تفاحة آدم

البارت الرابع

تفاحة ادم
علي البدر
البارت الرابع
...
...

صار فهد دائما يتردد علينا
لا وانما صار يقضي كل وكته عدنا........
يجي يمنه اكثر من مايروح لبيت اهله....
بوقتها چان هوه توه متخرج من اعدادية الصناعة
فأخوي براق چان يحترمه هواي واقترح عليه  بوقتها انو يشتغل بالبانزين خانة اللي يمنه..
وگاله ..
حبيبي فهد الشغل هنا اصرفلك واحسن لك ..
ومنامك وسكنك يمنه ...
الحمد لله بيتنه جبير ودوانيتنه معزولة عن البيت

هو ماصدك الخبر ووافق مباشرة وصدك اشتغل وصار مقيم يمنه...
...
...
چان ماخذ راحته بالبيت
وصار كأنما ... واحد من العائلة
...
...
علاقته بأمي وابوي چانت زينة ويمازحهم هواي
مرة من المرات چنت گاعدة يم امي وابوي
وچان هوه موجود..
ويمازح امي وابويه يگوللهم...
لو بس حبكم ينتهي
كافي مو صرتوا شياب
اعماركم گضت وانتم عله نفس الحب ...
كان دائما يحچي وياهم ويسولف بس احس بكلامه اني المقصودة
...
  من يحچي دوم  عينه عليه كنت احس كل الكلام موجه الي...
...
مرات يلاعب تبارك بنت اخوي براق ويمازحها
وچان عمرها زغير
يگللها انتضرچ لو اصير شايب الا اخذ چ لو الف عشيرة توگف بوجهي...
ومرات لا ...
چان يوجه الكلام مباشرة
...
ويگول اني تعلقت بيچ وحبيتچ ..
وما انسه برائتنة وطفولتنه وماراح احد يمنعني عنچ
...
...
چانت حياتي وياه حلوة لمن اشوفه او اسمع سوالفه جنت اروح بعالم ثاني...
مواصفات فهد قريبه الي
جان ابيض وطويل وشعره عالي وسرح وصاحب جسم مرتب ...

بس عشگي وولهي وحبي اله كان بسبب شخصيته وتعامله واحترامه الي...

تقريبا اغلب الناس عرفوا السبب اللي خله فهد يغير راية ومايخطب منال اخت نغم...
والسعلوة نغم من اللي عرفوا بس چانت متكدر تسوي شي
لان اني حاكمتها وماخليها تتنفس بحرف
...
...
متكدر تسوي شي
بس چانت  تسمعني كلام...
مثلا چانت دايما تكول.....
انو ما اخليه ياخذچ لو شنو يصير وماتتزوجينه وخشمي يشتم الهوه
...
...
اني بالنسبة الي اسمع سوالفها واضحك
لان بقيت مصممة انو ماعندي شي ويه فهد ولا وي غيره
السعلوة چانت من يجي فهد تطلع وتسلم عليه عادي ولاكأنما شي صاير
واصلا متحجي اي شي...

بس من يطلع تبدي بكلامها وسوالفها الما لها معنى...
هسه هوه فهد ششاف من بعض ناس
اكو واحد يعوف منال ويچلب بوحده  بيضه چنها طنطل ...
چنت اسمع حچيها واضحك عليها...
...
...

شفت نغم تجهز بالبيت سالتها منو حيجي ..
گالت امي اليوم جاية...
گلت بگلبي الگرطة الچبيرة لافيه اليوم ...وشيخلصني منها..
چانت امي ماموجوده بره البيت ..
...
والله هناك وبينت الگرطة
تلگيتها وسلمت عليها...
بس چان وجهها ما يگصه الفاس

واني ارتاح من اشوفها هي وبتها ضايجات
كعدت يمها وسولفنه
وخلصت الوكت كله.......
عله بتها منال ..
بنتي الف واحد يتمناها
وبنتي اصلا هي مارايدة فهد..
ضحكت بداخلي وگلت
مارايدته بنت الگنفذ
چا ياهو النايم يومين بالفراش علمود فهد......
ابوي لو عمي
...
..
رجعت وگالت ..
لازم شايفله شوفة وحده يجوز ضاحكتله غامزتله ...
بنات هالوكت اغلبهن خفاف ومو راحه ويهدمن بيوت...
من گالت هالحچي عرفت انو هي تقصدني ..
اشتعلت نار بداخلي
وانقهرت كلش من حچايتها وماكدرت احچي لان انفضح...
بس ماصبرت وكتلها..
لا خالة يجوز شاف وحده احلى من بنتچ ...
ترى البنات هالوكت مو خفيفات بس اكو وحده حليوة واكو وحده حلوة
وتشك شك...
ورجعت عليها وحبيت اقهرها اكثر واكثر
واستغليت طبعا غياب امي عن البيت 
گتلها هو قرر
يستقر يمنه لان شغلة هنا واحنه هم مو غريبين عليه يخاله
...
...
طكطگت اصابعها بالگاع وگالت بالعافية عليكم ...
وگامت لبيتهم
...
   ....
طلعت وحسيت انو كلبها اشتعل نار ..واني بالمقابل فرحت هواااي