تفاحة آدم

البارت السابع

تفاحة آدم
علي البدر
البارت السابع
...
...
دخلنة بسنه ٢٠١٠
وچانت سنة هادئة بالنسبة لحياتي
ومرت بصورة سريعه وسلسة
...
...

صرت اركز اكثر بالامور وما اتسرع بقراراتي
صرت افكر هواي بفهد ..مو كحب وعشق لاااا

افكر اگول ليش مايكرر جياته ويخطبني
ليش اكتفى بمرة وحده وگطع

بالمقابل فهد مانقطعت جياته ..
وچان كل فترة وفترة يجينه ...

وعلاقته بأخوية عدي صارت قوية كلش

بس اني چنت اشوفها جيات عادية..
ماحس باللهفة القديمة اللي تتولد بداخلي قبل من يجي ...

حتى من يشوفني واشوفه جنت اركز بتفاحة ادم
ماجانت تصعد وتنزل

صح يجي ويمر ويسلم...
بس ابدا ماتغيير موقفة ولا فكر يعاود الخطوبة
.  ...
....
چنت احسه .. يماطل بسالفة الارتباط والزواج
خاصة و الوقت يمشي
و مر على خطبته الي الماصارت  اكثر من ثلاث سنوات
..
ولو صدگ يريدني مثل مايگول
...
...
ليش ما رجع كرر مرة ومرتين و ثلاث مرات...
...
لو مكرر جياته ومصمم عالزواج مني
چان حتى امي غيرت رأيها ...
...
..
لان كثرت الدگ يفك اللحيم
...
...

كان اغلب الوقت يخلصه فهد- لمن يجينه-
يم اخوي عدي
وچانوا يروحون للكماليات مالت عدي سوية
يعني علاقتهم صارت جدا قوية
...
...

مرة من المرات اخوي عدي احتاج جواز سفر...
لان گال ليش ابقه اوصي عله بضاعة كل يومين من سوريا
  
احسن شي اسوي جواز و اني اروح اتسوگ واجي من سوريا
..
الحدود مفتوحه و الروحه كلش سهلة...
...
وصدگ  راح يطلع جواز سفر واحتاج كم يوم حتى يكمل الجواز ....
لهذا بقه ببيت فهد

بقى تقريبا اسبوعين يم فهد ببيتهم
لان صادفت عطل وتاخرت اجراءات الجواز

فلمن رجع عدي للبيت من يم فهد وكمل جوازة
اكتشفت زوجته سارة  انو وحدة تتصل بي وتراسله وعدها علاقة بيه
..
  .
وصارت عركة طويلة عريضه وكبرت كلش
وسارة تصيح وتگله
ماكو غير فهد هو الي دلاك على هاي المكسرات
والا هو منين تعرف انت بهاي السوالف ...
اكيد رحت يم فهد واتعلمت..
وكبرت السالفة ورادت توصل  للطلاق
بس تدخلوا اهلي وحلو الموضوع وانتهت المشكلة...
.  
....
السعلوة سمعت بالسالفة
وهالمرة تحولت من سعلوة لحية وبثت سمها ونشرت السالفة
...
انو فهد معلم عدي عالدروب والسوالف المكسرة....
وسارة مكتشفه هالشي وذاب الصوج بفهد
....
....

بيوم من الايام وكان يوم جمعة وملتمين الضهر عالغدة
وچان سمچ شوي لان بالجمعه عادة يكون غدانه سمچ
  .
ماحسينه الا دخل فهد علينه بدون مايدگ الباب
چان مثل الأعصار وعيونة تجدح وتريد تطلع من مكانها
...
من غير سلام ولا كلام
گبل گال لاخوي عدي
البنية اللي تتصل بيك اني عرفتك عليها ؟؟؟
...
رد عليه عدي
...
منو تتصل شكو شنو السالفة
...
گلة وصلني كلام انو اخواتك يگولون انو اني ابو مكسرات ومدليك على وحدة ...
...
رد عليه عدي
منيلك هذا الحچي يافهد
وبعدين اخواتي انت تعرفهن كلش زين شوكت يحچون عليك ..
...
گلة لا والله حاچين وناس وصلولي الكلام بالحرف الواحد
...
...
بده عدي يعصب وگله وهسه شنو تريد شنو المطلوب يافهد