ترياق الحب ..... للكاتبه "آلاء عصمت" ((قيد التعديل))

💙الفصل الثانى💙

بمنزل جميلة .....

هاشم (والد جميلة): هى فين جميلة يا سناء.

سناء بتوتر: جـ... جميلة عند... عند يارا.

هاشم: طب اتصلى بيها وخليها تيجى هى ويارا.

سناء: لا لا اصل اختى تعبانه ويارا مش هتعرف تسيبها وجميلة راحت عشان تطمن على خالتها وتساعد يارا.

هاشم: يعنى انتى اختك تعبانه... وقاعدة هنا... غريبه.

سناء: لا غربيه ولا حاجه... ماهى اصل جميلة اصرت انها تروح و......

بترت جملتها عندما سمعت طرق الباب......

سناء بصوت مرتفع: ايوة مين.

يارا من الخارج: انا يا خالتو.

فتحت سناء الباب مسرعة ووقفت مع يارا فى الخارج......

يارا بتعجب: فى ايه يا خالتو.

سناء: مفيش... بس معلش يا يارا مش هينفع تدخلى اصل قولت لابو جميلة ان.... وقصت عليها ما قالته لهاشم وانا خايفه ليعرف ان جميلة بتدور على شغل.

هاشم من خلفها: بقه هى بنتك راحت عشان تشتغل صح.

التفتت سناء بفزع وارتعبت يارا من معرفه هاشم......

سناء: شـ... شغل ايه بس ده... ده....

هاشم بحزم: خلاص ولا كلمة.... لحد ما ترجع بنتك تكونى جهزتى الشنط.

سناء: شنط.... ليه!!!

هاشم وهو يستدير ويعود للداخل مجددا: هنروح نعيش مع اخويا.

قال جملته التى وقعت كالصاعقه على سناء ويارا واختفى من امامهم.......

سناء: يالهوى... اعمل ايه.

يارا: انا خايفه على جميلة.... ديه استحاله توافق.

سناء برجاء: استر يارب.... يارب.

♕بقلمى / آلاء عصمت♕
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بقصر الصياد.......

نجد تلك المرأه الثلاثينيه تجلس بكل غرور وعجرفه... وكيف لا وهى فريدة الصياد زوجة رجل الاعمال الشهير رأفت الصياد......

فريدة بأمر للخادمه: روحى اعمليلى النسكافيه بتاعى.

الخادمه بطاعة: حاضر يا هانم.

وانصرفت الخادمه فى نفس وقت هبوط تلك الفتاة من الاعلى.....

مريم بصياح: رشــــا يــــا رشــــا.

رشا (الخادمه): امرك يا مريم هانم.

مريم: مبلاش هانم ديه يا رشروش... اقولك... خلى هانم ديه لفريدة هانم... هى بتحب الالقاب ديه.

_: اه.. وياريت تخلى بيه ديه... لحمزة بيه... هو بيحب الالقاب ديه برضو.

تطلعت مريم خلفها... لتهتف بسعادة: انــــــس.