ضربتها بالقلم علشان متتفرعنش و بعدين البت همس لازم اكسرلها ضلع ايوا اكسر للبت ضلع يطلعلها اربعه و عشرين
نجوى فى الصاله
نجوى فى نفسها :بعد العمر دة كله يا محمود مش عارفة انت هتفوق امتى هتضيعنا كلنا و قامت تصلى
..................................................................................
فى بيت فى أحد الأحياء الراقيه
عز:انتى يا هانم هتفضلى مقضياها خروج و سايبه بيتك كدا
جميله:و انت مالك ناقصك حاجة ناقص البيت حاجة لما يبقى ينقص ابقى اتكلم
عز:نقصه اهتمام انتى عارفة بنتك فين يا هانم ولا بتروح فين و هتعرفى منين ما انتى طول اليوم برا و بترجعى تنامى او تهتمى بنفسك و سايبه بنتك و بيتك و جوزك و ابنك
جميله :يوووووووه دى بقيت عيشه تطهق و بعدين كل صحابى فى النادى كدا انا مش خلقه عن الناس و شوحت بايدها و سابته و طلعت و هو خرج و رزع الباب جامد وراه
فى اوضه من اوض الفيله نشوف بنت واقفه ورا الباب دموعها نازله و حاطه ايدها على ودانها :بس بقى بس انا تعبت انتوا مش هتبطلوا خناق انا فين من دة كله و قعدت تعيط
و بعد شوية مسحت دموعها و قالت بصوت غريب ما بين البكاء و الضحك:انا هعرفكم
"استوووووووووووووب البنت إلى بتضحك كانت هى رغد ايوا هى إلى هتصاحب همس عيلتها سايبنها بتخرج و تدخل براحتها و هى فاقده الاهتمام الأسرى ابوها عز الدمنهورى صاحب شركه عز للتصدير والدتها جميله المحمدى و هى من عيله راقيه كل إلى يهمها انها تبقى سيده مجتمع اول و طول اليوم خروج و بس"
..................................................................................
بعد مرور الايام قبل الجامعه بشهر خرجت هنا مع صاحبتها تشترى هدوم جديده للجامعه (منال-فريده-منار) ايوا هى منار إلى هتعرف همس 😂✋🏻
" نسيبنا منهم دلوقتى يشتروا هدوم"
.................................................................................
عند بيت همس
همس كانت عايزة تقول لابوها انها عايزة تشترى هدوم بس مش عارفة فى الوقت دة نزلو سهى جارتهم عندها و دى تعتبر صديقة همس الوحيده
سهى:همس اذيك اخيرا هندخل الجامعه تعالى اما اوريكى اللبس إلى جيبته
همس:سهى عامله اية وحشتينى كتير تعالى ورينى
قعدت سهى توريها اللبس و همس فرحانه لصاحبتها بس فى نفس الوقت هى كمان عايزة تشترى
سهى:ها اية رايك
همس :تحفه زوقك يجنن يا سهى
سهى بغرور مصطنع:طبعا طول عمرى اصلا
همس:هههههه
سهى :طيب انا همشى دلوقتى علشان اروح اشوف ماما علشان متأخرش
همس:يا بنتى اصبرى اتغدى معانا
سهى:لا ياختى انا هروح انام باى
همس:باى
بعد ما سهى مشيت الكل قعد يتغدى
همس: بابا عايزة اشترى هدوم علشان الجامعه
محمود :انتى عندك هو كتر مصاريف مش هنجيب حاجة
همس بحزن:بابا اخر مرة جيبت لبس من العيد و انا داخله جامعه و محتاجه لبس كتير
محمود :ليه رايحه تستعرضى كفايه إلى عندك بلا فشخرة كدابه
همس بدموع :ماشى يا بابا
و بعد شوية خرج محمود نزل القهوة مع صحابه و خرج عمر
و بعد ٥ ساعات رجع عمر
عمر :همس حبيبتى هموس تعالى عايزك
همس و هى خارجة من الاوضه :نعم يا قلب همس
عمر و هو بيديها أكياس
همس :اية دة يا عمر
عمر :دى هدوم علشان الجامعه يا قلب عمر
همس حضنته :ربنا يخليك ليا كلفت نفسك ليه
عمر ضربها على دماغها :انتى هبله ولا عندك خال اهبل
همس بضحك: ليه
عمر:هو فى بين الأخوات شكر
همس حضنته: ربنا يخليك ليا يا مورى
نجوى من المطبخ :همسسسسس
همس من الصاله :يا قلبهاااااا
نجوى :روحى اغسلى المواعين إلى فى الحوض
همس :حاضر يا ماما
و راحت همس لمت المواعين و بعد شوية ابوها جه
محمود :همس حضريلى العشاء يالا
همس:حاضر يا بابا
حضرت الاكل لابوها و دخلوا ناموا
..................................................................................
تفتكروا اية الى هيحصل لما همس تروح الجامعه هل هتخرج من قيود ابوها شوية؟؟
متنسوش الفوت يا حلوين ❤️❤️
مستنيه آرائكم ❤️🔥