تفاحة ادم
البارت الخامس
علي البدر
....
....
اختفى فهد وصار مايجي لبيتنه .. وصرت ما اسمع اي اخبار عنه ...
وبنفس الوقت العالم صارت تحچي....
انو هيااا وفهد بيناتهم علاقة
ولهذا السبب يروح يمهم حتى يكون قريب منها ...
امي چانت مشتعلة نار من هالاشاعات وكل يوم تجي وتسالني...
هياا صارحيني عندج شي وي فهد...
واني احلف بكل الاديان ماعندي شي وياه ..
وامي تلوج وتكول منين طلعت هالسالفة ...
وبقت هالسالفة مدخنة وتفتل الى ان فد يوم اجانه فهد....
وهاي المره اجه هو وامه وابوه
وفتحوا الموضوع وي اهلي علمود يخطبوني ....
اني بقيت ساكته
بس فرحت بداخلي چنت فرحانه حيل واحس الگاع ماتشيلني
واخيرا وفه بوعده واجه يخطبني ومالعب عليه
بس امي حييل ضاجت وبين القهر والخزن بوجهها
وگالت الهم هاي المواضيع ماتصير بسرعة ...
هذا زواج مولعب لازم احجي وي البنية عله انفراد واحچي وي ابوها واهلها واني هاليومين اردلكم خبر......
لو مو العيب والخجل اطفر من مكاني واگلها يماا اني موافقة
.
همه طلعوا وگالوا لامي ننتظر منچ خبر هاليومين ...
چنت اباوع لفهد احسه فرحان بداخله مثلي وشفت تفاحة آدم اللي برگبته تصعد وتنزل
...
.....
وره ماطلعوا
اجت امي وچانت كلش معصبة
وجهتلي الكلام بحده
...
....
وگالت
هيااا انتي عندچ علاقة بفهد من قبل ...
گتلها لا والله يايمه واصلا ماعرف اله نية انو يتقدم الي ويجي يخطبني
گالت لعد خوش..
اسمعيني هياااا
اذا وافقتي معناها حچي العالم صح وانتي عندچ علاقة وياه ....
اما اذا رفضتي راح تسكت العالم وتنلصم وتنتهي سالفة فهد وهيااا اللي شاغله راسي...
يبست عروگي ونشف ريگي وماكدرت احجي وي امي شي...
گتلها اللي تشوفينه يمااا سويه
....
..
والله وره يومين اجانه مرة ثانية فهد واهله ...
عرفت انو فهد مايكدر ينتظر الرد فقرر يجي ويسمع من امي
..
ولمن سالوا امي عن النتيجة...
گالت الهم
هياا رافضة الموضوع من اساسة تكول اني اكبر منه...
وهو اصغر مني
و مستحيل اخذ واحد ازغر مني .
...
...
جاوبها فهد..
هاي شلچ بيها ام براق وين اكبر مني ....
شوكت صارت اكبر مني يا خالة
ردت امي
والله يا ابني فهد هيه اكبر منك بسنة ونص
و راح تنعاد سالفه امك وابوك وزعلها كل يوم
لان تعرف امك اكبر من ابوك بشهرين وچانت يوميه زعلانه عله سالفه انتي اكبر مني وابوك يعيرها ويگلها مو زين مني ماخذچ ...
...
...
اني ماريد بنتي تمر بهالشي...
...
وصح مو من حقي احچي هالشي بس امك وابوك گاعدين هذولياهم ويعرفون شنو اقصد ...
ولو مو الموضوع يخص بنتي وزواجها ماتطرقت وفتحت هذا الموضوع
بس قصدي اخليك تطلع عله شي انت غافل عنه وفايتك هواي..
ولاتنسة تره امك اكبر من ابوك بشهرين يعني مو ذاك الفرق ويومية خلاف..
فكيف انت ازغر من هيااا بسنة ونص
گاللها خاله
بعد كلبي كلبج
تره لا اني ابويه ولا هيه امي حتى نسوي هيج شغلات ...
اني اختلف وانتي تعرفيني خالة وربيت وياكم
گالت له لا ولله يخاله ابو المثل يگول ابن الوز عوام ...
أنت تقرأ
تفاحة آدم
Roman d'amourتعشقه منذ ان عرفت ان الحب شيء جميل ضمها اليه قربها منه احتواها .... لكن في نهاية المطاف اصبحت تعشقه كطيف وظل لان حقيقته رحلت وبقي وهم الحب يطاردها .... بين هياا و فهد
