تفاحة آدم

البارت الثالث

تفاحة ادم
علي البدر
البارت الثالث
...
.... 
عانيت  الامرين من نغم ..
چانت تختلق المشاكل شلون ماچان...
وامي مهما يصير ماتنطي بيها ...
لان امي چانت تحب اخوي براق وعله حبها اله بدت تهتم بنغم هواااي
...
...
مرة من المرات چنت گاعدة اطرز بالسطح واخيط جهاز مال اطفال ...
صعدت يمي ..
وگالت

ها هياا..
اليوم عالسطح گاعدة..
وجانت الضحكة شاگه حلگها
رديت عليها
اي بلي نغم هنا شوية اركز اكثر جوه صوت ومرات الضوه مو شي فما ارتب التطريز بشكل حلو
  ....
....
هااااا يعني هو هذا السبب الرئيسي يخليج تصعدين هنا..
گتلها
اسمعي نغم اني واضحه ما الف ولا ادور وماعندي شي ..
انتي احجي اكو شي ببالج ..
والسالفة اللي ببطنج طلعيها شكو...
..
..
كالت لا والله بس حسبالي مواعدة او عندج صديق تشوفينه من بعيد لبعيد ..
ماچنت اتوقع التطريز والخياط مهمات لهالدرجة...
..
..
كتلها اسمعي نغم...
يوم اللي خطبج براق الكل اعترض وانتي تعرفين ليش ...
واني ماجنت معترضة لان اعرفچ شنو انتي وشنو وضعيتچ...
اني من احط عيني بعينج اسحب كل سوالفج واخليج تكتينهن كت..
لذلك لاتبيعين ذني سوالفچ عليه..
مواعده وماعرف شنو بطليهن اوك ....
وبعدين انتي مو تريد تروحين لبيت اهلج اليوم شكو صاعده هنا...
..
..
ارتبكت وگالت
والله والله مو قصدي شبيج هياا
ليش زعلتي
واني اجيت اسلم عليچ وانزل لان تدرين اليوم اروح لاهلي...
يابه سلامج واصل ولاتخوطين بعد بصف الاستكان افتهمتي...
ظلت ساكته واني صحت بيها ..
احجي افتهمتي لو لا..
اي اي افتهمت هيااا
مع السلامة...
كملت تطريز وبداخلي مكسورة ومشتاقة لفهد ...
صدگ حسيت انو اني مشتاقة اشوفه
...
...

كملت شغلي وره ساعة فوك ونزلت وسمعت امي تصيحني ..
رحت الها.
گالت خالتج ربيحة اليوم تجينه علمود تباركلنة بزواج براق ونغم ...
...
ولو چنت اعرف بجيتهم چان عطلت مرت اخوج وماخليتها تروح...
...
...
  بيت خالتي ربيحة ماكدروا يحظرون العرس  چانت عدهم مشاكل وي جيرانهم وطلايب محاكم وسجون ...
من خلصت مشاكلهم وفضت انطوا خبر لأمي بجيتهم
...
صدگ والله كمت ورتبت البيت وي امي ..
واني هم لبست ورتبت رغم انو ماناقصني شيء
بس احب ارتب اكثر من يجينه خطار او ضيف ..
وخصوصا خالتي ربيحة احبها هواي ...
وكلش هواي تتاخر الا تجينه
...
...
وره ساعتين طبوا بيت خالتي ربيحه ..
تلكيتها وسلمت عليها وحضنتها گد مامشتاقتلها ..
گعدنه بالبيت وسولفنة والحمد لله طمنتنه انو كل المشاكل والمحاكم انتهت...
والضروف وي جيرانهم انتهت...
....
...
بعدين ضحكت خالتي وكالت ..
حبيبتي هيااا
اقلها خل نشوف صور العرس 
يعني هم مالحگنة نشوف العروسة وهم ننحرم من الصور...
..
گتلها تتدللين من عيني خالة هسه اجيبلج البوم صور العرس

....
...
گمت و رحت للغرفة
  چنت اندل كلشي بالغرفة بس ماحب ادخلها الا للضرورة
...
شلت البوم الصور وچانت حاطة البوم الصور وره الساعه
بس حركت الالبوم وگعت الساعة
..
...
وهنا كانت المفاجئة
...
وگع وياها شيء ملفوف بجيس اسود
صار عندي فضول الا اشوف شنو بداخله
شلته وفتحته
لگيت ورقة
مرسوم بيهاخريطه بيتنا
ومكتوب على خطوط الخريطه اية الكرسي..
وبين الكلمات احرف من اسمها واسم اخوي براق. ..
خفت من الورقة وكلت هاي تالي عمرنة وحده عنفوصة تسوي سحر تريد تهدم بيتنه