ف الصعيد امام قصر العيساوي تقف سياره وتخرج منها فتاه ذات شعر بني يصل الي كتفيها وعيون واسعه زرقاء تميل الي الرمادي وذات بشره بيضاء وشفاه عريضه ورديه
وتدخل الي القصر وتجد طفل ف سن الرابعه من العمر يركض نحوها
ياسين: مامي جت مامي جت هيييه
شمس واحتضنت الولد: اتوحشتني جوى جوى
ياسين: وانتي اتوحشتيني جوى يا مامى
قاطعتهم هدير (زوجه احمد العم الاصغر لشمس) : واه واه شوفوا الكلام المايع ديه ، ايه مامى دي
شمس بضحك: كيفك يا مرات عمي اتوحشتك جوى
هدير واحتضنتها: وانتى كمان يا شمس ليه اتأخرتي اكده ف مصر
شمس: كان في دورات تدريب الاسبوع ديه ف المستشفى فأضريت اجعود اسبوع كمان، انا جولت لچدى
هدير: ربنا يوفجك وتبجى ضاكتور كد الدنيا
ياسين مقاطع: مامى مامى كلمى چدى عاينادم عليكي
هدير: واه يا واد انا امك، عاتجولها هيا امي
ياسين ركد مسرع وهو يضحك
هدير: ليه يا شمس علمتيه الكلام المايع بتاع المصريين ديه
شمس: مامى بجت كلاام ههه يالا نشوف چدى
__________________
عدنان الجد: واه يا شمس سنه لحد ماتاجي
شمس: معلش يا چدى كنت بسلم على مرات عمى (واحتضنته) كيفك يا عمى احمد وانت يا عمي سعيد
سعيد: انا زين يا شمس حمد الله بالسلامه
احمد: حمد الله بالسلامه يا شموسه
شمس: الله يسلمكم، امال فين عامر اخوي اتوحشته جوى
عدنان: سافر امبارح مصر
شمس: ماستناش لما اجى الاول
عدنان: عايجولك غصب عنيه
سعيد: اطلعي ارتاحي من السفر وبعد اكده انزلي عشان تتعشي
شمس بحزن: حاضر
(وصعدت ودخلت الي غرفة عامر ونامت)
احمد: متعلجه جوى بعامر
عدنان: بجا كل حاچه عنديها بعد وفاة ابوها وامها
سعيد: الله يرحمهم، انا هروح الشركه يا بوى وكمان المصانع
احمد: وانا هروح اشوف الأراضي والمحاصيل كيفها اليوم
سعيد: لا الحمد لله المواد الخام بتوصل للمصانع بكمية كويسه
_______ف الليل_______
عدنان: اي يا فاطمه انتي وهدير فين الوكل
فاطمه زوجة سعيد العم الاكبر ولديهم ليليان ونورا وبلال: خلاص اهو يا بوى الوكل جهز
عدنان: نورا اطلعي صحي شمس عشان الوكل
نورا: واه هيا شمس چت (صعدت بسرعه)
فاطمه: ماعرفاشي انتوا بتدلعوا البت دي ليه وفيها ايه لما تجعد ف البيت تتعلم حاچه تنفعها بدل ماكل شويه تسافر مصر ويعالم بتعمل ايه هنيك
عدنان بزعيق: هاتعمل ايه يعني يا فاطمه
سعيد: تاني بتفتحي الموضوع ديه يا فاطمة
احمد: دي وصية نصري الله يرحمه
فاطمه: ماعرفاشي ليه وصي ان بته تكمل علامها
شمس مقاطعه: وحتى لو ابوى ماكانش وصاكوا انى اكمل علامى انا كنت هاكمله يا مرات عمي وماحدش لية صالح
فاطمه: واه واه شوفوا بت ليله بترد عليا كييف، زين ماربيتي يا ليله
شمس: انا امى ربتني احسن تربيه
عدنان بزعيق فزع الكل: بااس عاتتعاركوا جدامي ولا ايييه
هدير: خلاص يا بوى مش هتتكرر يالا نچهز السفر يا شمس
(واخذتها معها الي المطبخ ونورا وليليان)
هدير: مش اكدة يا شمس مش كل مرة تشوفوا بعض تتعاركوا اكدة
ليليان: عشان هيا جليلت الادب وبترد على الي اكبر منيها
