#نجم_الشمال
#جميلة_جاسم
زهراء...السلام عليكم
شبحتلها هيا والولد معاها رديت الوشااح علي شعري ...وعليكم السلام
زهراء ..معليشي ...جايينك في وقت غلط .
قلبي ضربني منعرفش حسيت وراها شي ...معليشي تفضللي غير........ كيف .بنتكلم بنقول جهاد مهناش لين قالت
زهراء...ممكن جهاد معاك ولا هكي...
فرحه...بروحي ما معاي حد اني قاااعدة كيف ناايضة عادي خشي
خشت واني عدلت حجابي ...والولد ورااها منعرفش نشبح فيه كبير
قتلها معليشي الولد خلي يستني جهاد مهناش ومنقدرش اندخله
زهراء ...اللطف ياااربي ...صغيير الولد راااه صغيييير خليي ايخش جهاد معنداش مشكله خووي هذا ..
خشيت لبست عبايتي وشااحي لاني كنت لابسة بجامه وطلعت للكوجينة درت طاسة عصيير ..
وقلبي حاسني في شي
وقفت في الفم...
نسمع فيها
اتقووله اول ما هيا اتخش انته اطللع...قول نستني فييييك البراء ....
رد عليها قلها بااهي بسرعه ..ماعطلييش ...
قويت روحي وخشييت ...
اني وصلت لصاله الاستقبال هو طلع وقال نفس الكلام...
اني سكتت منبيش نتكلم خفت تطلع اتسجل خفت ادرلي شي
عطيتها العصيير وقعمزت قتلي
زهراء . كنت مروحه من الدرس الخصوصي لخوي زي ما تعرفي العام الدراسي علي الابواب واني نبيي يفهم مشي لقيت رجلي قدام حووشكم
فرحه ...مرحبتين بييك ...
قعدت ساكته وهيا تقيم في الساعه وتشبح واخر شي قالتلي..
معليشي علي هذاك اليوم ...الحق اني من جيها مرت بوى امتعبتني. ومن جيها وضعي الصحي مش تمام .. وانعاالج الحق نمشي مع خالتي ونعالج ...
فرحه...ان شالله ربي ايفررج كلنا وضعنا كل وحدة عندها حاجه فاقدتها
زهراء...امالا اني نستأدن توة الحق جيتي كلها علي خاطر قلت انطيب خاطرك ونتصالحو واحني وخياات
فرحه..عادي اني ماشايله في قلبي شي
طلعت من الصاله تفأجأة بخوها في فم باب الحمام ..معش عرفت شن انقول شن انديير اسكتت وستادنت سلمت وروحت ...
خشيت نجري شبحت الحمام ...مافي شي غريب ..الدار مسكرة قعدت قلبي يضرب ..
نكتت الحوش كله قلبته قللب ..
دورت نبي نلقي شي حاطنلي سحر حسيت انهم بيسحروني .. أكيد
اني سمعتهم تقلها انديرلك ربط .. نعقدلك
نبكي ونقلب ...اخر شي قمت التليفون ...كلمت جهاد ونسيت انه عند امه نسيت انه طالع مني يبي شوف امه خييرها..
أنت تقرأ
نجم الشمال
Actionرواية ليبية...دات طابع حاد غريب .لرجل رماه الفقر والعوز الي طريق الشمال فوجد نفسه نجما الشمال ... عندما ادرك طريق النهاية زارهو منقد طييف عشق حب اجتااح قلب ميت قلب الصخر وانقده من وسط الركاام ... ربما كلمه وااحدة ترمي بنا نحو الهلاك كيف نستطيع ان...
