ترياق الحب ..... للكاتبه "آلاء عصمت" ((قيد التعديل))

💚الفصل الخامس💚

هيا قلبى... يمكنك الحياة الان
بعدما استعدت نبض الروح والوجدان
وذهبت بطريق فيه العشق والروح يلتقيان
ليُسطر التاريخ انشودة العاشقان
لنحيا بروحٍ واحدة... ولكن فى جسدان
#آلاء عصمت
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

مر يومان على تلك الاحداث... ليصادف اليوم حدث مميز... لم يغفل عنه النصف الاخر!!

بالحى الشعبى.....

انتهت يارا من استعدادها للذهاب الى ابنه خالتها "جميلة"

يارا: يلا يا ماما انا رايحه دلوقتى..

سميه: ماشى يا يارا... وابقى سليميلى على جميلة... وقوليلها كل سنه وهى طيبه..

يارا: يعنى مكنش ينفع تيجى معايا يا ماما!! انتى عارفه جميله بتحبنا كلنا نحضر عيد ميلادها..

سميه: لا مش هينفع السنه دى... روحى انتى بس ووصللها هديتى..

قبلت يارا وجينتها: حاضر يا ماما... يلا سلام..

وذهبت بطريقها... لتلتقى بنصفها الاخر بعد كل هذا الفراق؟؟!

*بقلمى / آلاء عصمت*
♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬♬
بالقصر....

مريم بغناء وصوت مرتفع: عيد ميلااااد الليله ميين دبدوبه التخينه ♪♪

جذبها حمزة بقوة وهو يضع يده على فمها: اخرسى يا بلوة انتى... هو ده السر واللى مش هتقوللها!!

ابعدت مريم يده بقوة: مالك يا عم مُعقد كده ليه... وبعدين سر ايه؟! ديه مصر كلها عارفه ان واكملت بصوت مرتفع عــيــد مــيــلاد جـمـيـلـه انهااااااردة..

كمم حمزة فمها مجددا وهو يجذبها من شعرها: اقسم بالله لو ما اتخرستى لهخرسك انا يا مريم ساااامعه 😡

تلوت مريم بين يداه بألم... حتى ابعد يده عن فمها ولكنه مازال ممسك بشعرها... فقالت بألم: خلاص خلاص يا حمزة... والله ما هنطق تااانى... اااااااااااه يااااا ناااااااس... يا حمزة خلاص سيب شعرى... الهى تتجوز جميله يارب..

تركها حمزة بإشمئزاز: طريقه بياعة الخضار ديه متستخدميهاش تانى معايا... فااااهمه..

اردفت مريم بحنق وهى تبتعد عنه: حاضر يا خويا وتتمتمت بصوت منخفض صدقت جميله لما قالت عليك طاووس... ده انا متهيألى اننا بنغلط فى الطاووس كده... بس صبرك عليا يا حمزة... اما رزعتك مقلب يبوظ كل اللى بتخططله مبقاش انا مريم الصياد وهتشوف 😈

وذهبت وهى تتوعد له برد الصاع صاعين....

*بقلمى / آلاء عصمت*
♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦♦

كانت واقفه بحديقه القصر وقد لاحظت حركه غريبه بالقصر اليوم... بالاضافه انه لم يُعيدها احد بعيد مولدها... هل يمكن ان يكونوا قد نسوا يوم ميلادها؟؟! هل يمكن ان يكون قد نساه؟؟! احزنتها هذه الخاطرة كثيرا وخصوصا انهما لم يلتقيا بعد اول يوم جاءت فيه للقصر... تنهدت جميله بتعب... فإن كان حمزة قد نسى يوم مولدها... ولكن ابواها!! هل نسوه ايضا؟؟... حسنا... يوجد شئ غامض حيال هذا الموضوع!!