شمس: ليليان ماكيش صالح بيا عاد عشان مازعلكيش
نورا: خلاص يا ليليان مش انتي وامي
هدير: ربناد يهديكم، يالا ساعدوني انا وسعديه نرص الوكل علي السفره
شمس سلمت على سعديه (الخادمه) وجهزوا السفره
______ تاني يوم ف القاهره_______
سهيلة: اي يا سارا الوقعان ده
سارا: هو انا كنت باينه اوى كده
زينب: كان ناقص تحضنيه وتبوسيه كمان
سارا: طب وانا اعمل اي وحشني
زينب: يبنتي ده صعيدي
سارا: وماله يعني
زينب: الصعايده بيعتبروا الستات عندهم جواري ده لو حصل واتجوزك هايخليكي تغسليله رجله ويعاملك زى الخدامه
سارا: عامر متحضر
زينب: معانا هنا لكن ف الصعيد بيتعامل زي اهله والناس الي هناك
سارا: انا بحبه
سهيله: طب اسكتوا عشان جايين علينا
****
سهيله بإبتسامه: ازيك يا حازم
سارا بهمس: انا برضوا الي واقعه
حازم: انا كويس الحمد لله
ادهم: طب بالنسبه لأدهم وعامر مالهمش نفس
زينب: يالا المحاضره هتبدأ
حازم: يبنتي اهدي شويه وبطلي شغل العيال الدحيحه ده
عامر: وماله شغل العيال الدحيحه معلش
حازم: مش للدرجة بتاعتك انت وزينب دي
ادهم: ناس وخايفين ع مستقبلهم مش زيك
(بعد المحاضره)
ادهم: واحنا هانجيب أرض ونشتغل عليها منين
حازم: من اي حته يا ادهم لو ع الفلوس ياعم ادفعلك
ادهم: يلا ده انا اغرقك فلوس
زينب: بطلوا هزار احنا السته اشتراكنا ف المشروع ومش مستعده اخسره
عامر: هو رهان يا زينب عمتا الارض عندي
ادهم: نعم انت عايزنا نروح الصعيد، انا مستحيل اروح بلد الفلاحين دي وكمان نقعد اسبوع وياترا بقا في اوتيل هناك
عامر: بلد الفلاحين دي لو روحتها مش هاتبقا عايز ترجع منها وبالإضافه هتروحوا اوتيل ليه وبيتي موجود
سارا بفرحه: انا موافقه
زينب: لا طبعا مستحيل مش هعرف انام ف مكان كده واكيد في حشرات كتير
سهيله: هما يا عامر ممكن يخلونا نحلب البقر هناك
عامر ضحك بشده
حازم: يا جدعان ماتحبكوهاش هو اسبوع، بص يا عامر موافقين بكره هانسافر وماحدش يفتح بوقه وانتي يازينب مش عايزه تنجحي يا حبيبتي هو ده الحل الوحيد وانت يا ادهم احنا مش رايحيين نجبلك عروسه يا حبيبي
عامر: صدقوني هاتحبوا المكان
زينب: تؤ يووووه طيب موافقه
عامر: وانت يا ادهم
ادهم: مش عارف هاطوعكوا ازاي بس ماشي
____________
ف غرفة عامر
نورا: انتي مش هتنزلي بجا
شمس: لع مانزلاشى عشان لو نزلت هاتعارك مع امك وانا مش ناجصه
نورا: ماتزعلش من امي يا شمس هيا مش متعوده علي اكده وماتربش ع اكده سامحيها هيا طيبه صدقيني
شمس: امك طول عمرها بتكرهني وبتكره امي
نورا: ماتجوليش اكده امي بتحبك
شمس: واضح
________تحت_________
عدنان: يا فاطمه يا هدير
فاطمه: نعم يا بوى
هدير: اي يا بوى
عدنان: جهزوا اوض الضيوف عامر جاى بكرا ومعاه ضيوف
هدير: هما كام يا بوى
عدنان: خمسه
فاطمه: هو ده الي كان ناجص يجيب لينا بتوع مصر المايعيين اهنيه
سعيد: فاطمه كفايه اكده
فاطمه: انا اتكلمت
هدير: يالا يا خايتي نجول للخدم يسعدونا ونجهز الإوض
_______بعد ساعات________
ف اسطبل كبير بجانب القصر تقف شمس وتلاعب حصان لونه ابيض
