تفاحة آدم

البارت التاسع عشر

تفاحة ادم
علي البدر
البارت التاسع عشر
..
...
صارت تجينه تهديدات اذا رجعتوا او فكرتوا ترجعون
راح تنقتلون ونحرگ بيوتكم فوگ روسكم
لان وقتها الوضع تحسن واحنه
چنه ناوين نرجع بعد ماتحررت المنطقة والضروف استقرت
. 
بس التهديدات چانت اذا رجعتوا لمنطقتكم راح نعتقلكم
وناخذ نسوانكم سبايا
وغلط واشكال الكلام يوصل الي و لعدي
...
...
واخر شي رسلوا رسالة انو الفرقه طالعه وراح تاخذ ابوكم وامكم هناك وتدزهم الكم مفحمين
..
مباشرة اتصل عدي بأبوي بالليل وكله
..
هسه تترك البيت
تره اجتنه تهديدات
واذا بقيت بوية يفلشون البيت وانت بيه

گاله ابني تهديدات من وين
رد علي عدي
...
بوية مادري جهات جاي تهددنه
انت احسن شي اترك البيت هسه
...
كله وين اروح بهاذ الليل يابوية
...
كله لاي مكان روح بس تركوا البيت
....
...
وفعلا تركوا اللبيت
وراحو. لمكان يبعد خمس بيوت عن بيتنه
...
...
....
يمعود يا ابو براق غير تفهمني شصاير
ام براق اصبري انه افهمج عله كلشي بس طاوعيني واستقري هنا

ما استقر الا تگلي شنو صاير
يامرة يامرة
خابرني عدي مهددينهم اذا يرجعون يكتلونهم

وكايليلهم اهلك خل يعوفون بيتهم لا نحرگه فوك رووسهم
...
يامرة كلشي يتعوض الا الروح ماتتعوض
البيت والفلوس والذهب كله يتعوض
بس حياتنه كلنه شيعوضها لو فقدناها
...
...
حسبي الله ونعم الوكيل عليهم يابو براق
...
...
....
چانت گلوبنه مثل الطير المذبوح عله اهلي
وابوي گال لحد يتصل
لحد ما يتامن الوضع واتصل بيكم

والله صدك قريب الفجر اتصل ابوي وطمنه وگال احنه بخير
وكلشي الحمد لله
گبل سأله عدي
بوية شنو اللي صار
....
گاله اجت فرقه من ٤سيارات متروسه حشد وجيش
وطوقوا البيت لحته يعتقلونه
ومن مالگوا شي كسروا الشبابيج وفلشوا البيبان وطلعوا
ويا ابني هذولة مخربين مستحيل يكونون من الجيش والحشد
انتم واني نعرف شنو الجيش والحشد
مستحيل يسوون هيج شي
هذوله الاجو مخربين يريدون يسببون مشاكل وزعزعة بالمناطق اللي تحررت

...
...
گله عدي
بويةتعال لهنا لاربيل بين مانعرف منو هذوله وشنو يردون
وليش جاي يهدون ويلعبون باعصابنا
..
...
گله ابوي شلون تريدني اروح هسه وعوف منطقتي
...
انه ايام  داعش والحرب والقتل والذبح وبقيت كاعد هنا
...
وهسه تريد مني  من صفت اطلع
..
....
كله بوية اعرف ماتعوفها
بس هسه جاي يهددون بيك
يعني حياتكم بخطر اكثر من قبل

وبعدين انت لازم تجي
لان  خطيب اختي الدكتور
يريد يشوفك ويگعد وياك
وگال اني اروح والتقي بيه ببيته
...
بويه انت تعرف صعب يدخل الدكتوور لمنطقتنا
بس يسمعون بيه يذبحونه الدواعش
....
تعال هنا لحته تعقد هاي احسن حجه وسالفة التهديد محد يعرف بيها
...
بين ما نعرف منو وره هالتهديد
...
...
وبعد كلام عدي الطويل وهم تواسيلي اني والعائلة كلها
وافق ابوي يجي
وفعلا يومين وره الاتصال اجه ابوي واهلي كلهم
...
اوووووف والله حسيت هموم  الدنيا كلها
انزاحت عن گلبي
من شفتهم داخلين علينه حسيت بدخول روح جديدة وسط روحي
شبكتهم وبچيت وطولت حاضنة ابوي
...
...
وچنت احس بدموعه تبلل برگبتي
....
...
مهما تكون البنت متعلقة بأمها وقريبة من امها
ومهما تكون محتاجة لحب الام وحنية الام
....
مستحيل تلاگي حنان مثل الاب وحب مثل حب الاب
....
حسيت عمري كله بده من الصفر واني شابگة ابوي
....
...
كلما احسه يريد يوخر وانه اچلب بيه واحضنه بالزايد
...
....
واني شابگته عرفت ماكو حب بالكون كله يعادل حب البنت لابوها
ولحظتها تسطرت كل المواقف والاحداث الحلوة وي ابوي
بس موقفي واني شابكته وشابكني ونبچي كان اسعد موقف بحياتي
تاكدت ان حب الحياة والمال والجاه والسلطة وحتئ حب العشيق
اوهام باوهام
حب الاب هو الدنيا باكملها
....
...
وره هاللقاء العفوي والبريء
دهلوا اهلي للبيت
وچانوا ضايجين لان ما نعرف منو يهددنه ويتلاعب باعصابنه
..
...
كلما نفتح السالفة ونحچي بيها ابوي چان يدافع عن الحشد والجيش