ترياق الحب ..... للكاتبه "آلاء عصمت" ((قيد التعديل))

♥الفصل الاول ♥

فى احد الاحياء الشعبيه.....

جميلة بصوت مرتفع وهى تحكم ربط حجابها: انا نازله يا ماما عايزة حاجه اجبهالك معايا.

سناء (الام): عايزاكى تيجى قبل ما ابوكى يجى يا جميلة، انتى عارفه لو عرف انك نازله تدورى على شغل هيعمل ايه.

جميلة: ماتقلقيش يا سوسو....مش هيعرف حاجه وبعدين هو انا لسه لقيت حاجه.....ادعيلى انتى بس.

سناء: بدعيلك يا حبيبتى ربنا معاكى.

هبطت جميلة من تلك البنايه القديمه التى تقطن بها وسارت بالشارع.....!!

يارا: جميلة بت يا جميلة.

جميلة: يارا ! ايه اللى منزلك دلوقتى....وبتعملى ايه.

يارا: ابدا يا ختى......رايحه اجيب عيش من الفرن وفطار......وانتى نازله بدرى كده ليه.

جميلة: هكون رايحه فين يعنى......ما زي كل يوم رايحه ادور على شغل.

يارا: ربنا معاكى يا جميله......وتلاقى ان شاء الله.

جميلة: ربنا يسمع منك.

وغادرت جميله من المنطقه تماما !!!!!

☆بقلمى / آلاء عصمت☆
~.~.~.~.~.~.~.~.~.~.~.~.~.~.~.~.~.~.~.~.~.~.
بأحد الاحياء الراقيه.......

كان يختبئ كعادته خلف نافذة شرفته لكى يتمكن من رؤيتها من دون ان تلاحظ.......

زينه: مش هتبطل شغل الحراميه ده يا مازن.

مازن بفزع: الله يخربيتك انتى بتطلعى منين.

زينه: بطلع من السقف يا مازن.

مازن: عايزة ايه يا زينه....عامله زي عملى الاسود ليه.

زينه: انت بتسأل.....يا مازن مينفعش اللى انت بتعمله ده....لو اكتشفت هتكرهك وتستحقرك كمان....بطل يا مازن الحركات ديه.

جلس مازن على المقعد بتعب: بحبها يا زينه وهى ولا شيفانى ولا هتشوفنى.

جلست زينه بجوارة بهدوء: مين قال كده.....ليه تحكم من قبل ما تجرب وتشوف بنفسك مش يمكن هى كمان بتحبك.

مازن بسخريه: وهتحبنى ليه بقه ان شاء الله.....هى دكتورة....اما انا بقه ايه....حتت مطرب ولسه كمان مُبتدء وملقتش شغل.

زينه بغضب: انت ليه مستهزى بنفسك كده... انت دارس ادارة عمال ومعتمد على نفسك مش على عيلتك....قررت تبنى نفسك بالحاجه اللى بتحبها...ايه بقه الغلط فى كده....ليه حاطط دايما فروق قدام عنيك.....كلمها يا مازن وصارحها وقولها اللى جواك ولو ليك نصيب معاها يبقى هتبقوا لبعض.. وتركته وغادرت....

عاد من ذكرياته على تلك الدمعه الهاربه من عينيه...

مازن وهو يتأمل شرفتها: ياريتنى ما كنت صارحتها ولا قولتلها....على الاقل كنت بقدر اشوفها ولو حتى من بعيد....اما دلوقتى فمش عارف مكانها فين...