شمس: اتوحشتك جوي يا شهد
الفرس تداعبها وهي تضحك وفجأه جاء حصان اسود اللون من ورأئها وصهل بصوت عالي
شمس: هيييي خضتني يا شاهين اكيد انت كمان وحشني جوي واقتربت منه وضمت وجهه الطويل وثم صعدت فوقه
شمس: هانسيبك انتي دلوجت يا شهد ترتاحي
وخرجت بالحصان ليركض بها وتتعامل معه بإحترافيه
______تاني يوم_______
نورا: اي التجهيزات دي كلها والوكل ديه كله
هدير: ف ضيوف جايين مع عامر، هيا فين شمس
ليليان: خرچت وشايله ايدها من كل حاچه
نورا: بس يا ليليان، شمس يا مرات عمي خرجت تتطمن علي شهد عشان ممكن ف اي وقت تولد
____________
شمس: صباح الخير يا شهد
شهد بتصهل
شمس: ايه لحجت اتوحشتك اكده
بلال مقاطع: مش هاتبطلي تكلمي فيهم زي المچانين اكده
شمس: ازيك يا بلال
بلال وقف بجانبها: انا زين وانتي
شمس: يعني اتوحشني عامر جوى
بلال: ربنا يديمكوا انا بجد ماشوفتش اخوات اكده
شمس: ماشوفتكش امبارح
بلال: كنت سهران ف الشركه
شمس: ليه
بلال: الشغل كان كتير جوي فاضريت ابات هنيك
شمس: ربنا يوفجك
____________
امام القصر تقف سياره كبيره ويخرج منها عامر ومعه الباقين
حازم: احنا من شويه كنا معديين من قدام الصعيد دلوقتي اي الي جابنا باريس
سارا: مش مصدقه، انت يا عامر ساكن هنا
ادهم: بصراحه اتخيلته مختلف عن كده بكتير مش مصدق ان فى مبنى زى ده ف الصعيد
زينب: يالا ندخل
حازم: مش خايفه من الحشرات يا زينب
عامر: اي يا جماعه الرغي ده يالا زمانهم مستنيين
وقابلهم بعض الغفر وأخذوا الحقائب منهم
ف الداخل
زينب: واااو مش معقول كمية الفخامه دي
حازم: انا حبيت المكان السبع نجوم ده
جاء ياسين يركض علي عامر : بابي باابي
وهذه الكلمه نزلت كالصاعقه على سارا وسهيله وزينب نظروا لها بحزن
جاءت هدير وفاطمه
هدير: وااه يا ياسيين
عامر: كيفك يا مرات عمي واحتضنها ومن ثم فاطمه
فاطمه بضيق: اهلا بالضيوف
الكل: اهلا
هدير بإبتسامه: اتفضلوا اتفضلوا ارتاحوا اكيد تعبانين من السفر
ودخلو وجلسوا وجاء لهم عدنان
عامر وقف واحتضنه
عدنان: كيف كان السفر معاكوا
حازم: كويس اوي يا اونكل
عدنان: جولي يا جدي
حازم بإستغراب: جدي
عامر اتسعت عيناه لحازم
حازم: ااه حاضر يا جدي
عامر: ده حازم يا چدي وده ادهم و....الخ
عدنان: اهلا بيكم نورتونا
ياسين مقاطع: ديه نوري انى
الكل: هههه
عامر: ياسين فين شمس
ياسين: مامى ف الاسطبل
عامر: انا هروح اسلم عليها وهرجعلكوا
عدنان: اتوحشتك جوي اكده
عامر: جوي جوي
وخرج
سارا كانت تنظر الي الارض وتحاول منع دموعها من الهبوط
عدنان بصوت عالي نسبيا: سعديه يا سعديه
سعديه مسرعه: نعم يا عدنان بيه
عدنان: خدي الضيوف علي اوضهم يرتاحوا
___________
ف غرفة سارا تجلس معها سهيله وزينب
سارا بدموع: طلع متجوز
سهيله: اهدي يا سارا عشان خاطري
سارا بعياط: ماقالش انه متجوز
زينب: وهو امتى اتكلم عن حياته الشخصيه يا سارا فوقى عامر ماينفعكيش
سارا بدموع: انا حبيته اوي، ا انا اول مره احب حد كده
سهيله احتضنتها: ارجوكي كفايا بكره هاتلاقي الي احسن منه
