تفاحة آدم

البارت الثاني

تفاحة ادم
البارت الثاني
علي البدر
...
...

مرت سنوات عمري هادئة..
كل شي يمشي بسهولة وراحه...
حلم الدراسة انتهى
حلم المحاماة انتهى 
بس بالمقابل بده حلم جديد ...
حلم الحب والتقرب من گلب فهد
حلم اول مرة يجي ويمر عله بالي
....
  
حياتي تمشي ومستمرة وماتغيير شي مهم بيها
صارت روتين يومي
...
كل اللي تغير برحلة حياتي
هو انو صرت ربة بيت ماهرة
بشهادة الاهل و الاقرباء...والاصدقاء
چنت طباخة وخياطة اتفنن بالطبخ  وبالحلويات...والكيك
واتفنن بالخياطة والتطريز ...

...
وتطورت مهارتي بالخياطة هواي  صرت اخيط لاقاربي واطرز الهم..

...
...
صرت اشتري لنفسي هواي شغلات اساور ذهب تراچي..
الخياطة والتطريز فتحتلي باب رزق رغم اني ماكنت محتاجه ...
بس چنت اضيع اغلب وقتي بهالامور
عمري كله ما لابسه ذهب ...
مو لأن ماگدر اشتري لا ابدا....
...
...

بس لان امي عاقبتني من چان عمري ست سنوات...چنت لابسة تراچي ذهب
واجت بت جيرانه بنيه چبيرة عمرها ٢٠سنه تقريبا
سحبتهن من اذني وباگتهن مني وحتى بيومها اذني طلع منها دم...
...
ومحد صدگني وحتى امي چانت قاسية وياي وتگلي..
هياا اسمعيني ...
انني لو مو فاهية وثولة ما خذوا منچ تراچيچ
ليش ما اخذتي حقچ بيدچ...
ومنو يگول ماخذتهم بت جيرانه يجوز ضايعات منج ....
...
...
من ذاك الوقت اللي نباگن تراجيي بيه مالبست الذهب..
امي چانت رافضه هالشي  ...
هو صار مثل الدرس الي ...

. 
..
بسبب الخياطة والتطريز صرت اشتري اي شي احبه ..
اشتريت تراچي وسوارات ومحابس وكلشي نفسي بيه
...
...
مرة من المرات چنت گاعدة يمي امي ولابسة تراچي كلش طوال
شافتهن امي وكالتلي وهي تضحك 
هياااا ..
هالمرة اذا ضاعن منچ گولي اكلاهن الواوي ....
لاتكولين نباگن عيب
وخليچ لابستهن ورتبي حالچ اليوم اختچ سحر يجونها خطابة
رديت عليها...
خطابه ...منو همه
گالت ...
ابن عمتج
وهذولة مانردهم لان بيت الشيوخ
....
   ...
سحر اختي هي الچبيرة وطبعها مدلله كلش وخصوصا عد امي
. 
يعني چنت خايفة .. ترفض هالزواج
....
...
حچت وياها امي لان سحر رفضت الزواج هذا .......

بنتي سحر انتي ليش رافضة ...
بالعكس ابن عمتج خوش رجال واهله شيوخ ومعروفين ....

...
...
ردت سحر عليها
يمااا اني ماعندي مشكلة بالولد اعرف بن شيوخ وبيتهم معروف وناس محترمين
المشكلة يماا بالشغل والتعب اللي ببيتهم
يعني مو مرات تگولين بس غداهم ذبيحتين ....
يماااا اني اعرف من اروح هناك اصير للخدمة ...
چنت اسمع كلام اختي سحر وعرفت انو هي بداخلها موافقة وخوفها هذا من الشغل بالبيت راح ينتهي وي الايام ..
وبالفعل من صار وقت الخطوبة تمت كل الامور بسلاسة وصارت القسمة ...
ومع مرور الايام بده الخوف ينتهي من گلب سحر وصارت تحب خطيبها ووره كم شهر تزوجوا وانتهت كل شكوك ومخاوف سحر...