سارا بعياط هستيري: مافيش احسن من عامر
زينب: خلاص طيب بلاش تضعفي كده انا طول عمري اعرف انك قويه يا سارا
سارا: سيبوني لوحدي شويه
سهيله: يا حبيبتي بلاش تعملي كده
سارا: بقولكوا سيبوني
_______ف الاسطبل________
عامر: شمس
شمس: عااامر انت چيب
وركضت نحوه مسرعه واحتضنته بشده وشوق
عامر: اكده يا شمس اسبوعين ماشوفكيش
شمس: غصب عني والله يا خوي
عامر: اتوحشتك جوي
وضمها بشده وشوق
بلال مقاطع: بكفياكوا اكده
شمس: وانت مالك انت بتدخل ليه
بلال: ههه بجالكوا ساعه حضنين بعض ماكنوش اسبوعين غبتيهم
عامر: عدوا عليا كإنهم سنين
بلال: ربنا يخليكوا لبعض
_______بعد ساعات________
ع السفره الكل اتجمع عدا سارا وعامر وشمس وبلال
عدنان: امال فين عامر وشمس
عامر وشمس مقاطعين: احنا اهو يا چدي
الكل نظر بإتجاه الصوت
حازم: فووو دي شمس ولا قمر
سهيله: عجبتك يا حازم
حازم: يابن المحظوظه يا عامر
ادهم نظر الي شمس وتسمر في مكانه ينظر الي جمالها الذي سحره ولا يعلم ماذا حدث له ولماذا قلبه يخفق بشده هكذا
شمس: اهلا بيكوا انا شمس
الكل: اهلا بيكي يا شمس
عامر: امال فين سارا
عدنان: سعديه اطلعي اندهيها بسرعه
وثم لاحظ ادهم الذي كان ينظر الي شمس وفمه مفتوح نسبيا
عدنان: احم
ادهم نظر الي عدنان
عدنان: في حاجه يا ادهم
ادهم: اا لا لا خالص
والكل جلس ونزلت سارا وكان يبدوا عليها البكاء
عامر: مالك ياسارا
سارا: احم لا م مافيش بس عيني اتطرفت
عامر: سلامتك
احمد: عامر كلمني والارض هتكون جاهزه بكره تشتغلوا عليها
زينب: شكرا ليك
سعيد: امال فين ..
بلال مقاطع: انا اهو
اهلا بالضيوف
زينب نظرت له وبصوت خافت: هيا العيله دي كلها مزز كده ليه
____________
سارا: ااااه
فاطمه: في ايه عاتصرخى اكده ليه
زينب: مالك يا سارا
سارا بدموع: بطني بتتقطع
سهيله: من اي بس
فاطمه: واه ايه المياعه دي عاتعلي صوتك اكده عشان بطنك بتوجعك
سارا: مش قادره
نورا: ثواني هنادم علي شمس تشوفك هيا ضاكتوره
سارا بدموع: ااااه
****
شمس: في اييه
هدير: ماعرفش بتجول ان بطنها بتوجعها
شمس: انتى حامل؟
سهيله: لا هيا مش متجوزه اصلا
فاطمه بصدمه: يلاهوي عملتي الرزيله
ليليان: هما بتوع مصر اكده ياما
شمس: بس بجا في ايه اى الى بتجولوه ديه
(بحنان لسارا)
تعالي معايا
وساعدتها وصعدت بها الي الغرفة الخاصه بها(بشمس)
شمس: اقعدي علي السرير وانا
زينب: هاتعمليلها ايه
شمس: هاديها مسكن وهدلكلها بطنها ده اكيد برد ف المعده
سارا انتفضت من ع السرير وركضت مسرعه الي المرحاض الخاص بالغرفه لتستفرغ
وشمس دخلت لها وساعدتها وجعلتها تنحني ووضعت يدها على معدتها لتستفرغ
ومن ثم خرجت وجعلتها تستريح علي السرير
شمس: نورا معلش خلي سعديه تعملها نعناع بكمون
سارا بدموع وتعب: مش عايزه
شمس: ده طعمه جميل ولازم تشربي عشان معدتك
نورا خرجت ورجعت بعد فتره قصيره ومعها المشروب الساخن
شمس: حاولي تشربي
سارا اخذته منها وشربت ببطئ
وشمس كانت تدلك لها معدتها: حاسه بتحسن
سارا بتعب: شويه
بعد قليل
شمس: ارتاحي انتي هنا واحنا هنخرج عشان مانزعكيش
ف الخارج جاء عامر
عامر بقلق: مالها سارا يا شمس
شمس: شوية برد ف المعده، هاتبقا كويسه
_________في الليل_________
في غرفة عامر تدخل شمس
شمس: عامر ..عاامر
عامر استيقظ: اي يا شمس حصل حاجه
شمس: سارا نايمه ف اوضتي وانا مش بعرف انام غير فيها او ف اوضتك بليييز خليني انام جمبك
عامر: شمس انتي كبير ع الموضوع ده
شمس: بلييز اخر مره اعملك اي بحس بأمان رهيب ف حضنك يا عموري
عامر: شمس
شمس: طب اقعد جمبي لحد ماروح ف النور واخرج
عامر: بتطرديني من اوضتي
شمس: ايوه
عامل: ههه طب تعالي
شمس قفزت بسعاده علي السرير وضمت عامر وبعدها ذهبت في سبات عميق وخرج عامر
__________ف الصباح__________
استيقظت سارا وكان تعبها زال خرجت لتبحث عن غرفتها ولكنها دخلت بالخطأ الي غرفة عامر ووجدت شمس نائمه واستيقظت عند سماع الباب يفتح
سارا: سورى .. بس هياا مش كانت اوضتي هنا
شمس بنعاس: لا دي اوضة عامر
وهنا خرج عامر من المرحاض وكان يلف خصره بمنشفه سوداء
وسارا نظرت له بصدمه والي شمس وخرجت مسرعه
عامر: مش تقولي يا شمس ان سارا ف الاوضه ماكنتش خرجت كده
شمس: ماكنتش اعرف انك هنا، هقوم اخد شاور واغير هدومي وانزل سلام وطبعت قبله ع وجنته وخرجت متجهه لغرفتها
_________بعد قليل ف الاسفل________
ادهم: امال فين عامر عشان نروح ع الارض
احمد: هو راح وقال لما تصحوا نوصلكوا ليه
عدنان بصوت عالي نسبيا: يا عيسي
عيسي مسرع: نعم يا بيه
عدنان: وصل الضيوف عند عامر
زينب: . .م مين الطور ده ده هايكلنا
سهيله: هو ماله ضخم كده ليه
فاطمه: جرا ايه يبت منك ليها اتعدلي منك ليها اكده
زينب: هو انتي بتتكلمي كده ليه
بلال مقاطع: خلاص يا امي مايصحش اكده
شمس مقاطعه: مش معقول يا مرات عمي بزيداكي
فاطمه: والله وبجا ليكي حس يا بت ليله
عدنان: فاااطمه
فاطمه: افضل حاميلها اكده يا بوى لحد ماتركب وتدلدل رجليها
وذهبت
ليليان: عمر ماهيعدي يوم من غير مشاكل بسببك يا شمس هانم
نورا: خلاص يا ليليان
هدير: بزيداكم بجا
شمس: چدي انى رايحه لعامر وهاخدهم ف طريجي
عدنان: ماشي يا شمس
وخرجت معهم
شمس: احنا ممكن نتمشاها المكان قريب
حازم: انتي بتتكلمي عادي زينا
شمس بإبتسامه: مفكرني خارصه
حازم: لا مش قصدي
سهيله بضيق: هانمشي امتى
شمس: فورا شاهين ييجي بس ونتحرك
وهنا جاء احد الغفر ممسك بالحصان
شمس: اهو وصل
حازم: شاهيين يبقا الحصان
ادهم: انتي بتركبي خيل
شمس بإبتسامه: ايوه
زينب: انا بخاف من الحصنه ابعديه عني
سهيله: وانا كمان
شمس: حاضر
_______عند عامر_______
عامر: متأخرتوش
حازم: ماقولتلناش ليه انك متجوز يا عامر
شمس وخبطت علي صدها بخضه: اتجوزت من ورايا يا عاامر
عامر: لا والله .. مين قالك انى متجوز اصلا
حازم: امال مين شمس يعني وياسين الي بيقولك يا بابي
شمس بصدمه: يأخي وقعت قلبي ف ركبي
وتعالت صوت ضحكات عامر وشمس التي كسرت قلب سارا
عامر بضحك: شمس مش مراتي
سارا نظرت له بصدمه اكبر من صدمه الكل
يتبع........
#كتابة خديجه وليد
